Apocalipsis 11:19 - Tũpa Ñehengagüer

¹⁹ Ahese oyemboi tũparo ɨva pendar, iyavei oyecua tuprɨ cuachiar porocuaita resendar rɨru. Ipare overa-vera, sɨapu guasu, osunu, ɨvɨ orɨrɨi, amanda osururú avei no.

Tüpä Ñe'ëngagwer

¹⁹ A'ese oyemboi Tüpä rëtä ɨva pendar, iyavei sëtä pɨpe oyekwa tuprɨ kwachiar porokwaita resendar rɨru. Ipare overa-vera, sɨapu gwasu, osunu, ɨvɨ orɨrɨi, amanda osururu aveino.

Apocalipsis 11:19 Iomraidhean Croise

Apocalipsis 11:13

Aheseve voi oime ɨvɨ rɨrɨi tuvichá vahe, ichui tecua guasu imbodiesa yahocuer opa onduru; ahese siete mil tuprɨ ava opa omano yuvɨreco. Evocoiyase ava rumbɨrer, osɨquɨyepave tẽi osapucai Tũpa ɨva pendar upe imboeteisa pɨpe yuvɨreco.

Apocalipsis 11:15

Imoñuvɨrío ovasa Tũpa rembiguai omoñehese güemimbɨ, ahese oyeendu ñehesa ipĩrata vahe ɨva suindar aipo ehi vahe: “Yande Yar Tũpa, Sembiporavo Poropɨ̃sɨrosar avei vɨreco co ɨvɨ pɨpendar mborerecuasa opovrɨve yuvɨreco cute. Ahe evocoiyase mborerecuar apɨrẽhɨ vaherã itera secoi” ehi.

Apocalipsis 12:1

Evocoiyase ɨva rese oyecua mbahe poromondɨisa tuvichá vahe ambuae mbahe mboyecua ãgua: oime cuña iturucuar inungar arɨ rendɨgüer, avɨye opɨ̃ro vahe yasɨ rese ohã, oãca yeguaca rese doce tuprɨ yasɨtata vɨreco.

Apocalipsis 16:1

Evocoiyase asendu ñehesa ipĩrata vahe osẽ vahe Tũpa rẽta pɨpe sui. Ahe aipo ehi siete Tũpa rembiguai yuvɨrecoi vahe upe: “Peso, tapeipɨyerepa ɨvɨ harɨ rupi evocoi siete tuprɨ mbahe rɨru pɨpendar Tũpa ñemoɨrosa” ehi.

Apocalipsis 16:18

Ahese oime overa vahe, mbahe sɨapu guasu vahe iyavei osunu vahe. Ipare ɨvɨ orɨrɨi ipĩrata catu vahe opacatu ɨvɨ rɨrɨi sui ava yuvɨrecove vɨteseve ɨvɨ pɨpe.

Apocalipsis 16:21

Iyavei yuvɨrovɨapipa ɨva sui ava harɨve amanda guasu, ahe iposɨigüer cuarenta kilos rutei. Ava rumo iñehe mara-mara tẽiño vɨte ité Tũpa upe yuvɨreco amanda sui tẽi. Esepia niha, evocoi Tũpa poronupasa ɨvaté catu vahe.

Apocalipsis 19:11

Evocoiyase asepia ɨva oyemboi vahe. Aheve avɨyeteramo tẽi cavayu morochi vahe oyemboyecua, evocoiyase ava sese oyeupi vahe rer: “Ocuaita-omboavɨye-tuprɨ-vahe iyavei Supi tuprɨ vahe” ehi. Esepia, güeco ɨ̃visa pɨpe oporocuai iyavei oyapo vavasa.

Apocalipsis 4:1

Ipare asepia mbahe inungar oquenda oyemboi vahe ɨvave. Ahese evocoi ñehesa ipĩrata vahe mimbɨ nungar yɨpɨndar oñehe vahe cheu, ahe asendu iri: “Eyeupi ave. Che evocoiyase mbahe amboyecuara ndeu mbahe imboavɨyepɨrã curi” ehi.

Apocalipsis 4:5

Evocoiyase Tũpa renda sui yuvɨnose overa-vera vahe, iyavei sɨapu guasu vahe, osunu vahe no; iyavei siete tuprɨ tataendɨ sendɨpa yuvɨreco evocoi tenda rovai, ahe co siete tuprɨ Tũpa espíritu.

Apocalipsis 7:15

“Sese Tũpa renda rovai yuvɨrecoi, chupe mbahe apo ãgua arɨ, pɨ̃tu rupi avei sẽta pɨpe. Güendave oguapɨ vahe oĩ, güecocuer pɨpe osepɨra.

Apocalipsis 8:5

Ipare evocoiyase Tũpa rembiguai ɨva pendar opoco itaɨsɨ rapɨsa rese, omboapɨpo mbahe reropovẽheprɨ renda pendar tãtapɨi pɨpe. Ipare opa omombo ɨvɨ harɨ rupi. Aheseve voi osunu vahe opororo-roró, overa-vera iyavei ɨvɨ orɨrɨi.

Apocalipsis 8:7

Yɨpɨndar vahe Tũpa rembiguai omoñehe güemimbɨ, ahese imombosa ɨvɨ harɨ rupi amanda iyavei tata oyeseha vahe tuvɨ rese. Ipare opa ocai ɨvɨ mombosapɨsa yahocuer. Oyoya tuprɨ ɨvɨra mombosapɨsa yahocuer rese iyavei capihi reseve avei opa yuvɨrocai.