Santiago 5:7 - Tüpä Ñe'ëngagwer

⁷ Che rɨvrɨ eta, peñemosaño yande Yar yevɨ iri agwä rese. Inungar ava oma'etɨ̇ va'e osärö rane gwemitɨ̇ po'o agwä, esepia a'e osärö yɨpɨndar okɨ va'e iyavei ipa okɨ va'e mba'e mitɨ̇ avɨye agwä.

Tũpa Ñehengagüer

⁷ Che rɨvɨreta, peñemosaño yande Yar yevɨ iri ãgua rese. Inungar ava omahetɨ vahe osãro rane güemitɨ poho ãgua. Esepia, ahe osãro yɨpɨndar oquɨ vahe iyavei ipa oquɨ vahe mbahe mitɨ avɨye ãgua.

Santiago 5:7 Iomraidhean Croise

San Mateo 16:27

Esepia che ava ɨvate katu va'e Ra'ɨrɨ ayura che Ru pirätäsa porañetesa pɨpe iyavei sembigwai ɨva pendar reseve kuri, evokoiyase aikwara ñepëi-pëi ava upe sembiapokwer rupi chupe.

San Mateo 16:28

Supiete yuvɨrekove va'e nomano vɨtei chietera, a'e che repia rane itera, ayevɨse che mborerekwasa pɨpe yuvɨreko kuri.

San Mateo 24:27

Evokoiyase inungar overa-vera va'e sendɨ añi'ïvëi sui ka'aru kotɨ okwa ɨva rese, egwë a'era che, ava ɨvate katu va'e Ra'ɨrɨ opakatu ava rembiepiave ayevɨ irise vitu kuri.

San Mateo 24:44

Egwë peye aveira peyemoigätu; esepia ni'ä che ava ɨvate katu va'e Ra'ɨrɨ aporoesapɨ'a tëira vitu kuri.”

San Lucas 18:8

Aipo a'e peü oipɨtɨ̇vɨï voira mba'e avɨye va'e rese. Akoi ouse rumo ava ɨvate katu va'e Ra'ɨrɨ, ¿osepia vɨtera pi'ä che rese oyeroya va'e yuvɨreko ko ɨvɨ pɨpe?”

San Lucas 21:27

A'ese che ava ɨvate katu va'e Ra'ɨrɨ ayekwara ayuse ɨva kɨ'a rese pirätäsa rendɨgwer porañetesa pɨpe.

San Lucas 8:15

Akoi mba'e rä'ɨi seitɨprɨ ɨvɨ avɨye va'esave, a'e inungar ava vɨreko va'e pɨ'a ñemoñetasa avɨye va'e iyavei oyemoigätu voi ete sendu agwä yuvɨreko oyapo ite ñe'ësa avɨye va'e remimbotar, iyavei oñemovɨräkwä katuño ite, oyapo avei mba'e avɨye va'e.”

San Juan 21:22

Jesús omboyevɨ chupe: –Aipotase a'e sekove vɨte agwä che yevɨse narä kuri, ¿marä vo ererekora nde? Nde egwataño che rupi.

San Juan 21:23

Sese oikwapa ite ko ñe'ësa seroyasar yuvɨreko ñepëi semimbo'e nomanoi chietera viña. Jesús rumo aipo nde'i chupe nomanoi chietera, a'e rumo aipo e'i: “Aipotase sekove vɨte agwä che yevɨse narä kuri, ¿marä vo evokoiyase nde ererekora?”

Romanos 15:4

Supiete opakatu omombe'u va'e araka'e Ikwachiaprɨ pɨpe, a'e ikwachiasa yande mbo'e agwä.

Romanos 2:7

Omboura tekovesa apɨre'ɨ̇ va'e yandeu, yasekase teko orɨ Tüpä suindar poromboeteisa, iyavei mba'e apɨre'ɨ̇ va'e yande mba'e tuprɨ aposa pɨpe;

1 Corintios 1:7

Ko pɨpe sui ni'ä nipanei ete Tüpä porovasasa pesärö va'e peiko yande Yar Jesucristo yevɨ agwä kuri.

Gálatas 5:5

Yande rumo yande kere'ɨ̇sa pɨpe yayeroya yande reko katuprɨ agwä rese, egwë ya'e Espíritu yande pɨtɨ̇vɨïsa pɨpe Jesús rese yeroyasa pɨpe avei.

Gálatas 6:9

Evokoiyase tayandekwerai eme mba'e tuprɨ aposa pɨpe; esepia akoi ndayandekweraise, yaipɨsɨra mba'e tuprɨ apo reprɨ.

Colosenses 1:11

Iyavei tombou katu pe momirätä agwä gwekokwer pirätäsa pɨpe sui; evokoiyase oimese mba'e tëi peü, peñemosañora pe reko mbegwesa pɨpe, pevɨ'asa pɨpe avei,

1 Tesalonicenses 1:3

Pe ni'ä yande Yar rese pe yeroya tuprɨsa pɨpe peporavɨkɨño yepi, iyavei pe poroaɨsusa pɨpe peyapo mba'e Tüpä upe, iyavei peñemosaño mba'e tëi upe Jesucristo rärösa pereko va'e rese. Sese ore ma'endu'a pe rese arɨ yakatu rupi yande Ru Tüpä rovai.

1 Tesalonicenses 2:19

Evokoiyase ¿uma pi'ä orosäröra ore vɨ'asa pɨpe ore reko mboɨvate katu agwä akoi yande Yar Jesús oyevɨse kuri? Esepia nda'ei chira pe, nda'ei chira avei ambuae ava.

1 Tesalonicenses 3:13

Ipɨpe sui tape movɨräkwä pe reko maräne'ɨ̇ pɨpe pe mba'e avɨe'ɨ̇save yande Ru Tüpä rovai akoi oyevɨse yande Yar Jesús opakatu vɨroyasareta reseve. Amén.

Hebreos 6:15

Evokoiyase Abraham osärö gweko mbegwesa pɨpe, egwë e'i ipɨsɨ oyeupendar Tüpä remimombe'u.

Santiago 4:11

Che rɨvrɨ eta, anichira peñe'ë marä peyeupe. Akoi oñe'ërai va'e iyavei vɨroɨrö va'e ambuae Jesús reroyasar, a'e oñe'ërai tëi aveira mborokwaita rese seroɨrösave. Egwë peyese, evokoiyase seroya e'ɨ̇sa pɨpe peyemboɨvate katura mborokwaita sui viña.

Santiago 5:10

Che rɨvrɨ eta, peiko katu inungar Tüpä ñe'ë mombe'usar araka'endar yuvɨrekoi va'e, a'e oñemosaño mba'e rasɨkwer upe yande Yar rer pɨpe oñe'ë agwä yuvɨreko.

Santiago 5:3

Oro pereko va'e iyavei gwarepochi opa opochi atɨ-atɨ, a'e ni'ä pe rekoa'ä agwä omboyekwa va'e mba'e tëi peü, iyavei pe mba'e pota raisa ndoyavɨi pe ro'o okai va'e vɨreko. Esepia pemonu'ä gwasu tëi mba'e pereko atɨ va'e sereko ko arɨ ipa va'e pɨpe.

2 San Pedro 3:4

oporandura yuvɨreko “¿Maräse vo aipo oyevɨra imombe'uprɨ yande Yar Cristo ou kuri? Esepia yande ramoi opa tëi omano yuvɨreko, kurïtëi opakatu a'e tuprɨño tëi tekokwer araka'e ɨvɨ apo suive.”