Apocalipsis 14:18 - Tũpa Ñehengagüer

¹⁸ Ipare ambuae Tũpa rembiguai osẽ mbahe reropovẽheprɨ renda sui, ahe tata rese hañecosar secoi. Iyavei oñehe pĩrata evocoi vɨreco vahe mbahe mitɨ asɨasa upe aipo ehi: “¡Eyasɨa uva ha apacuar, evocoi oime vahe ɨvɨ pɨpe! ¡Esepia niha, opa yavɨye!” ehi.

Tüpä Ñe'ëngagwer

¹⁸ Ipare ambuae mbigwai ɨva pendar osë mba'e reropove'ëprɨ renda sui, a'e tata rese añekosar sekoi, iyavei oñe'ë pirätä evokoi vɨreko va'e mba'e mitɨ̇ asɨasa upe aipo e'i: “¡Eyasɨa uva a apakwar, evokoi oime va'e ɨvɨ pɨpe, esepia ni'ä opa ite yavɨye uva a kurïtëi!”

Apocalipsis 14:18 Iomraidhean Croise

San Marcos 4:29

Evocoiyase co mbɨa mbahe ha yavɨyese, oipoho. Esepia, oyepota arɨ ipoho ãgua chupe” ehi.

Apocalipsis 16:7

Asendu avei ambuae ñehesa mbahe reropovẽhesa renda sui aipo ehi vahe: “Supi eté, che Yar Tũpa, opacatu mbahe mboavaisarẽhɨ, nde ava recocuer mombaraɨsusa supi tuprɨ vahe ité iyavei nde reco ɨ̃vi vahe ité no” ehi.

Apocalipsis 16:8

Tũpa rembiguai imoirungatusa, opa oipɨyere mbahe rɨru pɨpendar arɨ rese, ipare arɨ upe imondosa pĩratasa ava rapɨpa ãgua.

Apocalipsis 8:3

Ipare ou ambuae Tũpa rembiguai ɨva pendar oro itaɨsɨ rapɨsa reseve, iyavei ou ohã itaɨsɨ rapɨsa renda rovai; ipare imondosa tuvichá itaɨsɨ chupe oicuavẽhe vaherã oyoya tuprɨ opacatu ava Tũpa upendar yeruresa rese oro mbahe reropovẽheprɨ renda harɨve; ahe Tũpa renda rovai chini vahe.