Tito 2:13 - Tüpä Ñe'ëngagwer

¹³ yasärö yande vɨ'aretesa pɨpe imombe'uprɨ sekoi va'e: oyevɨse kuri vɨ'aretesa yande Yar Tüpä iyavei Pɨsɨrösar Jesucristo.

Tũpa Ñehengagüer

¹³ Iyavei yasãro yande vɨharetesa pɨpe Tũpa omboavɨye vaherã güemimombehu, ahe Jesucristo yande Tũpa seco ɨvaté vahe, yande Pɨ̃sɨrosar yevɨ irisa oporañetesa pɨpe.

Tito 2:13 Iomraidhean Croise

San Mateo 16:27

Esepia che ava ɨvate katu va'e Ra'ɨrɨ ayura che Ru pirätäsa porañetesa pɨpe iyavei sembigwai ɨva pendar reseve kuri, evokoiyase aikwara ñepëi-pëi ava upe sembiapokwer rupi chupe.

San Mateo 25:31

“Che, ava ɨvate katu va'e Ra'ɨrɨ, ayevɨse opakatu che Ru rembigwai ɨva pendar reseve che reko ɨvategwer pɨpe, a'ese agwapɨra che renda porañete va'esave ava rekokwer rese porandu agwä.

San Mateo 26:64

Jesús aipo e'i imboyevɨ chupe: –Nde ni'ä aipo ere cheu. Ko katu amombe'ura peü, che repiara ni'ä peye che, ava ɨvate katu va'e Ra'ɨrɨ, agwapɨse Tüpä mba'e mboavaisare'ɨ̇ akato kotɨ, ayevɨse avei ɨva kɨ'a rese kuri.

San Marcos 14:62

Jesús aipo e'i chupe: –Supi ete, che ni'ä a'e ite aiko. Iyavei pesepiara, ava ɨvate katu va'e Ra'ɨrɨ, ogwapɨse mba'e Mboavaisare'ɨ̇ akato kotɨ, ipare oura ɨva kɨ'a rese kuri.

San Marcos 8:38

Esepia akoi ava yuvɨnochiai va'e che sui iyavei che ñe'ëngagwer sui ava angaipa viyar ndaseko tuprɨi va'e rovai, che avei ava ɨvate katu va'e Ra'ɨrɨ, egwë a'era akoi ayevɨse che Ru reko pirätä porañetesa pɨpe, sembigwai re'ɨi ɨva pendar maräne'ɨ̇ reseve kuri.

Los Hechos 24:15

Inungar ko mbɨa, egwë a'e tuprɨ avei, aikwa Tüpä ombogwerayevɨra ava omano va'ekwer seko avɨye va'e, ndasekoporäi va'e avei koiye.

Romanos 15:13

Tüpä ite ni'ä ombou va'e oyesuindar rärö agwä, a'ese peikora vɨ'aretesa pɨpe sese peyerosa pɨpe, iyavei tombou poroarösa Espíritu Maräne'ɨ̇ pirätäsa pɨpe peü.

Romanos 5:5

Iyavei a'e yande remiarö ndayambo'a chira mba'e tëi pɨpe sereko, esepia Tüpä ombou ite oporoaɨsusa yandeu Espíritu Maräne'ɨ̇ yandeu ombou va'e pɨpe.

Romanos 8:18

Kurïtëi rumo yande paraɨsusa ndoyoyai ete teko porañetesa yande rese ou va'erä rese.

1 Corintios 1:7

Ko pɨpe sui ni'ä nipanei ete Tüpä porovasasa pesärö va'e peiko yande Yar Jesucristo yevɨ agwä kuri.

2 Corintios 4:4

Esepia a'e ndovɨroyai ete yuvɨreko, karugwar rerekwar ko ɨvɨ pɨpendar opa oyarakwa mokañɨ, ndosepiai va'erä tesapesa porañete va'e Cristo resendar yuvɨreko, esepia a'e Tüpä rekokwer mboyekwasar sekoi.

2 Corintios 4:6

Esepia Tüpä teite ombou tesapesa pɨ̇tümimbi va'e resape agwä, a'e avei osesape uka yande pɨ'a pɨpe, ichui yaikatura ambuae ava resape, iyavei yamboyekwara Tüpä porañetesa osesape va'erä Jesucristo rekokwer rese yaiko.

Colosenses 1:23

Egwë peye agwä rumo peyemovɨräkwä ñoitera Cristo rese pe yeroyasa pɨpe yepi, ndapeyepepɨi chiaveira mba'e oime va'erä rese pe yeroyasa sui pesendu va'e ko ñe'ësa ñepɨsɨrösa resendar pɨpe. A'e imombe'usa opakatu ɨvɨ rupi, che ni'ä Pablo, ikwaiprɨ aiko ko ñe'ësa mombe'u agwä.

Colosenses 1:27

Chupe ite Tüpä omboyekwa pota ko ñe'ësa porañete va'e omboyekwa ramo va'e opakatu ava yuvɨrekoi va'e ɨvɨ pɨpendar upe. Ko ñe'ësa ndikwasai va'e, a'e Cristo pe rese sekoi va'e, ko yande remiarö yareko va'erä teko orɨ porañete va'e kuri.

Colosenses 1:5

peyapɨsaka tuprɨsa pɨpe ni'ä, peipɨsɨra Tüpä porerekosa ɨvave mba'e avɨye va'e pereko agwä. A'e ichui ni'ä pesendu ñe'ësa supi tuprɨ va'e Jesucristo resendar yepi,

Colosenses 3:4

Cristo ni'ä sekoi perekovesa. Sese a'e oyevɨ irise kuri, egwë peye aveira perekora ipɨri seko orɨ porañetesa.

