Tito 3:3 - Tüpä Ñe'ëngagwer

³ Esepia yɨpindar yande avei ndayande mba'e kwai ndayande poreroyai; okañɨ va'ekwer tëi yaiko iyavei yaiko mbigwai tëi opakatu mba'e yande remimbotar apo pɨpe. Yaiko mba'e tëi pɨpe yamotare'ɨ̇mbrɨ, yandeyeupe ae-ae yayeamotare'ɨ̇.

Tũpa Ñehengagüer

³ Esepia, yɨpɨndar yande avei ndayande mbahecuai yaico iyavei ndayaroyai Tũpa. Ocañɨ tẽi vahe yaico, iyavei yande mbiguai tẽi yaico opacatu mbahe yande remimbotar apo pɨpe; iyavei yaseca-seca mbahe tẽi vahe yande yembovɨha ãgua. Iyavei yaicoño mbahe tẽi pɨpe, yaipotaño tẽi ambuae ava mbahe, yamotarẽhɨmbrɨ yaico iyavei yandeyeupe ae-ae yayeamotarẽhɨ.

Tito 3:3 Iomraidhean Croise

San Mateo 21:29

Ta'ɨrɨ omboyevɨ chupe: ‘¡Ndachekere'ɨ̇i aso!’ Koiye katu rumo ipɨ'a ñemoñeta iri, osoño ite oporavɨkɨ.

San Lucas 21:8

Jesús omboyevɨ chupe: “Peikwa katu peyembopa ukai rene. Esepia ni'ä seta ava yugwerura cherer pɨpe. Aipo e'ira yuvɨreko: ‘Che aiko Poropɨsɨrösar’, iyavei ‘Kurïtëi osupitɨ arɨ imombe'uprɨ.’ Pe rumo ndapegwatai chira supi yuvɨreko.

San Juan 8:34

Jesús rumo aipo e'i chupe: –Supiete aipo a'e peü akoi opakatu oyemboangaipa va'e, a'e yuvɨrekoi angaipa povrɨve tëi.

Romanos 11:30

Yɨpɨndar ni'ä pe ndapemboyeroyai ete Tüpä, kurïtëi rumo judío eta ndovɨroyaise yuvɨreko, ipɨpe sui ni'ä Tüpä peraɨsu pe rereko.

Romanos 6:12

Sese ani peiko vɨte angaipa povrɨve tëi, iyavei pe kwai agwä pe remimbotarai mboyeroyasa pɨpe tëi.

Romanos 6:17

Avɨye Tüpä upe, esepia pe yɨpɨndar mbigwai tëi nungar peiko angaipa pɨpe viña, kurïtëi rumo pemboyeroya pe pɨ'ave ite porombo'esa peipɨsɨ va'e.

Romanos 6:22

Kurïtëi rumo angaipa sui senoseprɨ peiko, Tüpä povrɨve pe reko agwä. Ichui mba'e tuprɨ oime peü, a'e ni'ä ombou oyeupe narä ite pe reko tuprɨ agwä, ipɨpe sui peikora tekovesa apɨre'ɨ̇ va'e pɨpe.

Romanos 6:6

Yaikwa avei ni'ä yɨpɨndar yande rekokwerai yatɨkaprɨ nungar kurusu rese Cristo rupive, yande rekokwerai mokañɨpa agwä egwë ya'e yaiko, ipɨpe sui ndayaiko iri chira angaipa povrɨve tëi.

2 Corintios 12:20

Che asɨkɨye asose eipeve pe repia, avɨyeteramo nda'ei chira che pɨ'a rupi pe rekokwer, iyavei pe avɨyeteramo egwë peye aveira che repiase. Che asɨkɨye ite, oime revo pe pa'üve yepoepɨ-epɨsa, pe pɨ'añemoñeta raisa ava mba'e pota raisa pɨpe, pe ñemoɨrösa peyeupe. Iyavei avɨyeteramo oimerä pe pa'üve ava oyeupeño tëi mba'e oipota va'e, ima'echiröiai va'e iyavei oñe'ë-ñe'ë tëi va'e ambuae ava rese, seko ɨvateai va'e iyavei ndiporeroyai va'e.

