Romanos 3:4 - Tüpä Ñe'ëngagwer

⁴ ¡Ani nda'ei ete supi! Esepia, Tüpä omboyekwa ite mba'e supi tuprɨ va'e gwembiapo, yepe opakatu ava semirä ñeteai va'e yuvɨreko; esepia Ikwachiaprɨ araka'endar pɨpe aipo e'i: “Supi tuprɨ va'e Tüpä e'ira nde ñe'ë rese yuvɨreko, iyavei ereikese ava porandusave eresë tuprɨñora ichui.”

Tũpa Ñehengagüer

⁴ ¡Aní eté! Tũpa rumo supi tuprɨ vahe ité secoi, yepe que ava opacatu semirañete ai tẽi yuvɨreco. Esepia, icuachiaprɨ aracahendar pɨpe aipo ehi: “ ‘Supi tuprɨ vahe Tũpa’ ehira nde ñehe rese yuvɨreco. Sese ereiquese ava porandusave, eresẽ tuprɨñora eso ichui” ehi.

Romanos 3:4 Iomraidhean Croise

San Mateo 11:19

Ipare koiye katu rumo ou ava ɨvate katu va'e Ra'ɨrɨ, okaru iyavei oɨ'u avei, ipare aipo peye, ko ikaru gwasuai va'e sekoi iɨ'u gwasuai va'e avei, ava angaipa viyar mborɨpar tëi gwarepochi rerokwasar mborɨpar tëi peye avei cheu. Tüpä mba'ekwasa rumo, a'e ikwasara sembiapokwer rese.”

San Lucas 20:16

Osora oyukapa tuprɨra evokoi oporavɨkɨ va'e, omondora ɨvɨ ambuae eta upe.” Ko renduse, aipo e'i yuvɨreko: –¡Aipo nungar egwë nde'i chietera!

San Juan 3:33

Akoi ava vɨroya va'e rumo iñe'ë, oikwa ite Tüpä omombe'use mba'e supi tuprɨ va'e;

Romanos 11:1

Kurïtëi che aporandu: ¿Oyerova pi'ä Tüpä gwekwa sui? ¡Ani nda'ei ete supi! Esepia che avei ni'ä aiko Israel pendar, Abraham ni'ä che ramoi ete Benjamín suindar avei aiko.

Romanos 11:11

Kurïtëi che aporandu irira peü: ¿Supiete pi'ä judío eta, oyavɨse mba'e yuvɨreko, opa tëi oñemokañɨ yuvɨreko? ¡Ani nda'ei ete supi! A'e rumo egwë e'i ava nda'ei va'e judío pɨsɨrösa pɨsɨ agwä yuvɨreko, ipɨpe sui oyemongere'ɨ̇ katura Israel ɨgwar ipɨsɨ agwä yuvɨreko kuri.

Romanos 3:31

Evokoiyase, ¿Jesús reroyasa pɨpe pi'ä yaseko reroyɨ porokwaita yaiko? ¡Ani nda'ei ete supi! Ipɨpe yamboyekwa ite porokwaita rekokwer sereko.

Romanos 6:15

¿Evokoiyase marä e'ira pi'ä? ¿Yayemboangaipa vɨtera pi'ä ndayaikoise porokwaita rupi anise Tüpä porovasasa pɨpe yaikose? ¡Ani nda'ei ete supi!

Romanos 6:2

¡Ani nda'ei ete supi! Esepia yande ni'ä senoseprɨ angaipa pɨpe sui; ¿marä vo, evokoiyase yaiko vɨtera angaipa pɨpe viña?

Romanos 7:13

Evokoiyase, ¿ko porokwaita avɨye va'e pi'ä che rereko manosa tëi? ¡Ani nda'ei ete supi! Angaipa tëi rumo egwë e'i che rereko, evokoiyase ko porokwaita kwasa sui oipota katu uka mba'e tëi apo agwä cheu. Ipɨpe aikwa angaipa oime va'e che rese, egwë e'i avei a'e porokwaita omboyekwa tuprɨ ite angaipa mba'e tëi va'e yandeu.

