Apocalipsis 14:11 - Tũpa Ñehengagüer

¹¹ Tãtachi icaigüer pendar evocoiyase oyeupira ndopai vaherã, ahese ndipoi chietera pɨtuhusa pɨ̃tu, arɨ pɨpe evocoi mbahe ɨpɨ vai mboeteisar upe, sahanga mboeteisar upe avei no, iyavei acoi vɨreco vahe serer cuachiaprɨ oyese yuvɨreco no” ehi.

Tüpä Ñe'ëngagwer

¹¹ Tatächi, ikaigwer pendar evokoiyase oyeupira ndopai va'erä, a'ese ndipoi chietera pɨtu'usa pɨ̇tü arɨ pɨpe, evokoi mba'e ɨpɨ vai mboeteisar upe, sa'anga mboeteisar upe aveino, iyavei akoi vɨreko va'e serer kwachiaprɨ oyese yuvɨreko no.”

Apocalipsis 14:11 Iomraidhean Croise

San Mateo 11:28

Peyu cheu opacatu icuerai vahe. Che amondora pe pɨtuhu ãgua.

San Mateo 25:41

“Ahese aipo ahera cute che mbahe rese pocoẽhɨsa cotɨndar upe: ‘Pesɨrɨ che sui. Esepia, pe peico Tũpa ñemoɨrosavrɨ pendar. Pesopa tata guasu apɨrẽhɨsave, evocoi imoingatuprɨ opacatu caruguar upe nara serecuar reseve.

San Mateo 25:46

Ahe ava yuvɨrasora Tũpa ñemoɨrosa apɨrẽhɨ vahesave. Seco ɨ̃vi vahe rumo teco orɨ opaẽhɨsave yuvɨrasora” ehi Jesús oreu.

Hebreos 1:8

Tahɨr rese ñehesa rumo aipo ehi icuachiaprɨ aracahendar pɨpe: “Che Yar Tũpa, nde mborerecuasa rumo apɨrẽhɨ vaherã ité. Ereporocuai nde reco ɨ̃vi tuprɨsa pɨpe yepi.

Apocalipsis 11:15

Imoñuvɨrío ovasa Tũpa rembiguai omoñehese güemimbɨ, ahese oyeendu ñehesa ipĩrata vahe ɨva suindar aipo ehi vahe: “Yande Yar Tũpa, Sembiporavo Poropɨ̃sɨrosar avei vɨreco co ɨvɨ pɨpendar mborerecuasa opovrɨve yuvɨreco cute. Ahe evocoiyase mborerecuar apɨrẽhɨ vaherã itera secoi” ehi.

Apocalipsis 13:12

Ahe vɨreco opacatu evocoi yɨpɨndar vahe mbahe ɨpɨ vai mborerecuasa sovaque, iyavei ava ɨvɨ pɨpendar yuvɨrecoi vahe upe omboetei uca yɨpɨndar mbahe ɨpɨ vai, ahe acoi ocuera tuprɨ vahe oyeapichasa oyuca rãgüer sui.

Apocalipsis 13:15

Ipare imondosa pĩratasa chupe tecovesa mondo ãgua evocoi sahanga upe ‘toñehe, toyuca uca avei ava opacatu omboeteiẽhɨsar’ oyapave.

Apocalipsis 13:17

Ahese ava ndipoi eté oicatu vahe mbahe rerocua, anise que mbahe mondo ãgua acoi ndovɨrecoise mbahe ɨpɨ vai rer, anise serer retacuer ndovɨrecoise oyese no.

Apocalipsis 14:9

Ipare ambuae Tũpa rembiguai ɨva pendar imombosapɨsa, saquɨcue moña aipo ehi pĩratá iri oico: “Acoi que ava omboetei vahe mbahe ɨpɨ vai sereco, sahanga avei no, iyavei acoi oyembohe catu vahe oyecuachía ãgua osɨva rese, que opo rese no,

Apocalipsis 18:18

iyavei co tecua rãtachi repiase, ahese osapucai pĩrata tẽi yuvɨreco: “¡Ndipoi eté niha yɨpɨsui tecua na ehi vahe!” ehi yuvɨreco.

Apocalipsis 18:9

Evocoiyase mborerecuar ɨvɨ pɨpendar yuvɨrecoi vahe co cuña resendarer, chupe oyemondo-mondo tẽi vahecuer imbahe eta rese, oyaseho tẽira yuvɨreco iyavei ndoyembovɨhai chira sese osepiase evocoi cuña rãtachi yuvɨreco curi.

Apocalipsis 19:3

Ipare aipo ehi iri yuvɨreco no: “¡Imboeteiprɨ yande Yar tasecoi! Esepia niha, evocoi tecua rãtachi ndopai chietera” ehi.

Apocalipsis 20:10

Caruguar evocoiyase, ava mbopa-mbopa tẽisar, ahe opa imombosa ɨpa azufre ocai vahe pɨpe. Aheve acoi opa imombosa mbahe ɨpɨ vai iyavei Tũpa ñehe mombehusar angahu tẽi vahe avei no. Aheve iparaɨsura pɨ̃tu, arɨ yuvɨreco apɨrẽhɨ vaherã.

Apocalipsis 22:5

Aheve ndipoi chietera pɨ̃tu, iyavei ava aheve yuvɨrecoi vahe ndosecai chietera tataendɨ. Ndosecai chiaveira que arɨ güesape ãgua yuvɨreco. Esepia niha, yande Yar Tũpa teieté osesapera. Ipare ahe ava mborerecuar apɨrẽhɨ vaherã ité yuvɨrecoira sese.

Apocalipsis 7:12

aipo ehi: “¡Ẽgüe tehi! Sapucaisa, poromboeteisa, mbahecuasa, ‘¡Avɨye ndeu’ hesa, poromboyeroyasa, mborerecuasa, teco pĩratasa avei tasecoi yande Ru Tũpa upe! ¡Ẽgüe tehi apɨrẽhɨ vaherã ité yepi!” ehi.