Romanos 9:3 - Tüpä Ñe'ëngagwer

³ supiete che aikopota mba'e naporäi va'e pɨpe, ayepepɨ pota avei Cristo sui, a'ese tie revo aipɨtɨ̇vɨïra che rɨvrɨ eta, opakatu che mu eta che rekwa pendar.

Tũpa Ñehengagüer

³ Che aipota tẽi opacatu che mu judío ñepɨsɨro ãgua yuvɨreco viña. “Tacañɨ tẽi Cristo porẽhɨ icañɨ tẽiẽhɨ ãgua yuvɨreco” ahera viña.

Romanos 9:3 Iomraidhean Croise

Los Hechos 13:26

“Che mu eta pe Abraham suindar iyavei nda'ei va'e Abraham suindar Tüpä mboeteisar: opakatu yandeu narä ombou ko ñe'ësa pɨsɨrösa resendar.

Los Hechos 22:5

Pa'i rerekwar ɨvate katu va'e iyavei opakatu ava yarakwa katu va'e oikwa che reko yuvɨreko. A'e ombo'u kwachiar yuvɨreko cheu yande mu judío Damasco pendar upe, ichui aso a'eve Jesús reroyasar pɨsɨ agwä, aru va'erä ko'ave Jerusalén ve imombaraɨsu pɨrä.”

Los Hechos 28:21

A'ese ava omboyevɨ yuvɨreko chupe: –Ndoroipɨsɨi ete kwachiar Judea sui nde resendar, iyavei yande mu oyepota va'e Judea sui nomombe'ui mba'e naporäi va'e nde rekokwer resendar yuvɨreko oreu.

Romanos 1:3

A'e ñe'ësa Tüpä Ra'ɨrɨ Jesucristo resendar, a'e ava gwekosa pɨpe ite oyesu ou mborerekwar gwasu David suindar;

Romanos 11:1

Kurïtëi che aporandu: ¿Oyerova pi'ä Tüpä gwekwa sui? ¡Ani nda'ei ete supi! Esepia che avei ni'ä aiko Israel pendar, Abraham ni'ä che ramoi ete Benjamín suindar avei aiko.

Romanos 11:14

Che aipota che mu pe pa'ü pendar oyemongere'ɨ̇ va'e, pɨsɨrösa pɨsɨ agwä oyeupe narä yuvɨreko.

Romanos 16:11

Pemombe'u avei che ma'endu'asa che mu Herodión upe, ava Narciso rëtä pɨpendar yande Yar reroyasar upe avei.

Romanos 16:21

Omondo avei oma'endu'asa Timoteo peü, a'e che pɨtɨ̇vɨï che poravɨkɨsa rese yepi; iyavei che mu Lucio, Jasón, Sosípater, a'e avei ima'endu'a yuvɨreko pe rese.

Romanos 16:7

Pemombe'u avei che ma'endu'asa che mu Andrónico iyavei Junias upe, a'e ni'ä che mboetasa yuvɨrekoi che rokendasave; a'e avei Jesús ñe'ë mombe'usar remimboyeroya yuvɨrekoi, a'e rane avei yɨpɨndar Cristo reroyasar yuvɨrekoi che sui.

Romanos 9:2

ndavɨ'ai ete che pɨ'a pɨpe iyavei oime mba'e tasɨ va'e cheu yepi,

1 Corintios 12:3

Sese, che aipota peikwa va'erä kurïtëi: “¡Ndipoi chietera Jesús naporäi sekokwer e'i va'e!”, esepia ni'ä oñe'ë Tüpä Espíritu pirätäsa pɨpe. Iyavei ndipoi chietera ava: “¡Jesús che Yar sekoi e'i va'e!”, esepia ni'ä noñe'ëi ete Espíritu Maräne'ɨ̇ pirätäsa pɨpe yuvɨreko.

1 Corintios 16:22

Akoi ava ndosaɨsui va'e yande Yar, ¡a'e tokañɨ Tüpä ñemoɨrösa pɨpe! ¡Ore Yar, eyevɨ voi katu eyu!

2 Corintios 12:15

Evokoiyase che kere'ɨ̇sa pɨpe amondora opakatu che mba'e areko va'e pe pɨtɨ̇vɨï agwä, iyavei opakatu che rekokwer rese ayemondo peü pe reko tuprɨ agwä. Che rumo opoaɨsu iteanga, ¿pe tie revo ndache raɨsu tuprɨi ete peye?

Gálatas 1:8

Akoi ava omombe'u va'e ñe'ësa pɨsɨrösa resendar nda'oyoyai va'e ore remimbougwer rese, evokoi nungar ava tasekoi Tüpä ñemoɨrösa pɨpe, yepe chera viña, anise mbigwai ɨva pendar ou va'e aveino.

Gálatas 1:9

Amboyupagwe irira aipo imombe'u peü: Akoi ava omombe'u va'e ñe'ësa pɨsɨrösa resendar nda'oyoyai va'e ore remimbougwer rese, evokoi nungar ava tasekoi Tüpä ñemoɨrösa pɨpe.

Gálatas 3:10

Akoi seko katuprɨ pota va'e Moisés porokwaita pɨpe tëi yuvɨrekoi va'e, a'e Tüpä ñemoɨrösavrɨve tëi yuvɨrekoira, esepia Ikwachiaprɨ pɨpe aipo e'i: “Opakatu ava nomboavɨyei va'e Tüpä porokwaita ikwachiaprɨ pɨpendar, a'e iñemoɨrösavrɨve tëi yuvɨrekoira.”

Gálatas 3:13

Moisés porokwaita mboavɨye e'ɨ̇sa pɨpe yakañɨ tëira viña, Cristo rumo yande renose yande kañɨ tëi rägwer sui, a'e ae opa oipɨsɨ ñemoɨrösa yande repɨrä, esepia Ikwachiaprɨ pɨpe aipo e'i: “Opakatu ava imboyasekoprɨ ɨvɨra rese, oipɨsɨ ñemoɨrösa yuvɨreko.”

Efesios 6:5

Pe aveino mbigwai, pemboyeroya katura pe rerekwar ko ɨvɨ pɨpe imboeteisave. Ichui pe sɨkɨyepave avei mba'e tuprɨ pɨpe mba'e peyapora inungar Cristo upe ite mba'e peyapo va'erä viña.