Romanos 7:7

¿Ko sui pi'ä porokwaita angaipa tëi ya'era? ¡Ani ete nda'ei ete supi! Ko rumo ndaikwai chietera che angaipa porokwaita ndipoise viña. Supiete che ndaikwaise, “Ndapeipotarai chira ambuae ava mba'e.” e'i va'e mborokwaita pɨpe, a'ese ndaikwai chira che mba'e pota raisa viña.

Romanos 9:14

¿Evokoiyase ndasekoporäi ya'era pi'ä Tüpä upe? ¡Ani nda'ei ete supi!

1 Corintios 6:15

¿Ndapeikwai vo pe retekwer Cristo retekwer rese sekoise? ¿Ndiyai ete evokoiyase Cristo upendar yande rete mondo agwä kuña gwetekwer omondo-mondo tëi va'e upe? ¡Ani nda'ei ete supi!

2 Corintios 1:18

Tüpä rumo oikwa ore nda'ei, “avɨye” ore'e voisa peü, a'e pɨpeve avei, “ani” ore'esa.

Gálatas 2:17

Yasekase yande reko katuprɨ agwä Cristo rese yande yeroyasa pɨpe, yaikwa avei angaipa viyar yande rekose, ¿Cristo pi'ä evokoiyase yande mboangaipa? ¡Ani nda'ei ete supi!

Gálatas 2:21

Che naroɨrö potai Tüpä porovasasa; esepia oimese mba'e avɨye va'e porokwaita reroyasa pɨpe, a'ese Cristo omano tuprɨ tëietera viña.

Gálatas 6:14

Che rumo ndayemboɨvate potai ete, yande Yar Jesucristo mano agwer kurusu reseaño ite ayembovɨ'a. Cristo mano agwer sui ko ɨvɨ pɨpendar opa ite omano yuvɨreko cheu, che evokoiyase inungar omano va'e aiko ko ɨvɨ pɨpendar upe.

1 Timoteo 3:16

Supiete tuvicha eteprɨ Tüpä reko oyekwa ramo va'e reroya tuprɨsa: Cristo oyemopore'ɨ̇ yande reko nungar pɨpe yandeu, ipare Espíritu pɨpe imboyekwasa sekokwer supi tuprɨ va'e, sekoi mbigwai ɨva pendar rembiepiave. Ichui imombe'usa opakatu ɨvɨ rupi, opakatu ɨvɨ rupi avei seroyasa iyavei ipɨsɨprɨ sekoi ɨvave narä.

Tito 1:2

esepia ndopai va'e tekovesa apɨre'ɨ̇. Tüpä ndoporombopai va'e, omombe'u ko tekovesa ndopai va'erä,

Hebreos 6:18

Egwë e'i oime ñuvɨrïo mba'e imboyepoepɨpɨre'ɨ̇: Tüpä ni'ä ndoporombopai va'e ite, ipɨpe avei yande mongere'ɨ̇ katu yande yaseka va'e Tüpä poropɨtɨ̇vɨïsa, iyavei yayeroya va'e ñearösa yandeu ombou va'e rese.

1 San Juan 5:10

Akoi vɨroya va'e Tüpä Ra'ɨrɨ vɨreko ite semimombe'u opɨ'a pɨpe, akoi ndovɨroyai va'e rumo Tüpä, semiräñeteai va'e nungar tëi vɨreko, esepia ndovɨroyai Tüpä ñe'ë Ta'ɨrɨ resendar.

1 San Juan 5:20

Yaikwa avei ni'ä Tüpä Ra'ɨrɨ ouse ko ɨvɨ pɨpe, ombou arakwasa yandeu yaikwa va'erä Tüpä supiete va'e. Yaiko avei Ta'ɨrɨ Jesucristo rese, a'e avei Tüpä supiete va'e iyavei tekovesa apɨre'ɨ̇ va'e.

Apocalipsis 3:7

“Eikwachia avei mbigwai ɨva pendar che reroyasar rärösar Filadelfia pendar upe: ‘Ko seko maräne'ɨ̇ va'e, supi tuprɨ va'e ite, vɨreko va'e mborerekwasa araka'endar mborerekwar gwasu David nungar, akoi omboise okenda, ñepëi yepe ava nomboyai chietera; iyavei akoi omboyase, ñepëi yepe ava nomboi chiaveira: