Santiago 3:16 - Tüpä Ñe'ëngagwer

¹⁶ Oimese poreroɨrösa iyavei poroamotare'ɨ̇sa mba'e potaraisa pɨpe, a'eve avei oime opakatu mba'e naporäi va'e;

Tũpa Ñehengagüer

¹⁶ Esepia, poroamotarẽhɨsa yande mbahe pota raisa pɨpe yarecose iyavei yaipotase mbahe yandeyeupe nara tẽi, ichui osẽ ñehepoepɨsa iyavei opacatu mbahe tẽi.

Santiago 3:16 Iomraidhean Croise

San Marcos 3:25

ñepëi oñemu va'e oyemboya'ose, ndoyuvɨreko katui chietera.

Los Hechos 19:29

Oime, opakatu tekwa rupi pɨ'a ñemoñetasa kokotɨ-kotɨ tëi. Sese oipɨsɨ Gayo iyavei Aristarco yuvɨreko, a'e ñuvɨrïo mbɨa Macedonia pendar yuvɨraso va'e Pablo rupi, ichui ombotɨrɨrɨ seraso oɨ ava ñemonu'ä gwasusave.

Romanos 2:8

ombou aveira oñemoɨrösa ava ndiporomboyeroyai va'e upe, a'e akoi, ko ñe'ësa supiete va'e reroya rägwer sui vɨroya va'e mba'e tëi.

1 Corintios 14:33

esepia Tüpä sekoi Tüpä mba'e avɨye va'e aposar ite, nda'ei mba'e naporäi va'e aposar. Iya ite rumo yayapora mba'e avɨye va'e Jesús reroyasar yande rekosa pɨpe,

1 Corintios 3:3

esepia pegwata vɨteño ko ɨvɨ pɨpendar pɨ'a ñemoñetasa rupi! Peyemoekate'ɨ̇-te'ɨ̇ oyeupe, iyavei peñemoɨrö peyeupe pe pɨ'añemoñeta nda'oyoyai va'esa pɨpe, pe evokoiyase peyapo ava ndoikwai va'e rembiapo nungar tëi.

2 Corintios 12:20

Che asɨkɨye asose eipeve pe repia, avɨyeteramo nda'ei chira che pɨ'a rupi pe rekokwer, iyavei pe avɨyeteramo egwë peye aveira che repiase. Che asɨkɨye ite, oime revo pe pa'üve yepoepɨ-epɨsa, pe pɨ'añemoñeta raisa ava mba'e pota raisa pɨpe, pe ñemoɨrösa peyeupe. Iyavei avɨyeteramo oimerä pe pa'üve ava oyeupeño tëi mba'e oipota va'e, ima'echiröiai va'e iyavei oñe'ë-ñe'ë tëi va'e ambuae ava rese, seko ɨvateai va'e iyavei ndiporeroyai va'e.

Gálatas 5:20

mba'e ra'anga upe yerure tëisa, yembopayesa, ñeroɨrösa, ñe'ëpoepɨ-epɨsa iyavei ambuae ava mba'e pota raisa; ñemoɨrö seraisa, yemboya'o-ya'osa, pɨ'añemoñeta yoyae'ɨ̇sa.

Santiago 3:14

Oimese rumo pe pɨ'ave pe poroamotare'ɨ̇sa mba'e pota raisa pɨpe, iyavei peyeupe narä tëi mba'e peseka, a'ese ndiyai peyembovɨ'a tuprɨ tëi che yarakwa va'e aiko pe yapave, esepia peremirä tëira supiete va'e mba'e rese.

1 San Juan 3:12

Ndayaikoi chira Caín nungar, a'e karugwar remimbo'e oyuka vɨvrɨ. ¿Ma'erä pi'ä oyuka? Esepia tɨvrɨ oyapo mba'e avɨye va'e, Caín rumo oyapo mba'e naporäi va'e.