Santiago 4:7 - Tüpä Ñe'ëngagwer

⁷ Sese pemboyeroya katu Tüpä. Peyemovɨräkwä karugwar remimbotar apoe'ɨ̇ agwä, a'ese a'e oyepepɨra pe sui.

Tũpa Ñehengagüer

⁷ Sese pemboyeroya catu Tũpa. Peyemovɨracua caruguar remimbotar apoẽhɨ ãgua. Ahese ahe oyepepɨra pe sui.

Santiago 4:7 Iomraidhean Croise

San Mateo 11:29

Peroya mborokwaita amondo va'e peü, iyavei peyembo'e katu che rekokwer sui, esepia ni'ä areko ite poroarösa vichiko iyavei che rekokwer yemominisa pɨpe; a'ese ramo ite peyosɨra pɨtu'usa avɨye va'e.

Los Hechos 26:19

“Evokoiyase, mborerekwar ɨvate katu va'e Agripa, che ker nungarve asepia va'e ɨva pendar aroya ite,

Los Hechos 9:6

Epü'a, ipare eike eso tekwa ve; a'eve omombe'ura mba'e ereyapo va'erä yuvɨreko ndeu.”

Romanos 10:3

Esepia ndoikwa potai yuvɨreko marä e'i Tüpä ava reko mo'ɨ̇vi, iyavei oyesui tëi oyeeko mo'ɨ̇vi pota yuvɨreko viña; ipɨpe sui nomboyeroyai ete Tüpä remimbotar gweko mbokatuprɨ agwä yuvɨreko.

Romanos 14:11

Esepia Ikwachiaprɨ pɨpe aipo e'i: “Supiete che reko pɨpe aipo a'e, aipo e'i yande Yar, opakatu ava oñenopɨ'ära che rovai iyavei opakatu Tüpä omboeteira yuvɨreko.”

Efesios 4:27

Peipota ukai rene Karugwar upe peyeupe mba'e apo agwä.

Efesios 5:21

Peyemboyeroya katu ambuae ava rese Cristo mboeteisa pɨpe.

Efesios 6:13

Sese, peipɨsɨ opakatu mba'e Tüpä ombou va'e peü pe yoepɨ agwä, evokoiyase yepe oime tëira mba'e tëi peü viña, peyemovɨräkwäño itera rumo chupe.

Hebreos 12:9

Iyavei, chi'ïvä'e tëi vɨte yaikose, yande yesupa ko ɨvɨ pɨpendar yande nupa yande rekokwer mo'ɨ̇vi agwä. ¿Ma'erä evokoiyase ndayamboetei chira viña, a'e rumo iya yamboetei katura yande Ru Tüpä ɨva pendar tekovesa rereko agwä?

1 San Pedro 2:13

Yande Yar raɨsusa pɨpe pemboyeroya opakatu pe rerekwar ko ɨvɨ pɨpe: mborerekwar ɨvate katu va'e, esepia a'e imborerekwasa ɨvate katu ite,

1 San Pedro 5:6

Peyeeko mombegwe katu Tüpä pirätäsa povrɨve, evokoiyase a'e pe reko mboɨvatera kuri.