Santiago 3:6 - Tüpä Ñe'ëngagwer

⁶ Egwë e'i yande ñe'ësa tata nungar. Iyavei yande apëku pɨpe opakatu mba'e-mba'e tëi yamombe'u, evokoi mba'e-mba'e tëi mombe'usar yande resendar ite, a'e amove ovɨreko marä opakatu yande rekokwer. Inungar tata ova-ova va'e mba'e rese. Evokoi yande ñe'ë tëisa karugwar suindar.

Tũpa Ñehengagüer

⁶ Ẽgüe ehi yande ñehesa tata nungar. Iyavei yande ãpecu pɨpe opacatu mbahe-mbahe tẽi yamombehu. ¡Evocoi mbahe-mbahe tẽi mombehusar yande resendar ité! Ahe amove ovɨreco mara opacatu yande recocuer. Inungar tata ova-ova vahe mbahe rese. Evocoi yande ñehe tẽisa caruguar suindar.

Santiago 3:6 Iomraidhean Croise

San Mateo 12:24

Osenduse rumo ko, fariseo eta aipo e'i yuvɨreko: “Ko mbɨa karugwar rerekwar Beelzebú, pirätäsa pɨpe tëi omboyepepɨ karugwar ava sui.”

San Mateo 5:22

Che rumo aipo a'e peü akoi ava oyeɨvrɨ rese oñemoɨrö va'e yuvɨreko, oso aveira tekoasɨsave. Akoi vɨroɨrö va'e vɨvrɨ, a'e serasosara Mborandusa ɨvate katu va'e save; akoi iñe'ë marä gwasu katu va'e oyeɨvrɨ upe, a'e iyakatu imondosa itera tata ndopai va'e save.”

San Marcos 7:15

Nda'ei okar sui tëi ou ava rekokwer mongɨ'a agwä. A'e rumo osë ava pɨ'a sui ete imbongɨ'a agwä.

San Lucas 16:24

Evokoiyase säse: ‘¡Cheru Abraham, che paraɨsuerekomi tëi eve! Emboumi Lázaro tomoakɨ̇ okwä aprɨ ɨ pɨpe tou tomoroɨ̇sami tëi che apëku, esepia che paraɨsu eteprɨ ko tata pirätägwer pɨpe vitu.’

Los Hechos 20:30

Oime aveira ava pe pa'ü pendar pe mbopa pota va'e yuvɨreko pereraso agwä oyeupi.

Los Hechos 5:3

Pedro aipo e'i chupe: –Ananías, ¿ma'erä ereroya Karugwar nde pɨ'a pɨpe Espíritu Maräne'ɨ̇ mbopa agwä eremboya'oño tëi nde ɨvɨ reprɨ gwarepochi ndeyeupe narä?

Los Hechos 6:13

Iyavei oseka mbɨa semira tëi va'e oñe'ë va'erä sese, a'e aipo e'i yuvɨreko: –Ko mbɨa oñe'ë-ñe'ë tëi yande tüpäro imaräne'ɨ̇ va'e amotare'ɨ̇save, Moisés porokwaita amotare'ɨ̇save avei.

Tito 1:11

Evokoi nungar ava iyakatu pemongiriri, esepia a'e ni'ä seta ava oñemu va'e omboyepepɨ uka porombo'esa supi tuprɨ va'e sui yuvɨreko, oporombo'e mba'e kokotɨ tëi va'e rese gwarepochi rereko agwä tëi yuvɨreko.

Santiago 2:7

¿Nda'ei vo akoi mba'e yar yuvɨrekoi va'e mba'e e'i-e'i tëi seroɨrösave yuvɨreko yande Yar upe?

Santiago 3:7

Ava oikatu ite opakatu mba'e mɨmba mboarakwa agwä, vɨräi, mboi avei mba'e ɨpɨ paragwasu pɨpendar aveino;

2 San Pedro 3:3

Peikwa ranera ko arɨ imombe'uprɨ ipa va'e vɨrovɨse: oimerä ava vɨroɨrö va'e ko tekokwer avɨye va'e Tüpä suindar gwemimbotarai pɨpe yuvɨreko,

3 San Juan 1:10

Evokoiyase asose eipeve, amboarakwara opakatu Tüpä vɨroya va'e rovai sembiapoai rese. Esepia a'e oñe'ë-ñe'ë tëi ore rese, nda'ei a'e gweraño, ndoipɨsɨ potai avei gwëtäve yande rɨvrɨ eta oyepota va'e, iyavei ndoipotai ambuae upe ipɨsɨ agwä sëtäve, akoi oipɨsɨse, omombo voiño ite ñemonu'äsa sui.

Apocalipsis 12:9

Egwë e'i imboyepepɨsa mba'e ɨpɨ oporomokañɨ va'e reko pirätäsa sembigwai eta reseve, opa imombosa ɨvɨ pɨpe yuvɨreko, evokoi mboi vai, a'e Karugwar Ndipɨ'ai va'e, evokoi ni'ä ava ombopa-mbopa tëi va'e opakatu ɨvɨ pɨpe yuvɨreko.

Apocalipsis 13:14

Ombopa tëi ava ɨvɨ pɨpendar yuvɨrekoi va'e mba'e poromondɨisa pɨpe evokoi imondosa va'e yapo agwä chupe yɨpɨndar mba'e ɨpɨ vai rovai, ipare oporokwai yapichaprɨ okwera tuprɨ va'e ra'angapo agwä imboeteisave.

Apocalipsis 18:23

Iyavei ñepëi yepe tataendɨ ndosesapei chietera ndeu, ndasendusai chiaveira ava aɨvu mendasa rupi. Esepia ni'ä ava mba'e mondosar seko pirätä eteprɨ va'e opakatu ɨvɨ pɨpe yuvɨreko iyavei erembopa-mbopa tëi opakatu ava ɨvɨ pɨpendar ndepayesa pɨpe eiko.”

Apocalipsis 19:20

Ko mba'e ɨpɨ vai yɨpɨndar va'e sokendasa, oyoya evokoi Tüpä ñe'ë mombe'usar anga'u tëi va'e rese, a'e akoi oyapo va'e mba'e yavairai va'e yɨpɨndar mba'e ɨpɨ vai rovake. Evokoi mba'e yavairai va'e apo pɨpe ombopa-mbopa tëi ava, akoi seroyasar vɨreko va'e mba'e ɨpɨ vai rer oyese iyavei omboetei va'e sa'anga yuvɨreko. Evokoiyase ko mba'e ɨpɨ vai iyavei Tüpä ñe'ë mombe'usar anga'u tëi, opa imombosa sekove reseve ɨpa azufre okai va'e pɨpe yuvɨreko.