Romanos 5:2 - Tüpä Ñe'ëngagwer

² Esepia Jesucristo sui ni'ä yareko ko Tüpä suindar porovasasa yayeroyase sese, ipɨpe avei yayemovɨräkwäño ite yaiko, yayembovɨ'a aveira esepia yaikwa Tüpä pɨri yande reko agwä imborerekwasave.

Tũpa Ñehengagüer

² Esepia, Jesucristo sui niha yareco co Tũpa suindar porovasasa yayeroyase sese. Ipɨpe avei yayemovɨracuaño ité yaico, yayembovɨha avei. Esepia, yaicua Tũpa pɨri yande reco ãgua imborerecuasave.

Romanos 5:2 Iomraidhean Croise

San Mateo 25:21

Serekwar rumo aipo e'i chupe: ‘Avɨye ite, nde mbigwai seko avɨye va'e, eremboavɨye tuprɨ va'e nde kwaita ko movɨrö tëi gwarepochi ndeu amondo va'e pɨpe. Sese tuvicha katu amondora nde kwaitarä. Eike che pɨri eyembovɨ'a katu che rese.’

San Juan 10:7

Jesús aipo e'i iri: “Supiete ko rese aipo a'e: Che aiko okendɨpɨ supi yuvɨroike va'e ovesa yepi.

San Juan 10:9

Che ite ni'ä aiko okenda: akoi oike va'e che rupi, a'e oñepɨsɨröra. Iyavei inungar akoi ovesa oike ichui osë oyosɨ kapi'i o'u va'erä yepi.”

San Juan 14:6

Jesús omboyevɨ chupe: –Che ni'ä aiko perɨ supiete va'e iyavei tekovesa. Che rupi gweraño ite peyepotara che Ru upe.

San Juan 5:24

“Supiete aipo a'e peü akoi oyapɨsaka va'e che ñe'ë rese iyavei vɨroya va'e che mbousar, a'e vɨrekora tekovesa apɨre'ɨ̇; iyavei nda'ei chietera imokañɨpɨ̇ra, esepia osë a'e manosa sui oipɨsɨ tekovesa apɨre'ɨ̇.

Los Hechos 14:27

Oyepotase Antioquía ve yuvɨraso, omonu'äpa opakatu Jesús reroyasar, ipare omombe'upa ite Tüpä oyapo va'e mba'e supi yuvɨreko, yande Yar avei omondo mba'e avɨye va'e ava nda'ei va'e judío upe, a'ese avei oikatura a'e seroya yuvɨreko.

Romanos 11:20

Supiete, ko rumo oporeroya e'ɨ̇ pɨpe a'e imombosa ichui yuvɨreko, pe rumo seroya pɨpe suiño ite pepɨta sendagwerve. Sese peikwa katu, anichira peyemboɨvateai ipɨpe.

Romanos 12:12

Peikoño pe vɨ'aretesave mba'e ɨva pendar rärösa pɨpe; peñemosaño mba'e rasɨkwer peiporarase; iyavei anichira pepoi pe yeruresa sui yepi.

Romanos 14:4

¿Uma vo nde ereiko ereroɨrö va'erä ambuae ava rembigwai eiko? Esepia sekoi tuprɨse anise sekorai tëise, a'ese serekwar oikwara chupe. Sekoira mba'e tuprɨ pɨpe, esepia yande Yar vɨreko ite pirätäsa osekomoigätu agwä.

Romanos 15:13

Tüpä ite ni'ä ombou va'e oyesuindar rärö agwä, a'ese peikora vɨ'aretesa pɨpe sese peyerosa pɨpe, iyavei tombou poroarösa Espíritu Maräne'ɨ̇ pirätäsa pɨpe peü.

Romanos 2:7

Omboura tekovesa apɨre'ɨ̇ va'e yandeu, yasekase teko orɨ Tüpä suindar poromboeteisa, iyavei mba'e apɨre'ɨ̇ va'e yande mba'e tuprɨ aposa pɨpe;

Romanos 3:23

opakatu ite oyemboangaipa, sese ndosupitɨi ete Tüpä reko porañetesa yuvɨreko.

Romanos 5:5

Iyavei a'e yande remiarö ndayambo'a chira mba'e tëi pɨpe sereko, esepia Tüpä ombou ite oporoaɨsusa yandeu Espíritu Maräne'ɨ̇ yandeu ombou va'e pɨpe.

Romanos 8:1

Egwë e'i ete, kurïtëi rumo ndipo iri ñemoɨrösa yandeu Cristo Jesús rese yaikose,

Romanos 8:24

Esepia ni'ä yañepɨsɨrö ite yande remiarö reroya pɨpe. Sese akoi yasepia va'e mba'e yande remiarö ndayasärö iri, supiete ¿Uma pi'ä osärö vɨtera mba'e osepia va'ekwer?

