Santiago 1:9 - Tüpä Ñe'ëngagwer

⁹ Iyavei Jesús reroyasar seko mbegwemi va'e toyembovɨ'areteño yepi Tüpä oseko ɨvatesa rese;

Tũpa Ñehengagüer

⁹ Iyavei que Jesús reroyasar seco mbegüe vahe toyembovɨhareteño yepi Tũpa omboeco ɨvate ãgua rese.

Santiago 1:9 Iomraidhean Croise

San Lucas 1:52

vɨroyɨ mborerekwar seko ɨvate katu va'e ipirätäsa sui iyavei ava seko mbegwemi va'e rumo oseko mboɨvate.

San Lucas 10:20

Peyembovɨ'aretei rene karugwareta pe mboyeroyase, iya rumo peyembovɨ'a pe rer ɨva pendar ikwachiaprɨ rese.

San Lucas 14:11

Esepia ni'ä akoi ava oyemboɨvateai va'e, a'e evokoiyase seko reroyɨsara; akoi ava seko mbegwe va'e rumo, a'e seko mboɨvate katusara.

San Lucas 9:48

Ipare aipo e'i gwemimbo'e eta upe: –Akoi oipɨsɨ va'e ko chi'ïvä'emi che rer pɨpe, a'e ite che pɨsɨ oiko; iyavei akoi che pɨsɨ va'e, egwë e'i avei che mbousar pɨsɨ. Sese akoi ava seko mbegwemi katu va'e pe pa'ü pendar, a'e seko ɨvate katu itera.

Romanos 8:17

Iyavei yande ta'ɨrɨ ite yaiko, egwë ya'e aveira Tüpä porerekosa pɨsɨ, a'e Cristo reseve yamboya'ora ipɨsɨ, esepia yaiko ite paraɨsusa pɨpe supive egwë ya'e aveira yaiko ipɨri seko porañetesave kuri.

2 Corintios 6:10

Amove ndoyavɨi ndorovɨ'ai va'e yuvɨreko chupe, ore rumo orovɨ'año ite yepi; avɨye ndoyavɨi iparaɨsu va'e oroiko viña, ore rumo oromondo katuño ite mba'e avɨye va'e ava eta upe; yepe ndoyavɨi ndorovɨrekoi ete mba'e viña, opakatuño ite rumo mba'e avɨye va'e Tüpä suindar oime oreu.

Filipenses 3:14

esepia Tüpä che renoi ɨvave che so agwä aipɨsɨ va'erä iporerekosa ɨva pendar Cristo Jesús rese che rekose.

Filipenses 3:3

yande rumo imbocircuncidaprɨ nungar supiete va'e Tüpä mboyeroyasar yaiko, esepia yayerure Espíritu pɨpe Tüpä upe; yayembovɨ'a avei Jesucristo reroyasar yande rekosa rese. Nda'ei yande retekwer rese tëi yayeroya.

1 San Pedro 2:9

Pe rumo iporavoprɨ peiko Tüpä upe narä, inungar pa'i mborerekwar ɨvate katu va'e pɨtɨ̇vɨïsar, iyavei iporavoprɨ peiko Tüpä remimbotar rupi pereko maräne'ɨ̇sa pɨpe. Egwë peye Tüpä reko pirätäsa mombe'u agwä peiko, esepia a'e pe renose pɨ̇tümimbisa nungar pe rekokwerai sui, tesapesa porañete va'e pɨpe pe reike agwä.

Apocalipsis 2:9

Che aikwa pe yemombaraɨsusa, pe paraɨsusa avei; pe rumo mba'e yar nungar ite peiko ɨva pendar mba'e rese. Aikwa avei pe rese ava semirä tëi va'e, ore Tüpä rembiporavo judío oroiko e'i tëi va'e, a'e yuvɨrekoi Karugwar reroyasar tëi.