Santiago 4:12 - Tüpä Ñe'ëngagwer

¹² Oime rumo ñepëiño ite ombou va'e mborokwaita yandeu iyavei oporandu va'e yande rekokwer rese. A'e gweraño avei oikatu oporopɨsɨrö iyavei oporomokañɨ agwä no; nde evokoiyase, ¿uma vo ereiko ereporandu va'erä ava rekokwer rese?

Tũpa Ñehengagüer

¹² Oime rumo ñepeiño ité ombou vahe mborocuaita yandeu iyavei oporandu vahe yande recocuer rese. Ahe güeraño avei oicatu oporopɨ̃sɨro iyavei oporomocañɨ ãgua no. Evocoiyase pe, ¡ndiyai pe cotɨndar reroɨ̃ro ãgua pẽu!

Santiago 4:12 Iomraidhean Croise

San Mateo 10:28

Ndapesɨkɨyei chira ava peyuka potasar sui esepia ndoikatui chira ava ä mokañɨ agwä yuvɨreko; pesɨkɨye katura rumo Tüpä sui esepia a'e oikatu yande retekwer yande ä reseve imokañɨ agwä tata gwasu pɨpe.

San Lucas 12:5

Che rumo amombe'ura peü uma sui pesɨkɨyera: pesɨkɨyera akoi oikatu va'e sui peyuka pare a'e oikatu ite pemondo agwä tata gwasusave. A'e ichui ete pesɨkɨyera.”

Romanos 14:13

Sese, yande ndiya iri yañereroɨrö yaiko. Iyakatu rumo, ñepëi reseve pereko tuprɨ ambuae pe rɨvrɨ, angaipa pɨpe sereko uka e'ɨ̇ agwä, iyeroyasa momarä e'ɨ̇ agwä avei.

Romanos 14:4

¿Uma vo nde ereiko ereroɨrö va'erä ambuae ava rembigwai eiko? Esepia sekoi tuprɨse anise sekorai tëise, a'ese serekwar oikwara chupe. Sekoira mba'e tuprɨ pɨpe, esepia yande Yar vɨreko ite pirätäsa osekomoigätu agwä.

Romanos 2:1

Oimese pe pa'ü pendar ko oyapo mba'e tëi; tokañi o'esave ambuae upe, a'ese a'e ae oyemokañɨ tëi uka, esepia a'e inungar tuprɨ avei.

Romanos 9:20

Iyavei nde mbɨa, ¿uma nde ereiko ereporandu va'erä mba'e rese Tüpä upe? ¿Oporandura pi'ä ñaɨ'u apoprɨ mba'emoinda oaposar upe: “Ma'erä vo na'ere che apo eve?

Hebreos 7:25

Sese Jesús oikatu ite ñepëi reseve Tüpä reroyasar pɨsɨrö agwä, esepia a'e oikove va'erä ite sekoi yepi, oporandu agwä avei mba'e avɨye va'e rese Tüpä upe.

Santiago 5:9

Iyavei che rɨvrɨ eta, peñemoɨröi rene peyeupe, evokoiyase ndipoichira porandusa perembiapokwer rese peü; esepia Tüpä yande rärö ite okendɨpɨve o'ä mba'e rese porandu agwä.