Santiago 2:14 - Tüpä Ñe'ëngagwer

¹⁴ Che rɨvrɨ eta, ¿avɨyera pi'ä akoi ava, ayeroya yande Yar rese e'i tëi va'e, ndoyapoise mba'e avɨye va'e yuvɨreko? ¿Oikatura pi'ä a'e oñepɨsɨrö aipo o'e pɨpe tëi yuvɨreko?

Tũpa Ñehengagüer

¹⁴ Che rɨvɨreta, ¿avɨyera pĩha acoi ava, “Ayeroya yande Yar rese” ehi tẽi vahe, ndoyapoise mbahe avɨye vahe yuvɨreco? ¿Oicatura pĩha ahe oñepɨsɨro aipo ohe pɨpe tẽi yuvɨreco?

Santiago 2:14 Iomraidhean Croise

San Lucas 6:49

Akoi ava che ñe'ëngagwer rese ndoyapɨsakai va'e, a'e ndoyavɨi akoi ñepëi ava oyapo va'e gwëtära ɨvɨ arɨve tëi, nomondoi va'e ivɨräkwä agwä; ipare ouse ɨrɨgwasu oinupa pirätä a'e oɨ, opaño omonduru iyavei okañɨ tëiete.”

Tito 1:16

Aikwa Tüpä e'i tuprɨ tëi yuvɨreko, mba'e sembiapo rese rumo ikwasa seroya e'ɨ̇sa; a'e ni'ä ava ndosepia potai va'e, ndiporeroyai va'e ndoikatui mba'e avɨye va'e apo yuvɨreko yepi.

2 San Pedro 1:5

Sese peyemovɨräkwä katura peyapo va'erä mba'e avɨye va'e; peseka aveira Tüpä remimbotar kwa tuprɨ katu agwä;

Santiago 2:26

Egwë e'i yande rembiapo katuprɨ ndayamboyekwaise yande yeroyasa pɨpe, a'e inungar avei Espíritu ndasekoise yande rese, yande yeroyasa evokoiyase omano tëiete oiko.

Hebreos 11:17

Tüpä rese oyeroyasa pɨpe Abraham, gwekoa'äse vɨropove'ë gwa'ɨrɨ Isaac yukapɨrä. A'e vɨropove'ë pota voi ete ñepëi va'e gwa'ɨrɨ, yepe Tüpä araka'e aipo e'i chupe viña:

Hebreos 13:9

Peyembopa ukai rene yembo'esa kokotɨ tëi va'e upe. Avɨye katu yayemomirätä Tüpä poroaɨsusa rese mborokwaita tembi'u resendar sui; esepia ko nungar mba'e ndovɨreko ukai mba'e avɨye va'e o'usar upe.

Gálatas 5:6

Esepia akoi yaikose Cristo Jesús rese, yepe yayembocircuncidase, anise ndayayembocircuncidaise, a'e ndayande pɨtɨ̇vɨï ete yande reko katuprɨ agwä Tüpä rovake. Ko gweraño rumo yande pɨtɨ̇vɨï Jesús rese yande yeroyasa, a'e ni'ä yande mboyeaɨsu uka.

Santiago 2:18

Ñepëi ava pe pa'ü pendar aipo e'ira: “Nde erereko ndeporeroyasa, che rumo ayapo mba'e avɨye va'e. Emboyekwa ru nde yeroyasa mba'e nde rembiapo e'ɨ̇ pɨpe; evokoiyase che amboyekwara che yeroyasa oime va'e che rembiapo pɨpe ndeu.”

Los Hechos 8:21

Ndeu ndiyai ko nungar mba'e apo agwä, esepia nde pɨ'añemoñetasa nda'ei i'ɨ̇vi va'e Tüpä rovai.

