Santiago 4:8 - Tüpä Ñe'ëngagwer

⁸ Peyemboya Tüpä rese, a'e evokoiyase oyemboyara pe rese. ¡Peñemoatɨrö mba'e peyapo va'e sui! ¡Iyavei pemoatɨrö pe pɨ'a ñemoñetasa, pesaɨsu pota va'e Tüpä a'e pɨpe avei pesaɨsu mba'e ko ɨvɨ pɨpendar!

Tũpa Ñehengagüer

⁸ Peyemboya Tũpa rese, ahe evocoiyase oyemboyara pe rese. Pe, angaipa viyar, ¡peñemoatɨro mbahe peyapo vahe sui! ¡Iyavei pemoatɨro pe pɨhañemoñetasa ñuvɨrío pereco vahe sui!

Santiago 4:8 Iomraidhean Croise

San Mateo 12:33

“Ɨvɨra avɨyese, i'a avei avɨyera; ɨvɨra naporäise, i'a avei naporäi chira; sese ɨvɨra ikwasa i'a tuprɨsa rese.

San Mateo 15:2

–¿Ma'erä vo nde remimbo'e ndogwatai yande ramoi araka'endar arakwasa rupi yuvɨreko? ¿Ma'erä vo porokwaita mboavɨye e'ɨ̇sa pɨpe ndoyepoi okaru agwä renonde yuvɨreko yepi?

San Mateo 27:24

Pilato osepiase mba'e noigätuise, esepia ni'ä ava re'ɨi yaɨvu gwasu katu-katu irise, gweru uka ɨ, ɨpɨpe oyepoi opakatu ava re'ɨi rovake aipo e'i: –Nda'ei che porokwaita rupi yukasara ko mbɨa; pe remimbotar rupi ete yaposara.

Los Hechos 15:9

Tüpä rumo nomboyoavɨi ete yande raɨsu oiko, esepia omoatɨrö ipɨ'a ñemoñetarai sui oyese yeroyasa pɨpe.

2 Corintios 7:1

Che rɨvrɨ eta, che rembiaɨsu, ko Tüpä remimombe'u imboavɨyepɨrä yandeu. Sese yande yamoigätu tuprɨra yande rekokwer chupe yareko e'ɨ̇ agwä yande retekwer angaipa pɨpe, inungar yande rete iyavei yande rekokwer pɨpe; iyavei Tüpä mboeteisa pɨpe yasekara yande reko katuprɨ agwä chupe narä gweraño ite.

1 Timoteo 2:8

Evokoiyase che aipota ava opakatu rupi oyerure yuvɨreko, tomopü'a opo opɨ'añemoñeta katuprɨsa pɨpe, omba'e mboasɨ e'ɨ̇sa pɨpe oyeakae'ɨ̇sa pɨpe avei yuvɨreko.

Hebreos 10:22

Sese yayemboya katura Tüpä rese yande pɨ'añemoñeta tuprɨsa pɨpe iyavei yande yeroyasa ipa voi va'e pɨpe, supiete a'e opa yande reko mbokatuprɨ yande pɨ'añemoñeta raisa sui iyavei omoatɨrö yande rete ɨ maräne'ɨ̇ pɨpe.

Hebreos 7:19

esepia Moisés porokwaita ndosekuñaröi ete tekokwer, yande rumo yasärö mba'e avɨye katu va'e yande rekokwer upe narä, supi ni'ä yayemboya Tüpä rese.

Santiago 1:8

esepia ñepëi arɨ ipɨ'añemoñeta ñepëi mba'e rese, ambuae arɨ ambuae rese, ndoyemovɨräkwäi gweko tuprɨ agwä rese yuvɨreko.

Santiago 3:17

akoi vɨreko va'e rumo Tüpä suindar arakwasa, a'e vɨreko itera opakatu ava rovake gweko maräne'ɨ̇sa iyavei sekoira gweko mbegwesa pɨpe; a'e ndaseko asɨi chiaveira. Iyavei oyemoigätu voi va'e, a'e oporoparaɨsuereko va'e, nomboyoavɨratɨi va'e gwekokwer, a'e ipɨ'a ñemoñetasa ñepëi reseve va'e iyavei oyapo tuprɨ va'e mba'e.

1 San Pedro 1:22

Kurïtëi Tüpä ñe'ëngagwer supi tuprɨ va'e mboyeroyasa pɨpe imoatɨrösa pe rekokwer pesaɨsu va'erä ambuae Jesús reroyasareta. Evokoiyase egwë peyera peyeaɨsu opakatu pe pɨ'añemoñeta tuprɨsa pɨpe, iyavei opakatu pe pirätäsa pɨpe.

1 San Pedro 3:21

A'e ɨ osä'angapo ɨ poroapirämosa, a'e omboyekwa yande ipɨsɨröprɨ yande rekosa. Poroapirämosa rumo ɨ pɨpe nda'ei yande rete moatɨrö agwä, ko rumo yaporandura Tüpä upe, yande pɨ'a ñemoñetasa moatɨrö agwä, ipɨpe sui evokoiyase yañepɨsɨröra yande Yar Jesucristo kwerayevɨsa pɨpe,

1 San Juan 3:3

Iyavei opakatu osärö va'e Jesucristo yuvɨreko, oyepepɨño ite opakatu angaipa sui gweko katuprɨ agwä inungar a'e sekoi.