2 Tesalonicenses 2:16

Yande Yar Jesucristo teiete, yande Ru Tüpä avei, yande raɨsu yande rovasasa pɨpe ombou vɨ'asa apɨre'ɨ̇ va'e yandeu, iyavei yande reko tuprɨ rärö agwä iporoaɨsusa rese,

2 Tesalonicenses 2:8

A'ese oyemboyekwara akoi ava ndipɨ'ai va'e, yande Yar Jesús rumo oyukara oñe'ë pɨpe, omokañɨ itera gwendɨgwer pirätäsa pɨpe oyevɨse kuri.

1 Timoteo 1:1

Che Pablo, Cristo Jesús ñe'ë mombe'usar aiko, imbouprɨ Tüpä remimbotar rupi iyavei yande Pɨsɨrösar Cristo Jesús porokwaita rupi, a'e ni'ä yande remiarö sekoi,

2 Timoteo 1:2

amondo che avɨravesa ko kwachiar ndeu, che rembiaɨsu che ra'ɨrɨ nungar Timoteo. Yande Ru Tüpä iyavei yande Yar Cristo Jesús tombou oporovasasa, oporoparaɨsuerekosa nde reko tuprɨ agwä ndeu.

2 Timoteo 4:1

Iyavei ko rese che orokwai pota Tüpä rovake Cristo Jesús rovake avei akoi ou va'erä Omborerekwasa reseve oikove va'e, omano va'e rekokwer rese porandu agwä

2 Timoteo 4:8

Kurïtëi che rärö ɨvave ko porerekosa che poravɨkɨ avɨye va'e resendar, yande Yar Mborerekwar seko ɨ̇vi va'e ni'ä omboura cheu a'e arɨ pɨpe, nda'ei chira cheu gweraño. Ombou aveira opakatu Cristo raɨsusa pɨpe iyevɨsa osärö va'e upe yuvɨreko.

Tito 1:2

esepia ndopai va'e tekovesa apɨre'ɨ̇. Tüpä ndoporombopai va'e, omombe'u ko tekovesa ndopai va'erä,

Tito 1:4

Nde Tito, nde ni'ä che ra'ɨrɨ ite ereiko sese yande poreroyasa pɨpe esepia oyoya yaroya va'e yaiko. Yande Ru Tüpä yande Pɨsɨrösar Jesucristo tombou oporovasasa nde reko tuprɨ agwä ndeu.

Tito 3:4

Ipare rumo Tüpä yande Pɨsɨrösar omboyekwa gweko tuprɨsa oporoaɨsusa opakatu ava upe,

Hebreos 9:28

egwë e'i avei Cristo oyeeropove'ë ñepëi reseve opakatu angaipa mokañɨ agwä. Ipare rumo oyevɨ irise ou kuri, nda'e iri chira angaipa rekokwer rese, a'e rumo oyevɨra ou gwarösar pɨsɨrö agwä.

1 San Pedro 1:3

Yamboetei yande Yar Jesucristo Yesupa Tüpä sereko, a'e ni'ä oporoparaɨsu rekosa pɨpe yande rekokwer mbopɨasu yande Yar Jesucristo kwerayevɨsa pɨpe. Ipɨpe sui yaikwaño ite oimerä mba'e avɨye va'e yandeu,

1 San Pedro 1:7

Esepia poreroyasa pereko va'e Tüpä rese inungar tuprɨ oro: a'ese sä'asara tata pɨpe. Egwë e'i aveira pe rekokwer sa'ämbrɨ tata nungar yavai va'e pɨpe, a'ese ikwasara perekokwer avɨyese. Yañemosase evokoi mba'e yavai va'e upe, a'ese yande yeroyasa avɨye katura oro okañɨ tëi va'erä sui, a'ese yarekora teko porañetesa iyavei imboeteiprɨ yaikora akoi Jesucristo oyevɨse kuri.

2 San Pedro 1:1

Che, Simón Pedro, Jesucristo ñe'ë mombe'usar iyavei sembigwai aiko, ko aikwachia che ñe'ë peü narä, peipɨsɨ va'e yande Yar rese pe yeroyasa avɨye va'e inungar ore, esepia yande Yar Tüpä, yande Pɨsɨrösar Jesucristo seko ɨ̇vi va'e yuvɨrekoi.

2 San Pedro 3:18

Peikwa tuprɨ katura rumo yande Yar Poropɨsɨrösar Jesucristo iyavei peikoveño itera iporovasasa pɨpe. ¡Egwë te'i imboeteiprɨ tasekoi kurïtëi apɨre'ɨ̇ va'erä! Amén.

1 San Juan 4:14

Orosepia oromombe'u avei, yande Ru ombou Gwa'ɨrɨ ava ɨvɨ pɨpendar pɨsɨrö agwä.

San Judas 1:21

Peñearö tuprɨ Tüpä pe raɨsusa pɨpe pesärö vɨteño yande Yar Jesucristo, yande paraɨsuerekosa pɨpe, omboura tekovesa apɨre'ɨ̇ va'e yandeu.

Apocalipsis 1:7

¡Esepia Cristo ɨva kɨ'a rese oura kuri! A'ese opakatu ava osepiara yuvɨreko, yamotare'ɨ̇sarer, oikutu va'ekwer avei; iyavei opakatu tekwa ɨvɨ pɨpendar a'ese oyase'o tëira sepiase yuvɨreko. Egwë e'i etera kuri, amén.