Santiago 1:18 - Tüpä Ñe'ëngagwer

¹⁸ A'e rumo ombou tekovesa yandeu ko ñe'ësa supiete va'e pɨpe, toyuvɨrekoi inungar yɨpɨndar mba'e mitɨ̇ a seropove'ëprɨ cheu opakatu che rembiapo sui o'esave yandeu.

Tũpa Ñehengagüer

¹⁸ Ahe rumo ombou ité tecovesa yandeu co ñehesa supi eté vahe pɨpe ‘toyuvɨrecoi inungar yɨpɨndar mbahe mitɨ ha seropovẽheprɨ cheu opacatu che rembiapo sui’ ohesave yandeu.

Santiago 1:18 Iomraidhean Croise

San Juan 1:13

A'e Tüpä ra'ɨrɨ ite yuvɨrekoi, nda'ei rumo ava yesusa pɨpe oyesu, esepia ni'ä Tüpä ite ombo'u Gwa'ɨrɨgwä.

Romanos 4:17

inungar Ikwachiaprɨ pɨpe aipo e'i: “Orombou ava eta ɨvɨ rupindar yesupära.” Ko Tüpä ni'ä Abraham rembieroya, a'e Tüpä avei omondo va'e tekovesa omano va'ekwer upe iyavei oyapo va'e mba'e ndipoi va'e yɨpɨndar.

1 Corintios 4:15

Esepia, yepe pereko atɨ pe pɨtɨ̇vɨïsar Cristo rese pe reko agwä viña, ndaperekoi rumo seta pe yesupa, esepia che amombe'use ni'ä ñe'ësa pɨsɨrösa resendar peü, a'ese ramo peroya Cristo Jesús. Seroyasa pɨpe evokoiyase che inungar pe yesupa ite aiko peü.

2 Corintios 6:7

Ore remimombe'u supiete va'e pɨpe iyavei Tüpä pirätäsa pɨpe avei oroiko. Ore ni'ä ore reko tuprɨ pɨpe orosekopɨ mba'e-mba'e tëi, ipɨpe avei oroyoepɨ.

Efesios 1:12

Iyavei a'e oipota ite yande yaiko va'erä yɨpɨndar Cristo rupi, a'ese avei yamboeteira seko porañetesa gwasu.

Efesios 1:13

Pe avei ni'ä, pesenduse ko ñe'ësa supiete va'e pɨsɨrösa resendar, Cristo peroya pe pɨ'a pɨpe sese peiko va'erä, Tüpä ombou gwemimombe'ugwer Espíritu Maräne'ɨ̇ pe pɨ'a pɨpe cheundar yuvɨrekoi oya.

2 Timoteo 2:15

Eyapo tuprɨ mba'e opakatu nde katugwer rupi nde rekokwer mboyekwa agwä Tüpä rovai inungar oporavɨkɨ tuprɨ va'e nochi ete va'e, egwë ere, eporombo'e tuprɨ ñe'ësa supiete va'e rese.

Hebreos 12:23

iyavei opakatu yɨpɨndar Tüpä ra'ɨrɨ ikwachiaprɨ va'e ɨvave. Oyemboya Tüpä rese yuvɨreko, a'e opakatu mba'e Moigätusar, iyavei peyemboya ava seko avɨye va'e espíritu yuvɨrekoi va'e rese, a'e ni'ä Tüpä osekomo'ɨ̇vi tuprɨ sereko,

Santiago 1:15

Ava mba'e potaraisa sui oime angaipa; evokoiyase angaipa aposa pɨpe ou manosa yandeu.

Santiago 1:21

Evokoiyase peseya teko raisa, opakatu ambuae oime va'e mba'e naporäi va'e pe pa'üve, ko katu pe yemominisave peroya vɨte katu Tüpä ñe'ë omoinge va'e pe pɨ'a pɨpe, a'e ni'ä vɨreko pirätäsa pe pɨsɨrö agwä.

Santiago 3:14

Oimese rumo pe pɨ'ave pe poroamotare'ɨ̇sa mba'e pota raisa pɨpe, iyavei peyeupe narä tëi mba'e peseka, a'ese ndiyai peyembovɨ'a tuprɨ tëi che yarakwa va'e aiko pe yapave, esepia peremirä tëira supiete va'e mba'e rese.

1 San Pedro 1:23

Pe ni'ä pereko tekovesa pɨasu, nda'ei pe yesupa omano tëi va'e suindar, a'e rumo Tüpä ñe'ëngagwer supi tuprɨ apɨre'ɨ̇ va'e reroya pɨpe.

1 San Pedro 1:3

Yamboetei yande Yar Jesucristo Yesupa Tüpä sereko, a'e ni'ä oporoparaɨsu rekosa pɨpe yande rekokwer mbopɨasu yande Yar Jesucristo kwerayevɨsa pɨpe. Ipɨpe sui yaikwaño ite oimerä mba'e avɨye va'e yandeu,

1 San Juan 3:9

Opakatu yuvɨrekoi va'e Tüpä rese ndoyapoi angaipa, esepia vɨreko ite Tüpä rekokwer oyese yuvɨreko; sese ndoikatu iri angaipa apo agwä yuvɨreko, esepia a'e Tüpä ra'ɨrɨ ite yuvɨrekoi.

Apocalipsis 14:4

Ko ava ndasekomaräi va'e ndoyapoi ete mba'e kokotɨ tëi kuña rese, esepia oñearö tuprɨ gweko katuprɨsa pɨpe; iyavei osakɨkwe moñaño ite Jesucristo igwatasa rupi yuvɨreko. Opa serokwasa ava pa'ü sui iyavei inungar yɨpɨndar mba'e seropove'ëprɨ Tüpä upe, Ovesami a'e Cristo sekoi va'e upe avei.