Apocalipsis 10:1 - Tũpa Ñehengagüer

¹ Ipare asepia ambuae Tũpa rembiguai ɨva pendar ipĩratá vahe ogüeyɨse ɨva sui ou mbahe pɨ̃tu pãhuve; ahe ñaca rese arco iris oyere tuprɨ. Sova sendɨ́ avɨye arɨ, setɨma evocoiyase ndoyavɨi tata rendɨgüer opũha tuprɨ vahe.

Tüpä Ñe'ëngagwer

¹ Ipare asepia ambuae mbigwai ɨva pendar ipirätä va'e ogweyɨse ɨva sui ou mba'e pɨ̇tü pa'üve; a'e ñakä rese oyere tuprɨ yegwakwa, sova sendɨ avɨye arɨ, setɨ̇ma evokoiyase ndoyavɨi tata rendɨgwer opü'a tuprɨ va'e.

Apocalipsis 10:1 Iomraidhean Croise

San Mateo 17:2

Aheve, avɨyeteramo tẽi oñecuñaro güemimbohe rovai. Evocoiyase sendɨ sova inungar arɨ, iturucuar morochí, sendɨ avei.

San Lucas 21:27

Ahese ramo opacatu ava che, Ava Rɨquehɨr, che repiara yuvɨreco, agüeyɨse ɨva quɨha rese che pĩratasa rendɨgüer porañetesa pɨpe.

Los Hechos 26:13

“Mbɨter arɨ rupi rumo, aguatase Damasco piar rupi, asepia mbahe sendɨ́ vahe ɨva sui. Arɨ sui osesape catu cheu, che rupindar upe avei.

Apocalipsis 1:7

¡Esepia, Cristo ɨva quɨha rese oura curi! Ahese opacatu ava osepiara yuvɨreco, yamotarẽhɨsarer, oicutu vahecuer avei. Iyavei opacatu tecua ɨvɨ pɨpendar ahese oyaseho tẽira yuvɨreco sepiase. Ẽgüe ehi etera curi.

Apocalipsis 18:1

Ipare asepia ambuae Tũpa rembiguai ipĩrata vahe ogüeyɨ vahe ɨva sui. Vɨreco omborerecuasa ɨvate vahe, ahe sendɨgüer osesape tuprɨ ɨvɨ rupi.

Apocalipsis 18:21

Ahese Tũpa rembiguai ɨva pendar seco pĩrata vahe osupi ita inungar mbahe mbocuhisa, ipare omombo para guasu pɨpe aipo ehi: “Na ehi aveira tecua guasu Babilonia mocañɨsa. Imomboprɨ secoira. Ipare ndapesepia iri chietera apɨrẽhɨ vaherã” ehi.

Apocalipsis 20:1

Ipare asepia Tũpa rembiguai ogüeyɨ vahe ou ɨva sui ɨvɨcuar guasu ipɨcucu vahe mboyasar iyavei carena ipo guasu vahe opove vɨreco.

Apocalipsis 4:3

Co oguapɨ vahe ndoyavɨi eté ita jaspe porañetesa iyavei ndoyavɨi cornalina porañetesa no. Iyavei oime oyere tuprɨ vahe tenda rese inungar arco iris sendɨ́ vahe, inungar esmeralda.

Apocalipsis 5:2

Ipare asepia Tũpa rembiguai seco ɨvate vahe, ahe oporandu pĩrata oico aipo ehi: “¿Ava upe vo iya cuachiar mboi ãgua iyavei sello imboyeroyaprɨ mondoro ãgua no?” ehi.

Apocalipsis 8:13

Ipare asepia, asendu avei no vɨra guasu ovevese ɨva mbɨter rupi, aipo ehi pucu oñehe oico: “¡Too, too! ¡Iparaɨsu catura moco ava yuvɨrecove vɨte vahe ɨvɨ pɨpe yuvɨreco acoi omoñehese ambuae mbosapɨ Tũpa rembiguai güemimbɨ yuvɨreco!” ehi.