Santiago 1:10 - Tüpä Ñe'ëngagwer

¹⁰ iyavei mba'e yar sekoi va'e pe pa'üve toyembovɨ'a vɨteño Tüpä vɨroyɨse seko ɨvatesa sui. Esepia mba'e yar yuvɨrekoi inungar ka'a potrɨ ndasekosei va'e.

Tũpa Ñehengagüer

¹⁰ Iyavei mbahe yar secoi vahe pe pãhuve, toyembovɨha vɨteño Tũpa vɨroyɨse seco ɨvatesa sui. Esepia, mbahe yar yuvɨrecoi vahe inungar caha potrɨ ẽqüe ehi raimi tẽi vahe yuvɨreco.

Santiago 1:10 Iomraidhean Croise

San Mateo 5:3

“Sorɨvete katura ava vɨreko va'e espíritu paraɨsusa oyese, esepia ni'ä chupe narä ite Tüpä mborerekwasa.

San Mateo 6:30

Tüpä ni'ä omboporañete raimi tëi mba'e potrɨ ka'a pɨpendar imo'ä, ichui arayi'ive opara sapɨsa tatave, ¡a'e rumo pemboyemondera, pe ava ndaperoyai va'e Tüpä peiko!

1 Corintios 7:31

akoi ava ipɨ'añemoñeta katu va'e ko ɨvɨ pɨpendar mba'e poru agwä, tipɨ'añemoñeta eme evokoi nungar mba'e tëi rese yuvɨreko, esepia ko ɨvɨ pɨpendar mba'e yasepia va'e opa tëietera okañɨ.

Filipenses 3:8

Iyavei evokoi nungar mba'e opakatu aseya kokotɨ che yesui, che Yar Cristo Jesús rekokwer kwasa pɨpe. Cristo rekokwer sui opa ite mba'e amokañɨ, ipɨpe sui opakatu mba'e ɨtɨ nungar tëi cheu aiko va'erä supi

1 Timoteo 6:17

Akoi imba'e eta va'e ko ɨvɨ pɨpe, eyokwai toyemboɨvateai eme, iyavei toyeroya rai eme omba'e eta rese tëi yuvɨreko, esepia a'e egwë e'i tëi va'e. Iyakatu rumo Tüpä rese oyeroyara yuvɨreko, a'e ni'ä opakatu mba'e ikatuprɨ va'e ombou yandeu narä yande rembiporugwä.

Santiago 4:14

¡ndapeikwai rumo mba'e oime va'erä peü ayi'ive! Perekokwer rumo inungar ɨvɨchï oyekwa raimi tëi ipare opaño okañɨ.

1 San Pedro 1:24

Esepia Ikwachiaprɨ pɨpe aipo e'i: “Opakatu ava inungar ka'a, iyemboeteisa evokoiyase inungar ipotrɨ. Ipare a'e ka'a opa omano, ipotrɨ avei opa ovɨapi,

1 San Juan 2:17

Ko ɨvɨ pɨpendar ava opa itera okañɨ, mba'e tëi potaraisa aposa pɨpe; akoi ava oyapo va'e rumo Tüpä remimbotar, yuvɨrekoira apɨre'ɨ̇ va'erä ite.