Romanos 4:9 - Tüpä Ñe'ëngagwer

⁹ ¿Ko torɨvetesa pi'ä ava imbocircuncidaprɨ upe gweraño, anise ava nimbocircuncidaiprɨ upe avei tie? Supiete akoi aipo ya'e Tüpä oikwa ite Abraham seko katuprɨse oyese reroyasa pɨpe.

Tũpa Ñehengagüer

⁹ Co mbahe tuprɨ rumo ndahei judío upeño, ahe rumo ava ndahei vahe judío upe avei. Supi eté Tũpa, “Co seco catuprɨ vahe secoi” ehi Abraham upe oyese iyeroyasa rese.

Romanos 4:9 Iomraidhean Croise

San Lucas 2:32

a'e ni'ä poroesapesa sekoi opakatu tekwa upe narä iyavei omboyekwara poromboeteisa supiete va'e nde rekwa Israel pendar upe.”

Romanos 4:10

¿Maräse pi'ä oipɨsɨ oyeupe narä sereko? ¿Abraham yembocircuncida renondeve pi'ä, anise ipare tie? Ani nda'ei ete ipare, senondeve ite egwë e'i.

Romanos 4:3

Esepia Ikwachiaprɨ araka'endar pɨpe aipo e'i: “Abraham vɨroya ite Tüpä, sese Tüpä oikwa uka seko ɨ̇vi katuprɨsa.”

Gálatas 3:14

Sese ko Tüpä omondo porovasasa Abraham upe toipɨsɨ avei ava nda'ei va'e judío Cristo Jesús rer pɨpe oyapave; iyavei ipɨpe sui yande opakatu yaipɨsɨ Tüpä Espíritu imombe'uprɨ yayeroyase Cristo rese kurïtëi.

Efesios 3:8

Che rekokwer ni'ä ɨvɨ kotɨ katu opakatu ambuae Tüpä reroyasar sui; a'e rumo ombou oporovasasa ko mboravɨkɨsa ñe'ësa avɨye va'e Cristo rekokwer resendar mombe'u agwä ava nda'ei va'e judío upe narä cheu.

Colosenses 3:11

Nda'ei mba'e avɨye va'e peikose griego, anise judío, iyavei imbocircuncidaprɨ anise nimbocircuncidaiprɨi, iyavei yaikose ambuae tekwa pendar, iyavei ava ndovɨrekoi va'e arakwasa oyese, ava rembigwai tëi sekoi va'e, anise nda'ei va'e mbigwai, esepia Cristo ɨvate katu va'e opakatu sui iyavei oyoya gwasu opakatu yande pɨ'a pɨpe yareko.