Santiago 5:6 - Tüpä Ñe'ëngagwer

⁶ Peñe'ë pɨpe pemombaraɨsu tëi ava ndoyapoi va'e mba'e yuvɨreko; yepe marä nde'i yuvɨreko peü viña, pe rumo peyukaño ite.

Tũpa Ñehengagüer

⁶ Pe ñehe pɨpe pemombaraɨsu ava ndoyapoi vahe mbahe yuvɨreco; yepe, “Mara” ndehi yuvɨreco pẽu viña, pe rumo peyucaño.

Santiago 5:6 Iomraidhean Croise

San Mateo 21:38

Evokoiyase ta'ɨrɨ repiase oporavɨkɨ va'e, aipo e'i oyeupe yuvɨreko: ‘Ko aipo oipɨsɨra opakatu oyesupa mba'e; yayukaño a'ese ko ɨvɨ opɨtara yandeu narä.’

San Mateo 27:20

Evokoiyase pa'i eta rerekwar iyavei judío rerekwareta rumo ava re'ɨi omongere'ɨ̇, Barrabás tosë; Jesús tomano eagwä yuvɨreko.

San Mateo 5:39

Che rumo aipo a'e peü: Anichira eremboyevɨ oyapo va'e mba'e naporäi va'e ndeu; egwë teiño, akoi nde amotare'ɨ̇sar nde rovapetese nde akato kotɨ yuvɨreko, emboyekwa avei ambuae kotɨ nde rova chupe.

Los Hechos 22:14

Ipare aipo e'i: ‘Yande ramosi araka'endar Tüpä a'e nde poravo ereikwa va'erä iporokwaita, iyavei nde seko maräne'ɨ̇ kwa agwä eresendu aveira iñe'ë.

Los Hechos 7:52

¿Uma Tüpä ñe'ë mombe'usar pi'ä ndovɨrekoi marä-marä tëi peramoi yuvɨreko araka'e? A'e avei oyukapa omombe'u va'e ndaseko maräi va'e rekokwer yusa resendar yuvɨreko, iyavei kurïtëi ou ite ndaseko maräi va'e, pe avei peporokwai yuka uka agwä.

Los Hechos 8:32

A'e iyerokɨsa pɨpe Ikwachiaprɨ aipo e'i: “Serasosa inungar ovesa yuka agwä mba'e mɨmba yukasave; inungar ovesa membrɨ nasasëi va'e ite yepɨ egwë e'i avei oyukasar rovai, egwë e'i tuprɨ avei a'e mbɨa noñe'ëi ete.

Hebreos 10:38

Akoi seko katuprɨ va'e che rese, a'e oporeroyasa pɨpe yuvɨrekovera; akoi oyepepɨse rumo che sui, che evokoiyase ndavɨ'ai chira sese.”

Santiago 2:6

pe rumo seroɨrösa pɨpe pemochi ava iparaɨsu va'e. ¿Nda'ei vo mba'e yar marä-marä tëi pe rereko yuvɨreko yepi, a'e avei ni'ä pe mbotɨrɨrɨ mborerekwar rovai pe reraso yuvɨreko?

Santiago 4:2

Peipotarai mba'e, ipare rumo ndapeikatui sereko agwä; evokoiyase peporoyuka pe mba'e pota raisa pɨpe, ndiyai ete rumo peü sereko agwä. Ipɨpe sui peyeekoa'ä, pevava aveino. Ndapeyosɨi ete rumo mba'e pe remimbotar, esepia ndapeporandui Tüpä upe;

1 San Pedro 4:18

Supiete yavai ete seko katuprɨ va'e ñepɨsɨrö agwä, ¿marä e'ira pi'ä evokoiyase ava ndasekoporäi va'e angaipa viyar yuvɨrekoi va'e upe?