Romanos 7:4 - Tüpä Ñe'ëngagwer

⁴ Che rɨvrɨ eta, pe ni'ä egwë peye avei Cristo rese; Cristo manosa sui nda'e iri porokwaitavrɨve peiko Cristo rese peiko agwä, a'e ni'ä akoi okwerayevɨ va'e, sese yande rekokwer egwë nde'i tëi va'e Tüpä upe.

Tũpa Ñehengagüer

⁴ Che rɨvɨreta, pe niha ẽgüe peye avei Cristo rese peico vahe; Cristo manosa sui ndahe iri Moisés porocuaitavrɨve peico Cristo rese peico ãgua. Ahe niha acoi ocuerayevɨ vahe. Sese yande recocuer ẽgüe ndehi tẽi vahe Tũpa upe.

Romanos 7:4 Iomraidhean Croise

San Mateo 26:26

Yuvɨrokaru vɨteseve, Jesús oipɨsɨ mboyape, ipare avɨye ndeu e'i Tüpä upe, ombo'i-mbo'i imondo gwemimbo'e upe, aipo e'i: –Peipɨsɨ pe'u avei, ko che rete.

San Marcos 4:20

Ambuae ava rumo osendu va'e Tüpä ñe'ëngagwer seroyasa pɨpe, oyapoño ite mba'e avɨye va'e, a'e inungar mba'e rä'ɨi ñotɨ̇mbrɨ ɨvɨ avɨye va'e rese. Amove vɨreko o'ɨ rese treinta, ambuae sesenta, ambuae cien tuprɨ ñepëi o'ɨ rese.”

San Juan 15:8

Ko rese oyemboyekwa ite che Ru mboeteisa, esepia peyapo ite mba'e avɨye va'e iyavei peikora che remimbo'e supi tuprɨ va'e yepi.

San Juan 3:29

Ñepëi mendasave, akoi vɨreko va'e gwembirekovɨ a'e imevɨ ite; iyavei imevɨ mborɨpar, osenduse a'eve o'ä oyembovɨ'arete iñe'ë renduse. Egwë a'e avei che kurïtëi ayembovɨ'aretera.

San Juan 6:51

Che a'e aiko mboyape oikove va'e ogweyɨ va'e ɨva sui; akoi o'u va'e ko mboyape, a'e oikovera tekovesa apɨre'ɨ̇ pɨpe. Ko mboyape amondo va'erä a'e che rete ite. A'e amondora ava rekokwer ɨvɨ pɨpendar rese.”

Romanos 6:11

Egwë peye aveira peiko manosa pɨpe, ko pɨpe suive peikovera Tüpä upe narä yande Yar Jesucristo rese.

Romanos 6:14

Evokoiyase, pe angaipa ndaseko iri chietera pe rese, esepia ndapeikoi porokwaita pɨpe, pe rumo Tüpä porovasasa pɨpe peiko.

Romanos 6:2

¡Ani nda'ei ete supi! Esepia yande ni'ä senoseprɨ angaipa pɨpe sui; ¿marä vo, evokoiyase yaiko vɨtera angaipa pɨpe viña?

Romanos 6:22

Kurïtëi rumo angaipa sui senoseprɨ peiko, Tüpä povrɨve pe reko agwä. Ichui mba'e tuprɨ oime peü, a'e ni'ä ombou oyeupe narä ite pe reko tuprɨ agwä, ipɨpe sui peikora tekovesa apɨre'ɨ̇ va'e pɨpe.

Romanos 7:3

Akoi kuña omer rekove vɨteseve, vɨrekose ambuae kuimba'e, oyemboagwasa tëi evokoiyase; akoi omanose rumo imer ichui, ndaseko iri ipovrɨve, a'e iyakatu ite omenda yupagwe iri a'ese nda'ei yagwasa tëi.

Romanos 7:6

Kurïtëi rumo yande omano va'e nungar yaiko akoi porokwaita pɨpe yaiko va'ekwer sui, egwë ya'e, yasë ichui Tüpä upe mba'e apo agwä Espíritu sui yande reko pɨasu pɨpe, nda'e iri porokwaita ikwachiaprɨ yɨpɨndar va'e pɨpe yaiko.

Romanos 8:2

esepia ni'ä, Cristo Jesús rese yaikose, yande kwaisar Espíritu tekovesa mondosar yande renose angaipa povrɨ sui manosa sui avei.

1 Corintios 10:16

Akoi yaɨ'use uva rɨkwer sovasaprɨ ipɨpe yamboetei Tüpä sereko yepi, a'ese oyoya gwasu Cristo rese yaiko suvɨ pɨpe sui; ya'use ko mboyape imboya'o-ya'oprɨ, a'ese oyoya gwasu yaipɨsɨ Cristo retekwer yandeyeupe narä.

