Apocalipsis 11:2 - Tũpa Ñehengagüer

² “Nderesãhai chira rumo ñachimbrɨ pɨpe tũparo rocar rupi. Esepia, evocoi opa imondosa ava Tũpa ndoicuai vahe upe, ahe opɨ̃rora tecua nimarai vahe rese yuvɨreco cuarenta y dos yasɨ rupi” ehi.

Tüpä Ñe'ëngagwer

² Nderesä'ai chira rumo ñachimbrɨ pɨpe tüpäro rokar rupi, esepia evokoi opa imondosa ava Tüpä ndoikwai va'e upe, a'e opɨröra tekwa nimaräi va'e rese yuvɨreko cuarenta y dos yasɨ rupi.”

Apocalipsis 11:2 Iomraidhean Croise

San Mateo 27:53

Ẽgüe ehi Jesús cuerayevɨre, ahe opa yuvɨnose tehõgüer ruvɨpa sui. Ipare yuvɨroique Jerusalén maranehɨ pɨpe. Aheve setá ava upe oyemboyecua yuvɨreco.

San Mateo 4:5

Ichui Caruguar vɨraso Jesús Jerusalén maranehɨ pɨpendar tũparo torre apɨterve.

San Mateo 5:13

“Co ɨvɨ pɨpe pe avɨye yucrɨ peico opacatu ava upe. Yucrɨ rumo nasehe irise, ndayaicatui imoehe iri ãgua, ndiporusai chietera; imombopasara ava pɨrunga ãgua yuvɨreco.

San Lucas 21:24

Iyavei quɨse pucu pɨpe setá ava omanora yuvɨreco iyavei ambuae setá ava ipɨsɨprɨ serasosara ambuae ɨvɨ rese amombrɨsave. Iyavei ambuae ɨvɨ pɨpendar ava ndahei vahe judío yuvɨrecoi vahe oiporu itera tecua Jerusalén acoi osupitɨse voi eté arɨ imombehuprɨ yuvɨreco chupe” ehi.

Hebreos 10:29

Peyapɨsaca tuprɨ co rese: ipĩrata catu oimera Tũpa ñemoɨrosa tahɨr reroɨ̃rosar upe curi iyavei acoi ava vɨreco vahe suvɨ inungar mbahe ẽgüe ehi tẽi vahe iyavei vɨroɨ̃ro tẽi vahe guaɨsusar Espíritu, chupe avei oimera Tũpa ñemoɨrosa ipĩrata catu vahe. Esepia, co tuvɨ rese niha seroyaprɨ ité Tũpa remimbotar. Ipɨpe avei niha ahe ava Tũpa rembipeha yuvɨrecoi.

Apocalipsis 11:11

Mbosapɨ arɨ yemombɨte pare rumo, Tũpa opa ombogüerayevɨ, ahese opũhapa yuvɨreco. Evocoiyase ava opacatu osepia vahe osɨquɨyé iteanga yuvɨreco ichui.

Apocalipsis 11:3

“Ipare ñuvɨrío ava amondora che recocuer mombehu ãgua opacatu ava upe mil dosciento sesenta arɨ rupi. Ahe omondera turucuar ipo guasu vahe yuvɨreco” ehi.

Apocalipsis 12:6

Cuña evocoiyase oñemi ɨvɨ iporupɨrẽhɨsave oso. Aheve omoingatu Tũpa iyemboerecua ãgua, eipeve icaru ãgua mil dosciento sesenta arɨ rupi.

Apocalipsis 21:10

Evocoi che quer nungar pɨpe Espíritu osepia uca vahe cheu, che reraso ɨvɨtrɨ guasu ɨvate vahesave. Aheve omboyecua tecua guasu Jerusalén nimarai vahe cheu, ogüeyɨ vahe Tũpa sui.

Apocalipsis 21:2

Che asepia tecua nimarai vahe, ahe Jerusalén pɨasu, evocoi ogüeyɨ vahe Tũpa sui ou. Opacatu imoingatusa tuprɨ vahe, inungar acoi cuña omenda ãgua oyemboetei tuprɨ omevɨ upe.

Apocalipsis 22:19

Amove que ava vɨrocua vahe co cuachiar pɨpe sui ñehesa Tũpa suindar, Tũpa avei evocoiyase ndoipotai chira chupe co cuachiar pɨpe imombehuprɨ ɨvɨra ha tecovesa resendar rereco ãgua iyavei co tecua maranehɨ pɨpe seique ãgua.