San Mateo 5:20

“Amombe'ura aipo peü, akoi ndapereko ɨvɨ̇i tuprɨise ko Moisés porokwaita rese oporombo'e va'e iyavei fariseo ndapeyapoise mba'e avɨye va'e Tüpä rovai, a'ese ndapeikei chietera Tüpä mborerekwasave.”

Tito 3:8

Aipo ñe'ësa supiete va'e, che aipota eremañekora sese, vɨroya va'eño Tüpä yuvɨreko mba'e apo tuprɨ agwä. Ko evokoiyase mba'e avɨye va'e ite oiporu va'erä opakatu yuvɨreko.

1 Timoteo 1:5

Sese ko amondo porokwaita ndeu yande yeaɨsu agwä yande pɨ'añemoñeta katuprɨsa pɨpe, yande reko yapɨsaka tuprɨsave, iyavei yande yeroyasa supiete va'e pɨpe.

1 Tesalonicenses 1:3

Pe ni'ä yande Yar rese pe yeroya tuprɨsa pɨpe peporavɨkɨño yepi, iyavei pe poroaɨsusa pɨpe peyapo mba'e Tüpä upe, iyavei peñemosaño mba'e tëi upe Jesucristo rärösa pereko va'e rese. Sese ore ma'endu'a pe rese arɨ yakatu rupi yande Ru Tüpä rovai.

Gálatas 5:13

Pe, che rɨvrɨ eta, senoiprɨ peiko mbigwai tëi nungar perekosa sui perenose agwä. Ndape yapoi chira rumo mba'e pe remimbotar tëi ipɨpe. Iyakatu peñepɨtɨ̇vɨïra pe yeaɨsusa pɨpe.

1 Corintios 15:2

Ko ñe'ësa reroya pɨpe ni'ä peñepɨsɨröra peiko, peyemovɨräkwä aveira sese, inungar che amombe'u peü; egwë ndapeyeise rumo, peroya tuprɨ tëietera.

Los Hechos 15:9

Tüpä rumo nomboyoavɨi ete yande raɨsu oiko, esepia omoatɨrö ipɨ'a ñemoñetarai sui oyese yeroyasa pɨpe.

Santiago 2:16

akoi pepa'ü pendar aipo e'ise: “Avɨye, eso tuprɨño eiko, eyeao eso so'ɨ̇sagwer sui, ekaru tuprɨ”, ipare rumo ndapemondoise mba'e ipane va'e chupe, ¿avɨyera pi'ä ava upe aipo yande'e tëi viña?

1 Timoteo 4:8

esepia yepe avɨyeño chi'ï yande retekwer yamovɨräkwä viña, yande Yar upe yande reko agwä avɨye katu opakatu yande reko upe narä. Esepia a'e yande pɨtɨ̇vɨïra yande rekove agwä kurïtëi iyavei kuri yande rekove agwä.

Los Hechos 8:13

A'e Simón avei vɨroya, ipare oñeapirämo uka ichui ogwata Felipe rupi, osepia poromondɨisa tuvicha va'e iyavei Tüpä suindar ndayasepiai va'e rese oyepɨ'amondɨi tëi.

1 Corintios 16:22

Akoi ava ndosaɨsui va'e yande Yar, ¡a'e tokañɨ Tüpä ñemoɨrösa pɨpe! ¡Ore Yar, eyevɨ voi katu eyu!

Romanos 2:25

Supiete Moisés porokwaita vɨroya va'e, circuncisión resendar a'e avɨye angara peü; ndaperoya tuprɨise rumo, pe evokoiyase inungar ndapeyembocircuncidai va'e peiko.

San Lucas 3:11

Juan omboyevɨ ava re'ɨi upe: –Akoi vɨreko va'e ñuvɨrïo oturukwar, ñepëi pemondo ava ndovɨrekoi va'e upe; iyavei perekose tembi'u, pemboya'omi tëi ambuae ava ndovɨrekoi va'e upe.

Santiago 1:16

Che rɨvrɨ eta, che rembiaɨsu, peyembopai rene katu: