Romanos 3:9 - Tüpä Ñe'ëngagwer

⁹ ¿Marä e'i evokoiyase? ¿Yande judío yaiko va'e, nda'ei ete ɨvate katu yande rekokwer opakatu ambuae ava-ava tëi sui? ¡Ani nda'ei ete supi! Esepia opa yamboyekwa opakatu rovake, angaipa viyar yande judío yaiko va'e nda'ei va'e avei judío,

Tũpa Ñehengagüer

⁹ ¿Mara ehi ru evocoiyase? ¡Yande judío yaico vahe ndahei eté ɨvate catu yande recocuer opacatu ambuae ava-ava tẽi sui! Esepia, opa amboyecua Tũpa rovaque opacatu angaipa viyar yaico que judío, que ndahei vahe judío avei.

Romanos 3:9 Iomraidhean Croise

San Lucas 7:39

Fariseo vɨraso va'ekwer Jesús gwëtäve, osepiase ipɨ'a ñemoñeta tëi aipo e'i: “Supiete ko mbɨa Tüpä ñe'ë mombe'usar ite sekoise viña, oikwaño itera ko kuña opokose sese viña: esepia kuña angaipa viyar tëi.”

Romanos 1:18

Supiete ni'ä Tüpä omboyekwa itera oñemoɨrösa ɨva sui opakatu ava vɨroyasare'ɨ̇ upe, ndasekoporäi va'e upe avei, mba'e gwembiapoai sui ndoikwa uka potai va'e ko ñe'ësa supiete va'e ambuae ava upe yuvɨreko.

Romanos 11:32

Esepia Tüpä osaɨsuño ite opakatu ava mba'e sembiavɨ pɨpe, iyavei vɨreko poroaɨsusa opakatu upe narä.

Romanos 11:7

¿Marä e'i pi'ä evokoiyase? Ko Israel ɨgwar yuvɨrekoi va'e ndoyosɨi ete mba'e oipota va'e yuvɨreko, Tüpä rembiporavo rumo oipɨsɨ ite yuvɨreko. Ambuae ava rumo ipɨ'a ñemoñeta kokotɨ tëiete yuvɨreko,

Romanos 2:1

Oimese pe pa'ü pendar ko oyapo mba'e tëi; tokañi o'esave ambuae upe, a'ese a'e ae oyemokañɨ tëi uka, esepia a'e inungar tuprɨ avei.

Romanos 3:1

Evokoiyase, ¿mba'e vo ko avɨye judío yande reko agwä anise yande yembocircuncidasa pɨpe pi'ä avɨyera?

Romanos 3:19

Yande yaikwa ite opakatu aipo e'i va'e porokwaita pɨpe, ko aipo e'i porokwaita pɨpe yuvɨrekoi va'e upe, opakatu ava ɨvɨ rupindar tikiriri Tüpä ñemoɨrösa pɨsɨ agwä yuvɨreko oyapave;

Romanos 3:5

Yande rekorai pɨpe tëi yamboyekwase Tüpä reko tuprɨsa, ¿marä ya'era vo evokoiyase? ¿Tüpä nda'ei supi tuprɨ va'e ya'e yande nupase yande reko raisa sui? (Che rumo añe'ë inungar ava ko ɨvɨ pɨpendar tëi.)

Romanos 6:15

¿Evokoiyase marä e'ira pi'ä? ¿Yayemboangaipa vɨtera pi'ä ndayaikoise porokwaita rupi anise Tüpä porovasasa pɨpe yaikose? ¡Ani nda'ei ete supi!

Romanos 7:14

Yaikwa ni'ä porokwaita Tüpä suindar, che rumo ava tëi imondoprɨ aiko angaipa mboyeroya agwä.

1 Corintios 10:19

Che rumo mba'e ra'anga avɨye va'e ite nda'ei, iyavei mba'e ro'o ikwave'ëprɨ mba'e ra'anga upe, avɨye katu ite nda'ei avei.

1 Corintios 14:15

¿Mba'e vo evokoiyase che ayapora? Supiete ayerurera pɨ'a ñemoñetasa avɨye va'e pɨpe, arakwasa pɨpe avei. Asapukaira pɨ'a ñemoñetasa avɨye va'e pɨpe, arakwasa pɨpe avei.

1 Corintios 4:7

Esepia ¿Uma vo ombou ndeu ndereko mboɨvateai agwä ambuae ava sui? ¿Mba'e vo ipane ndeu ndereipɨsɨi va'e Tüpä sui? Esepia a'e omondo opakatu mba'e ndeu, ¿ma'erä evokoiyase ereyeeko mboɨvateai eiko, ndoyavɨi ndeye sui tëi ereyapo va'e mba'e?

Gálatas 3:10

Akoi seko katuprɨ pota va'e Moisés porokwaita pɨpe tëi yuvɨrekoi va'e, a'e Tüpä ñemoɨrösavrɨve tëi yuvɨrekoira, esepia Ikwachiaprɨ pɨpe aipo e'i: “Opakatu ava nomboavɨyei va'e Tüpä porokwaita ikwachiaprɨ pɨpendar, a'e iñemoɨrösavrɨve tëi yuvɨrekoira.”

Gálatas 3:22

Ikwachiaprɨ araka'endar pɨpe rumo aipo e'i, opakatu ava inungar mbigwai tëi oangaipa pɨpe yuvɨrekoi, akoi vɨroya va'e Jesucristo oipɨsɨra Tüpä remimombe'ugwer yuvɨreko kuri.

Filipenses 1:18

¿Marä etemo che areko aipo mba'e-mba'e tëi viña? Yepe amove ava ipɨ'a ñemoñetarai va'e yuvɨreko, opakatu rumo ñe'ësa Cristo rese; a'e ni'ä che mbovɨ'arete ñoite. Iyavei ayembovɨ'a katu ite ipɨpe,