Santiago 3:2 - Tüpä Ñe'ëngagwer

² Opakatu ite oime mba'e yande rembiavɨ naporäi va'e yepi; oimese ñepëi ava ndoyavɨi va'e oñe'ë, a'e ava seko ɨ̇vi tuprɨ va'e, oikwa avei opakatu gwekokwer rereko tuprɨ agwä.

Tũpa Ñehengagüer

² Opacatu yande yayavɨ setá mbahe rese yepi. Oimese que ava ndoyavɨi vahe oñehe, ahe ava seco ɨ̃vi tuprɨ vahe. Iyavei oicua tuprɨ opacatu güeco rereco tuprɨ ãgua.

Santiago 3:2 Iomraidhean Croise

San Mateo 12:34

¡Pe mboi nungar tëi peiko! ¿Marä peyeravo mba'e avɨye va'e mombe'u, pe tuprɨ avei ni'ä ndaperekoporäi va'e? Esepia pe pɨ'a pɨpe sui tëi, osë peñe'ë agwä.

San Mateo 12:37

Esepia peñe'ë pɨpe sui porandusara mba'e rese peü, iyavei pemombe'use mba'e pereko paraɨsusa pɨpe anise ite peipɨsɨra ñemoɨrösa ndopai va'e.”

Romanos 3:10

supiete Ikwachiaprɨ pɨpe aipo e'i: “¡Ndipoi ete ava seko katuprɨ va'e ñepëi angara viña!

Romanos 7:21

Sese che aikwa oime che kwaisar che rese, esepia ayapo potase mba'e avɨye va'e yepi a'e rumo oyapo uka ite mba'e naporäi va'e cheu.

1 Corintios 9:27

Che rumo mbigwai nungar che retekwer areko, amboyeroya uka pɨ'a ñemoñeta tuprɨsa upe, esepia ndaipotai ambuae ava mbo'e pare imomboprɨ tëi nungar gwayɨsa sui che yereko agwä.

Gálatas 3:22

Ikwachiaprɨ araka'endar pɨpe rumo aipo e'i, opakatu ava inungar mbigwai tëi oangaipa pɨpe yuvɨrekoi, akoi vɨroya va'e Jesucristo oipɨsɨra Tüpä remimombe'ugwer yuvɨreko kuri.

Gálatas 5:17

Esepia pe remimbotarai peyapo va'e nda'oyoyai ete Tüpä Espíritu remimbotar rese, iyavei Tüpä Espíritu rese nda'oyoyai ete mba'e peyapo va'e. Esepia ñepëi-pëi oyapo mba'e-mba'e tëi oyeupeae yuvɨreko, sese ndapeyapo ukai mba'e pe remimbotar avɨye va'e peyeupe.

Colosenses 1:28

Ore ni'ä Cristo rekokwer oromombe'u opakatu ava upe, orombo'e avei ava yarakwa tuprɨ agwä ore arakwasa pɨpe toyuvɨrekoi tuprɨ ite Cristo rese Tüpä rovai ore esa pɨpe.

Colosenses 4:12

Epafras avei omondo oma'endu'asa peü, a'e pe rekwa pendar ite, Cristo Jesús rembigwai; a'e oyerure va'e pe rese yepi toyemovɨräkwä tuprɨ iyavei toyuvɨrekoi Tüpä remimbotar rupi yuvɨreko oyapave.

Hebreos 13:21

tombou pe reko mo'ɨ̇visa iyavei pe reko avɨyesa opakatu pe semimbotar apo agwä; iyavei a'e toyapo mba'e opakatu gwemimbotar yande rese Jesucristo rembiapo sui. ¡Egwë te'i imboeteiprɨ apɨre'ɨ̇ tasekoi Cristo yepi! Amén.

Santiago 1:26

Amove akoi ava che agwata tuprɨ Tüpä rupi e'i tëi va'e, ndoikwai rumo oñe'ë mongiriri agwä, evokoiyase a'e ae oyembopa oiko, sembieroya evokoiyase egwë e'i tëi va'e.

Santiago 1:4

Peikoño ite pe reko ñemosasa pɨpe pe reko mo'ɨ̇vi tuprɨ katu agwä, evokoiyase nipane iri chira opakatu mba'e peü.

Santiago 2:10

Esepia akoi ava vɨroya va'e opakatu mborokwaita, ipare rumo oime ñepëi nomboavɨye tuprɨi va'e, a'e oyavɨ opakatu mborokwaita.

1 San Pedro 3:10

Esepia aipo e'i Ikwachiaprɨ pɨpe: “Akoi vɨreko pota va'e gwekokwer teko katuprɨsa pɨpe, pemombɨtu'u aveira peñe'ë raisa iyavei ndapeporombopai chira.

1 San Pedro 5:10

Koiye peparaɨsu pare rumo, Tüpä teiete pe reko mo'ɨ̇vi tuprɨra, iyavei pe reko movɨräkwära, pe momirätä aveira pe yepepɨ irie'ɨ̇ agwä ichui. Tüpä ni'ä oporoaɨsusa pɨpe yande poravo oyeupe narä, yande yaso va'erä supi teko orɨ ndopai va'esave yaiko va'erä Jesucristo rese yande rekosa pɨpe.