Tito 3:7 - Tüpä Ñe'ëngagwer

⁷ ipɨpe yande rekoai sui yande renose yande reko ɨ̇vi tuprɨ agwä, oporoaɨsusa pɨpe toipɨsɨ ko tekovesa apɨre'ɨ̇ gwemiarö yuvɨreko oya.

Tũpa Ñehengagüer

⁷ ipɨpe yande reco ai sui yande renose yande reco ɨ̃vi tuprɨ ãgua oporoaɨsusa pɨpe ‘toipɨsɨ co tecovesa apɨrẽhɨ güemiaro yuvɨreco’ oya.

Tito 3:7 Iomraidhean Croise

San Mateo 25:34

A'ese che Mborerekwar ɨvate katu va'e aipo a'era che akato kotɨndar upe: ‘Perio opakatu, che Ru sui sovasaprɨ peiko va'e, peike che Ru Tüpä mborerekwasa pɨpe; a'e akoi yɨpɨve ɨvɨ apo ramo suive imoigätuprɨ peü narä.

San Marcos 10:17

Ogwata vɨtese Jesús, a'eseve mbɨa chi'ïvä'e oña oso sovai, oñenopɨ'ä, oporandu chupe: –Porombo'esar avɨye va'e, ¿mba'e vo ayapora tekovesa apɨre'ɨ̇ va'e rereko agwä?

Romanos 11:6

Iyavei Tüpä poroaɨsusa pɨpe ite yuvɨrekoise, nda'ei rumo mba'e sembiapokwer rese egwë e'i sereko; esepia egwë e'ise viña, Tüpä poroaɨsusa nda'e iri chietera poroaɨsusa sekoi.

Romanos 3:24

Tüpä rumo oporoaɨsusa pɨpe ovɨ'asa pɨpe avei, omoigätu yande rekokwer mba'e tuprɨ pɨpe narä, Cristo Jesús mano agwer sui yaiko pɨsɨrösa pɨpe kurïtëi.

Romanos 3:28

Egwë ya'e kurïtëi mba'e mboavɨye yaiko: Tüpä oseko mo'ɨ̇vi tuprɨ ava vɨroyasar, nda'ei rumo porokwaita mboavɨyesa sui tëi.

Romanos 4:16

Sese, mba'e Tüpä remimombe'ugwer porerekosa yaipɨsɨra sese yande yeroyasa pɨpe, a'e semimombe'ugwer supi tuprɨ va'e opakatu yande Abraham suindar upe narä. Esepia nda'ei porokwaita mboyeroyasar upe gweraño, a'e rumo opakatu yande Abraham nungar Tüpä rese oyeroya va'e upe narä. Evokoiyase a'e opakatu yande ramoi sekoi,

Romanos 4:4

Kurïtëi rumo, yande yayapose mboravɨkɨ, a'e yaipɨsɨ va'e nda'ei porerekosa tëi, a'e rumo mboravɨkɨ reprɨ ite yaipɨsɨ.

Romanos 8:17

Iyavei yande ta'ɨrɨ ite yaiko, egwë ya'e aveira Tüpä porerekosa pɨsɨ, a'e Cristo reseve yamboya'ora ipɨsɨ, esepia yaiko ite paraɨsusa pɨpe supive egwë ya'e aveira yaiko ipɨri seko porañetesave kuri.

1 Corintios 6:11

Oime avei ni'ä akoi pe pa'ü pendar yɨpɨndar egwë e'i va'e yuvɨreko; kurïtëi rumo opa pe angaipa imokañɨsa pe sui iyavei pe ipe'aprɨ peiko Tüpä upe narä ite, a'e yande Yar Jesucristo rer pɨpe yande Ru Tüpä Espíritu pirätäsa pɨpe aveino.

