Apocalipsis 13:6 - Tũpa Ñehengagüer

⁶ Ẽgüe ehi iñehe mara-mara tẽi Tũpa rese, iñehe-ñehe tẽi avei serer maranehɨ rese, sẽta rese, ɨva pendar rese avei no.

Tüpä Ñe'ëngagwer

⁶ Egwë e'i iñe'ë marä-marä tëi Tüpä rese, iñe'ë-ñe'ë tëi avei serer maräne'ɨ̇ rese, sëtä rese ɨva pendar rese aveino.

Apocalipsis 13:6 Iomraidhean Croise

San Mateo 12:34

¡Evocoiyase pe, mboi nungar tẽi peico vahe, pe recocuer naporaise, ndapeicatui chira mbahe avɨye vahe rese pe ñehe ãgua! Esepia, pe pɨha pɨpe sui tẽi osẽ pe ñehe ãgua.

San Mateo 15:19

Esepia, ava pɨhañemoñetasa sui osẽ pɨhañemoñeta raisa, porapichisa, mendasa sui yemboaguasasa, nomendai vahe yemboaguasa tẽisa, mondasa, temira iyavei ava rese ñemoñeta tẽisa.

San Juan 1:14

Ipare ahe Tũpa Ñehe, oyeapo ava, oicove yande pãhuve co ɨvɨ pɨpe oporoaɨsusave mbahe supi eté vahe aposa pɨpe. Iyavei orosepia ité seco porañetesa. Co seco porañetesa oipɨsɨ vahe Vu sui Tahɨr ñepei vahe güeco pɨpe.

Romanos 3:13

Iñehesa mbahe tẽi eté, inungar tuvɨpa ndasovapɨsai vahe. Oñehesa pɨpe oporombopa yuvɨreco. Ahe ñehesa evocoiyase inungar mboi naporai vahe oporomocañɨ tẽi vahe.

Colosenses 1:19

Esepia, Tu oipota opacatu güecocuer reseve secoi ãgua sese yepi.

Colosenses 2:9

Esepia, Cristo vɨreco opacatu Vu Tũpa reco oyese.

Hebreos 9:2

Ahe tũparo pɨpe na ehi mbahe imoingatusa: yɨpɨndar oɨ Nimarai Vahe serer. Ipɨpe oime vera renda iyavei mesa pan sovasaprɨ Tũpa upendar reseve.

Hebreos 9:24

Esepia, Cristo ndoiquei tũparo oɨ imaranehɨ catu vahe ava rembiapo pɨpe tẽi. Esepia, ahe ɨva pendar rahanga tẽi. Ẽgüe ehi rumo ahe oique ité ɨvave. Aheve cũritei secoi Tũpa rovai yande pɨ̃tɨvɨi ãgua oyeroquɨ pɨpe.

Apocalipsis 11:12

Ipare ahe ñuvɨrío osendu yuvɨreco ñehesa ipĩrata vahe ɨva suindar aipo ehi vahe: “¡Peyeupipa ave ɨvate!” ehi. Evocoiyase opa oyeupi ɨvave yuvɨraso ɨva quɨha pãhu rupi oamotarẽhɨsareta rembiepiave.

Apocalipsis 12:12

¡Peyembovɨha catu pe ɨva ɨguar peico vahe! Pe rumo, ¡peparaɨsu catura ɨvɨ pɨpe, para guasu pɨpe avei peico vahe! Esepia niha, Caruguar ogüeyɨ pẽu oñemoɨrosa pɨpe, oicuase güeco pucuẽhɨ ãgua” ehi.

Apocalipsis 15:5

Ipare asepia ɨvave oyemboise Tũpa rẽta imaranehɨ vahe. Aheve acoi yapocatusa mborocuaita resendar.

Apocalipsis 18:20

Peyembovɨhaño evocoi tecua rese, pe ɨva pendar, iyavei opacatu chupendar peico vahe, pe no Jesús apóstol peico vahe, opacatu Tũpa ñehe mombehusar peico vahe avei no. Esepia niha, co tecua omocañɨsa pɨpe Tũpa oyapo mbahe tuprɨ pẽu nara.

Apocalipsis 21:3

Ipare asendu ñehesa pĩrata tenda suindar aipo ehi vahe: “Tũpa cũritei oicove ava rehɨi pãhu rupi oico. Ahe oicove vaherã ité sese yuvɨreco yepi, ahe ava evocoiyase chupe nara ité yuvɨrecoira. Ahe teieté niha secoira yuvɨreco chupe.

Apocalipsis 4:1

Ipare asepia mbahe inungar oquenda oyemboi vahe ɨvave. Ahese evocoi ñehesa ipĩrata vahe mimbɨ nungar yɨpɨndar oñehe vahe cheu, ahe asendu iri: “Eyeupi ave. Che evocoiyase mbahe amboyecuara ndeu mbahe imboavɨyepɨrã curi” ehi.

Apocalipsis 4:4

Iyavei asepia evocoi rese oyere tuprɨ ambuae veinticuatro tenda, ahe iharɨve oguapɨ yuvɨnoi veinticuatro avei icuaiprɨ yuvɨrecoi vahe; iturucuar morochí vahe yuvɨreco iyavei oãca rese omboyere tuprɨ oro apoprɨ yuvɨreco.

Apocalipsis 5:13

Ahese asendu avei opacatu Tũpa rembiapo ɨvave yuvɨrecoi vahe, ɨvɨ pɨpendar, ɨvɨvrɨ rupindar iyavei para guasu pɨpendar, aipo ehi yuvɨreco: “¡Toime sapucaisa, Tũpa upendar mboyeroyasa, imboeteisa, iyavei pĩratasa, ahe timondosa apɨrẽhɨ vaherã Tũpa acoi güendave oguapɨ vahe upe, Tahɨr Ovesami nungar upe avei no!” ehi.

Apocalipsis 7:15

“Sese Tũpa renda rovai yuvɨrecoi, chupe mbahe apo ãgua arɨ, pɨ̃tu rupi avei sẽta pɨpe. Güendave oguapɨ vahe oĩ, güecocuer pɨpe osepɨra.

Apocalipsis 7:9

Ipare asepia setá iteanga ava, opacatu ɨvɨ rupindar, ambuae-ae tẽi vahe, ambuae-ae tẽi vahe iñehe yuvɨreco iyavei secua ambuae vahe avei no. Ahe opũhapa vahe Tũpa rovai Ovesami rovai avei yuvɨreco no, ahe ndayaicatui eté ipapapa ãgua. Esepia, setá eteprɨ yuvɨreco iyavei iturucuar morochí vahe pãve; pindo-pindomi vɨreco opove yuvɨreco no.