Santiago 4:1 - Tüpä Ñe'ëngagwer

¹ ¿Kesui pi'ä ou vavasa iyavei ñe'ëpoepɨ-epɨsa pe pa'üve? A'e ou pe mba'e pota raisa sui pereko va'e pe pɨ'a ñemoñetasa pɨpe.

Tũpa Ñehengagüer

¹ ¿Que sui pĩha ou vavasa iyavei ñehepoepɨ-epɨsa pe pãhuve? Ahe ou pe mbahe pota raisa sui pereco vahe pe pɨhañemoñetasa pɨpe.

Santiago 4:1 Iomraidhean Croise

San Mateo 15:19

Esepia ava avɨter sui osë pɨ'a ñemoñeta raisa, porapichisa, mendasa sui yemboagwasasa, nomendai va'e yemboagwasa tëisa, mondasa, temirä iyavei ava rese ñemoñeta tëisa.

San Juan 8:44

Peyesupa a'e karugwar tëiete; inungar tuprɨ avei peiko, peyapo mba'e semimbotar tëi avei. Esepia karugwar oporoyuka va'e yɨpɨsuive ite oiko. Ndasekoi va'e mba'e supi tuprɨ va'e pɨpe, noñe'ëi avei mba'e supiete va'e rese. Omombe'use temirä, oñe'ë inungar supiete va'e; esepia semiräñeteai va'e ite iyavei a'e ni'ä temirä yesupa tëi sekoi yepi.

Romanos 7:23

che rumo aikwa che pɨ'a pɨpe oime ndoipotai va'e mba'e tuprɨ apo agwä cheu: a'e porokwaita angaipa suindar, a'e sekoi va'e che rese iyavei che rereko mbigwai nungar tëi.

Romanos 7:5

Esepia yande yaikove vɨtese angaipa pɨpe, a'e porokwaita renduse yaipota katu mba'e tëi pɨpe yande reko agwä, ipare rumo a'e manosave tëi yande reraso.

Romanos 8:7

Akoi gwekokwerai reseño tëi ipɨ'añemoñeta va'e, a'e Tüpä amotare'ɨ̇mbar yuvɨrekoi, esepia ndoipotai ete ndoikatui avei porokwaita mboyeroya agwä.

Gálatas 5:17

Esepia pe remimbotarai peyapo va'e nda'oyoyai ete Tüpä Espíritu remimbotar rese, iyavei Tüpä Espíritu rese nda'oyoyai ete mba'e peyapo va'e. Esepia ñepëi-pëi oyapo mba'e-mba'e tëi oyeupeae yuvɨreko, sese ndapeyapo ukai mba'e pe remimbotar avɨye va'e peyeupe.

Colosenses 3:5

Evokoiyase pepoi opakatu ko mba'e naporäi va'e ko ɨvɨ pɨpendar tëi pe rese oime va'e sui: ndapeyemboagwasai chira, ndapeyapoi chira mba'e tëi pe rekokwer pɨpe, ndapeipotarai chira pɨ'añemoñeta raisa, ndapeipotarai chira ambuae ava mba'e (esepia, a'e ni'ä oyoya mba'e ra'anga tëi mboeteisa rese).

2 Timoteo 2:23

Eremboyeroyai rene ñe'ësa porandu-randu tëisa, egwë e'i tëi va'e; ereikwa ni'ä ichui tëi oime yeamotare'ɨ̇sa yepi.

Tito 3:3

Esepia yɨpindar yande avei ndayande mba'e kwai ndayande poreroyai; okañɨ va'ekwer tëi yaiko iyavei yaiko mbigwai tëi opakatu mba'e yande remimbotar apo pɨpe. Yaiko mba'e tëi pɨpe yamotare'ɨ̇mbrɨ, yandeyeupe ae-ae yayeamotare'ɨ̇.

Tito 3:9

Ereyepepɨra rumo opakatu ko nungar mba'e sui, ko ñe'ësa araka'endar yepoepɨ tëisa sui, ko ñemoɨrösa iyavei vavasa Moisés porokwaita resendar sui tëi. Evokoi nungar yapoprɨ ndovɨrekoi ete mba'e avɨye va'e.

Santiago 1:14

Ko rumo, ava opɨ'añemoñeta rai upe oñeatoi uka mba'e tëi apo agwä yepi.

Santiago 4:3

akoi peporanduse rumo sese, ndapeipɨsɨi ete esepia peporandu rai tëi sese, peipota peyembovɨ'a agwä rese narä tëi.

1 San Pedro 1:14

Ta'ɨrɨ iporeroya va'e pe rekosa pɨpe ndapeikoi chira mba'e pe remimbotarai pɨpe, akoi pereko va'ekwer peyese Tüpä rekokwer kwae'ɨ̇ vɨteseve.

1 San Pedro 2:11

Che rɨvrɨ eta, che rembiaɨsu, peiko raimi tëi va'e ko ɨvɨ pɨpe, pepoi opakatu ko ɨvɨ pɨpendar pe pɨ'añemoñeta raisa sui. Esepia pemomarä uka tëi pe rekokwer ipɨpe.

2 San Pedro 2:18

Esepia oñe'ë tuprɨai anga'u tëi ava mongere'ɨ̇ agwä ava pɨ'añemoñeta raisa rupi seroyevɨ agwä, ipɨpe sui ombopa tëi a'e ava seko katuprɨ pota va'e yuvɨreko evokoi nungar mba'e tëi pɨpe iyevɨ iri agwä.

2 San Pedro 3:3

Peikwa ranera ko arɨ imombe'uprɨ ipa va'e vɨrovɨse: oimerä ava vɨroɨrö va'e ko tekokwer avɨye va'e Tüpä suindar gwemimbotarai pɨpe yuvɨreko,