Gálatas 6:3

Amove ava, che ɨvate katu va'e aiko e'i tëi, egwë e'i rumo a'e ae oyembopa aipo o'esa pɨpe oiko.

Colosenses 1:21

Yɨpɨndar pe pɨ'añemoñeta raisa pɨpe sui tëi amombrɨ Tüpä sui peiko yamotare'ɨ̇sa pɨpe, mba'e pe rembiapoai rese,

Colosenses 3:7

egwë peye avei yɨpɨndar pe rekokwerai pɨpe peiko.

2 Timoteo 3:13

ava sekokwer naporäi va'e rumo, iporombopa serai va'e avei ombouvicha katura gwekokwerai, oporombopa-mbopa tëira yuvɨreko, iporombopasa pɨpe rumo ambuae omboyevɨra chupe.

2 Timoteo 3:6

Esepia evokoi nungar ava pa'üve oime yuvɨroikeño tëi va'e oɨ rupi kuña ndoikatui va'e angaipa rerekosar mbopa agwä, esepia a'e kuña opɨ'añemoñeta raisa pɨpe yuvɨrekoi va'e,

Tito 1:16

Aikwa Tüpä e'i tuprɨ tëi yuvɨreko, mba'e sembiapo rese rumo ikwasa seroya e'ɨ̇sa; a'e ni'ä ava ndosepia potai va'e, ndiporeroyai va'e ndoikatui mba'e avɨye va'e apo yuvɨreko yepi.

Tito 2:12

Ko poroaɨsusa Tüpä suindar yande mbo'e mba'e-mba'e tëi sui yande rekuñarö agwä iyavei yande remimbotar sui tëi, iyavei yande reraso ko tenonde kotɨ yande rekokwer ñearö tuprɨ pɨpe, yande reko ɨ̇vi agwä iyavei yande reraso tekokwer avɨye va'e pɨpe yaiko va'ëra,

Santiago 1:26

Amove akoi ava che agwata tuprɨ Tüpä rupi e'i tëi va'e, ndoikwai rumo oñe'ë mongiriri agwä, evokoiyase a'e ae oyembopa oiko, sembieroya evokoiyase egwë e'i tëi va'e.

1 San Pedro 1:14

Ta'ɨrɨ iporeroya va'e pe rekosa pɨpe ndapeikoi chira mba'e pe remimbotarai pɨpe, akoi pereko va'ekwer peyese Tüpä rekokwer kwae'ɨ̇ vɨteseve.

Apocalipsis 12:9

Egwë e'i imboyepepɨsa mba'e ɨpɨ oporomokañɨ va'e reko pirätäsa sembigwai eta reseve, opa imombosa ɨvɨ pɨpe yuvɨreko, evokoi mboi vai, a'e Karugwar Ndipɨ'ai va'e, evokoi ni'ä ava ombopa-mbopa tëi va'e opakatu ɨvɨ pɨpe yuvɨreko.

Apocalipsis 13:14

Ombopa tëi ava ɨvɨ pɨpendar yuvɨrekoi va'e mba'e poromondɨisa pɨpe evokoi imondosa va'e yapo agwä chupe yɨpɨndar mba'e ɨpɨ vai rovai, ipare oporokwai yapichaprɨ okwera tuprɨ va'e ra'angapo agwä imboeteisave.

Apocalipsis 18:2

Iyavei oñe'ë pirätä aipo e'i: “¡Ovɨapi, ovɨapi tekwa gwasu Babilonia! ¡Karugwar yuvɨroike sese, opakatu karugwar naporäi va'e rëtä sekoi, iyavei opakatu vɨräi vai nungar yuvɨroike sese iyavei ma'embiar oñaroäi va'e nungar sekoi!