Santiago 5:16 - Tüpä Ñe'ëngagwer

¹⁶ Sese pemombe'u pe angaipa peyeupe, peyerure avei peyese pe yembogwera uka agwä. Ava avɨye va'e oyerurese okere'ɨ̇save opakatu gwekokwer pɨpe, a'e iyeruresa ipirätä ite.

Tũpa Ñehengagüer

¹⁶ Sese pemombehu pe angaipa peyeupe, peyeroquɨ avei peyese pe yembogüera tuprɨ uca ãgua. Ava avɨye vahe oyeroquɨse oquerẽhɨsave opacatu güecocuer pɨpe, ahe iyeroquɨsa ipĩratá ité.

Santiago 5:16 Iomraidhean Croise

San Mateo 21:22

Akoi peyerurese mba'e pe porandusa rese Tüpä upe seroyasa pɨpe, a'ese peipɨsɨra mba'e avɨye va'e.

San Mateo 3:6

Omombe'u oangaipagwer yuvɨreko ipare Juan oñapirämo ɨai Jordán pɨpe.

San Marcos 1:5

Opakatu ava yugweru iñe'ë rendu agwä, ɨvɨ Judea rupindar iyavei tekwa Jerusalén pendar oangaipagwer mombe'u agwä. A'ese Juan oñapirämo ɨai Jordán pɨpe.

San Lucas 9:6

Evokoiyase opa yuvɨnosë yuvɨraso, opakatu tekwa rupi, omombe'u ñe'ësa avɨye va'e iyavei ombogwera imba'easɨ va'e yuvɨreko.

San Juan 9:31

Ore oroikwa tuprɨ ite Tüpä ndosendui ete ava angaipa viyar ñe'ë; ava omboeteisar iyavei vɨroyasar ñe'ë gweraño ni'ä osendu.

Los Hechos 10:38

Peikwa Tüpä omondose pirätäsa iyavei Espíritu Maräne'ɨ̇ Jesús Nazaret pendar upe, ipare Jesús ogwata opakatu rupi mba'e tuprɨ apo oiko, ombogwera avei opakatu ava iparaɨsu va'e karugwar povrɨve yuvɨrekoi va'e, esepia Tüpä sekoi ete sese,

Los Hechos 19:18

Seta Jesús vɨroya ramo va'e yugweru opakatu mba'e gwembiapokwer naporäi va'e mombe'u yuvɨreko,

Los Hechos 8:24

Simón omboyevɨ chupe: –Peyerure katu yande Yar upe che rese, tipo eme mba'e-mba'e tëi akoi pe mombe'u va'e cheu.

Romanos 3:10

supiete Ikwachiaprɨ pɨpe aipo e'i: “¡Ndipoi ete ava seko katuprɨ va'e ñepëi angara viña!

Romanos 5:19

Esepia ñepëi ava Tüpä reroya e'ɨ̇sa sui seta oime ava angaipa viyar; egwë e'i aveira ñepëi ava mboyeroyasa sui seta aveira ava vɨreko gweko katuprɨsa yuvɨreko.

Colosenses 1:9

Sese avei ore aipo nungar rendu ramoseve ndoroyerurepai ete pe rese, oroporandu pe rese toikwa tuprɨ opakatu Tüpä remimbotar omba'ekwasa Espíritu suindar pɨpe, sendukwa tuprɨsa pɨpe avei yuvɨreko ore yapave peü.

1 Tesalonicenses 5:17

Iyavei peyerurera arɨ yakatu rupi no.

1 Tesalonicenses 5:23

Tüpä tombou teko tuprɨsa peü iyavei tape pe'apa tuprɨ oyeupe narä, iyavei tosärö tuprɨ opakatu pe pirätäsa, pe'ä, pe rete avei pe reko maräne'ɨ̇ agwä ko yande Yar Jesucristo yevɨ irise kuri.

1 Tesalonicenses 5:25

Che rɨvrɨ eta, peyerure avei ore rese.

Hebreos 11:4

Tüpä reroyasa pɨpe Abel vɨropove'ë oporerekosa Tüpä upe avɨye katu va'e Caín porerekosa sui, sese Tüpä vɨreko ava seko katuprɨ va'e nungar ipɨpe sui oipɨsɨ iporerekosa. Yepe Abel omano va'e sekoi viña, a'e rumo oñe'ë vɨteño Tüpä rese oyeroyasa pɨpe oiko.

Hebreos 11:7

Tüpä reroyasa pɨpe avei Noé, a'ese Tüpä omombe'u chupe mba'e ndasepiasa vɨtei va'e, evokoiyase seroyasave oyapo arca oyesuindar pɨsɨrö agwä. Iyavei sese oyeroya pɨpe omombe'u ava ko ɨvɨ pɨpendar kañɨ agwä, a'e rumo Tüpä rese oyeroya pɨpe oñepɨsɨrö.

Hebreos 12:13

ipare peseka perɨ i'ɨ̇vi va'e pe rekokwer upe narä toigätu che pɨ ndogwatai va'e pe yapave timarä katu iri eme pe'esa pɨpe.

Hebreos 13:18

Peyerure Tüpä upe ore rese, supiete ore oroyandu mba'e avɨye va'e oroyapo ore pɨ'añemoñeta pɨpe yepi, esepia oroyapo pota mba'e avɨye va'e opakatu mba'e rese ava rembiepiave.

1 San Pedro 2:24

Cristo teiete vɨraso yande angaipagwer gwete rese kurusu rese, yande yepepɨ agwä angaipa sui yaiko teko ɨ̇vi tuprɨsa pɨpe. Esepia ni'ä Cristo imombaraɨsusa perekokwer moigätu agwä.

1 San Juan 3:22

a'e avei ni'ä ombou opakatu mba'e yandeu yaporanduse chupe, esepia yamboyeroya iporokwaita iyavei yayapo semimbotar yaiko.