1 Corintios 15:1

Che rɨvrɨ eta, che aipota peyemoma'endu'a akoi ñe'ësa pɨsɨrösa resendar peü mombe'u va'ekwer rese. Ko ñe'ësa ni'ä peipɨsɨ, ipɨpe sui avei ni'ä peyemovɨräkwä peyese.

2 Corintios 3:18

Sese opakatu yande nda'ei Moisés oyeovapɨ va'e nungar yaiko Tüpä porañetesa sendɨyai va'e repia e'ɨ̇ agwä, yande rumo inungar yepiasa yamboyekwa ite yande Yar porañetesa sendɨyai va'e ava upe yaiko, yaiko katuño ite yande Yar Cristo nungar arɨ yakatu rupi yepi, esepia egwë ya'ese yareko katu-katu iri seko porañetesa yandeyese, yande Yar rumo akoi Espíritu sekoi va'e egwë e'i yandeu.

2 Corintios 4:17

Esepia ko mba'e oroiporara va'e ko ɨvɨ pɨpe, a'e egwë e'i raimi tëi va'e, ipare rumo opañora; a'e ichui rumo oimerä mba'e tuprɨ ɨvate katu va'e oreu ɨvave apɨre'ɨ̇ orovɨreko va'erä.

Efesios 2:18

Esepia Cristo rembiapo pɨpe sui ni'ä oyoya yande judío iyavei nda'ei va'e judío yaiko va'e yayemboya va'erä Tüpä rese Espíritu ñepëi va'e pɨpe.

Efesios 3:12

Iyavei Cristo reroyasa pɨpe suiño ite yaikatura yayemboya Tüpä rese yande sɨkɨye e'ɨ̇sa pɨpe.

Efesios 6:13

Sese, peipɨsɨ opakatu mba'e Tüpä ombou va'e peü pe yoepɨ agwä, evokoiyase yepe oime tëira mba'e tëi peü viña, peyemovɨräkwäño itera rumo chupe.

2 Tesalonicenses 2:16

Yande Yar Jesucristo teiete, yande Ru Tüpä avei, yande raɨsu yande rovasasa pɨpe ombou vɨ'asa apɨre'ɨ̇ va'e yandeu, iyavei yande reko tuprɨ rärö agwä iporoaɨsusa rese,

Hebreos 3:6

Cristo rumo Ta'ɨrɨ gweko pɨpe omboavɨye okwaita Tüpä rëtä rese, a'e yande yaiko yayeroyaño sese yasäröño avei yande yembovɨ'asa pɨpe ko mba'e avɨye va'e oime va'erä yandeu kuri.

Hebreos 6:18

Egwë e'i oime ñuvɨrïo mba'e imboyepoepɨpɨre'ɨ̇: Tüpä ni'ä ndoporombopai va'e ite, ipɨpe avei yande mongere'ɨ̇ katu yande yaseka va'e Tüpä poropɨtɨ̇vɨïsa, iyavei yayeroya va'e ñearösa yandeu ombou va'e rese.

1 San Pedro 3:18

Esepia Cristo teiete omano yande angaipa repɨrä ñepëi reseve. Gweko maräne'ɨ̇ pɨpe egwë e'i ava rekokwerai rese opakatu pe reraso agwä Vu Tüpä upe. A'e omano gwete rese, ipare rumo okwerayevɨ gweko espíritu pɨpe.

Apocalipsis 21:11

A'e tekwa sendɨ iteanga Tüpä rendɨgwer pɨpe; sendɨgwer evokoiyase oyoya tuprɨ ita iporañete va'e rese, oyoya avei ita jaspe serer va'e ipïrerimi va'e rese.

Apocalipsis 21:23

Evokoi tekwa gwasu ndovɨreko iri ete arɨ, yasɨ gwesape agwä, esepia ni'ä Tüpä ite osesape gwendɨgwer pɨpe, iyavei Ovesami a'e Cristo sekoi va'e tataendɨ nungar sekoi a'eve yuvɨrekoi va'e upe.

Apocalipsis 21:3

Ipare asendu ñe'ësa ipirätä va'e Tüpä renda porañete va'e sui, aipo e'i: “Ko'ave Tüpä sekoi opakatu ava re'ɨi reseve. A'e oikove va'erä ite sese yuvɨreko yepi, a'e ava evokoiyase chupe narä ite yuvɨrekoira, Tüpä teiete ni'ä sekoira Itüpägwä.

Apocalipsis 3:21

Akoi ava oyemovɨräkwä va'e mba'e-mba'e tëi apoe'ɨ̇ agwä yuvɨreko, a'e ambogwapɨ ukara che ɨpɨve imoi che porokwaisave, inungar che mba'e tëi reko reroyɨ pare, agwapɨ che Ru ɨpɨve vïte.