Gálatas 2:16

Kurïtëi rumo yaikwa, ndipoi ete ava seko katuprɨ va'e Moisés porokwaita mboavɨyesa pɨpe Jesucristo rese yeroyasa pɨpe ñoite rumo yande reko katuprɨ. Sese yande avei yayeroya Jesucristo rese, a'ese Tüpä oikwara yande yeroyasa, avɨye yande yeroyasa upe nda'ei porokwaita reroyasa pɨpe. Esepia ndipoi chietera ñepëi ava seko katuprɨ va'e porokwaita mboavɨyesa pɨpe tëi.

Gálatas 3:29

Iyavei Cristo suindar peikose, evokoiyase Abraham suindar tuprɨ ite peiko, a'ese peipɨsɨra Tüpä remimombe'u porerekosa yandeundar.

Gálatas 4:7

Sese yande Tüpä ra'ɨrɨ ite yaiko, nda'e iri kurïtëi mbigwai tëi nungar, Tüpä ra'ɨrɨ yande reko pɨpe a'e ombou aveira oporerekosa yande ma'erä.

2 Tesalonicenses 2:16

Yande Yar Jesucristo teiete, yande Ru Tüpä avei, yande raɨsu yande rovasasa pɨpe ombou vɨ'asa apɨre'ɨ̇ va'e yandeu, iyavei yande reko tuprɨ rärö agwä iporoaɨsusa rese,

Tito 1:2

esepia ndopai va'e tekovesa apɨre'ɨ̇. Tüpä ndoporombopai va'e, omombe'u ko tekovesa ndopai va'erä,

Tito 2:11

Tüpä omboyekwa poroaɨsusa yandeu, a'e gweru pɨsɨrösa opakatu ava upe.

Tito 2:13

yasärö yande vɨ'aretesa pɨpe imombe'uprɨ sekoi va'e: oyevɨse kuri vɨ'aretesa yande Yar Tüpä iyavei Pɨsɨrösar Jesucristo.

Hebreos 1:14

Esepia opakatu mbigwai eta ɨva pendar espíritu yuvɨrekoi Tüpä upe oporavɨkɨ yuvɨreko, imbouprɨ ava pɨtɨ̇vɨï agwä ipɨsɨröpɨrä.

Hebreos 11:7

Tüpä reroyasa pɨpe avei Noé, a'ese Tüpä omombe'u chupe mba'e ndasepiasa vɨtei va'e, evokoiyase seroyasave oyapo arca oyesuindar pɨsɨrö agwä. Iyavei sese oyeroya pɨpe omombe'u ava ko ɨvɨ pɨpendar kañɨ agwä, a'e rumo Tüpä rese oyeroya pɨpe oñepɨsɨrö.

Hebreos 11:9

oporeroyasa pɨpe avei sekoi ambuae ava nungar ɨvɨ Tüpä remimondosa rupi. Sekoi avei oɨ mba'e pirer apoprɨ pɨpe, egwë e'i tuprɨ avei ta'ɨrɨ Isaac iyavei Jacob, a'e avei oipɨsɨ ɨvɨ Tüpä remimombe'ugwer yuvɨreko.

Hebreos 6:17

Supiete, Tüpä omboyekwa pota mba'e gwempiapo akoi ava upe omondo va'erä oporoaɨsusa, iyavei a'e omboavɨye pota ite oñe'ësa supiete va'e. Sese omboavɨye ite oñe'ëngagwer oiko.

Santiago 2:5

Che rɨvrɨ eta, che rembiaɨsu, pesendu ko ñe'ësa: Tüpä oiporavo ava iparaɨsu va'e ko ɨvɨ pɨpe, yuvɨrekoi va'erä mba'e tuprɨ pɨpe gweko agwä, iyavei toipɨsɨ che remimombe'ugwer rupi che mborerekwasa oyeupe narä oyapave gwaɨsupar upe;

1 San Pedro 3:7

Iyavei pe kuña mereta, pereko mbegwera pe rembireko upe. Pemboeteira sereko, esepia a'e nipirätä tuprɨi, iyavei Tüpä omboura gweko tuprɨsa pɨpe tekovesa apɨre'ɨ̇ va'e oyoya voi peü. Egwë peyese Tüpä osendu itera pe yeruresa.