2 Corintios 11:2

Esepia cherekate'ɨ̇ ite pe rese, a'e tekate'ɨ̇sa ou cheu Tüpä sui. Che aipota Cristo upe opomondo va'erä pe reko maräne'ɨ̇sa pɨpe, inungar kuñatäi ndaseko maräi va'e imondoprɨ kuimba'e upe imenda agwä.

Gálatas 3:13

Moisés porokwaita mboavɨye e'ɨ̇sa pɨpe yakañɨ tëira viña, Cristo rumo yande renose yande kañɨ tëi rägwer sui, a'e ae opa oipɨsɨ ñemoɨrösa yande repɨrä, esepia Ikwachiaprɨ pɨpe aipo e'i: “Opakatu ava imboyasekoprɨ ɨvɨra rese, oipɨsɨ ñemoɨrösa yuvɨreko.”

Gálatas 5:18

Akoi Espíritu pe rerogwatase, a'ese nda'e iri chira Moisés porokwaita povrɨve tëi peiko.

Efesios 2:15

Omomba opakatu Moisés porokwaita, a'e oipota ñepëi ava nungar teko pɨasu pɨpe yande reko agwä, judío iyavei nda'ei va'e judío. Egwë e'i imokañɨpa yande yeamotare'ɨ̇sa yandesui yande reko tuprɨ agwä.

Filipenses 1:11

perekora pe rekokwer avɨye va'e ite Jesucristo ombou va'e peü Tüpä mboetei agwä.

Filipenses 4:17

Ndachepɨ'añemoñetai mba'e arokwaño tëi va'erä pe sui; che rumo aipota Tüpä omboyevɨra peü ko pe porerekosa pembou va'e cheu.

Colosenses 1:10

Ipɨpe sui tapegwata tuprɨ yande Yar rupi seroyasar tuprɨ pe rekosa pɨpe, tapemboavɨye tuprɨ opakatu semimbotar, mba'e pe rembiapo tuprɨ pereko katura sovake, ipɨpe sui avei tapeikwa tuprɨ katu Tüpä rekokwer peiko.

Colosenses 1:22

kurïtëi rumo Tüpä iñeröi peü pe reroyevɨ oyeupe Cristo mano pɨpe. A'e ni'ä egwë e'i Vu rovai ipe'aprɨ pe rereko oyeupe narä, pe reko maräne'ɨ̇ agwä mba'e avɨe'ɨ̇sa pɨpe ava rovake.

Colosenses 1:6

ko ñe'ësa imombe'usa avei opakatu peü. Ko ñe'ësa seta ava oipɨsɨ tuprɨ avei yuvɨreko ko ɨvɨ pɨpe, inungar akoi pesenduse yɨpɨndar Tüpä porovasasa resendar ñe'ësa, ipɨpe sui peikwa tuprɨ katu a'e porovasasa supiete va'e.

Colosenses 2:14

Tüpä opa omboye'o yande angaipa yande reko momaräsar oime va'e sui; Cristo atɨkasa kurusu sui opa yande renose yande kañɨ rägwer sui.

Colosenses 2:20

Pe omano va'ekwer peiko Cristo rese, iyavei ndapeiko iri ko ɨvɨ pɨpendar pɨ'a ñemoñetasa povrɨve tëi. ¿Ma'erä evokoiyase peroya vɨte ko ɨvɨ pɨpendar porokwaita egwë e'i tëi va'e

Hebreos 10:10

Tüpä evokoiyase yande pe'a angaipa sui oyeupe narä, esepia Jesucristo oyapo ite semimbotar mba'e ñepëi reseve apɨre'ɨ̇ va'erä gwete mondo pɨpe.

1 San Pedro 2:24

Cristo teiete vɨraso yande angaipagwer gwete rese kurusu rese, yande yepepɨ agwä angaipa sui yaiko teko ɨ̇vi tuprɨsa pɨpe. Esepia ni'ä Cristo imombaraɨsusa perekokwer moigätu agwä.

Apocalipsis 19:7

Tayayembovɨ'a katu yaiko, iyavei tayamondo yande vɨ'aretesa, yande sapukaisa yande Ru Tüpä upe, esepia ni'ä, kurïtëi oyepota arɨ mendasa Ovesami a'e Cristo sekoi va'e upendar. Sembireko evokoiyase opa oyemoigätu oiko:

Apocalipsis 21:9

Evokoiyase ou ñepëi ñuvɨrïo ova mbigwai ɨva pendar pa'ü sui, akoi ñuvɨrïo ova tuprɨ ɨgwa rɨru, ñuvɨrïo ova mba'erasɨ ipa va'e vɨreko va'ekwer ipɨpe, aipo e'i cheu: “Erio, amboyekwara kuña omenda va'evɨ ndeu, Ovesami a'e Cristo sekoi va'e rembirekovɨ.”