Romanos 3:2 - Tüpä Ñe'ëngagwer

² Seta yupagwer oime mba'e tuvicha va'e. Esepia yɨpɨndar, Tüpä omondo oñe'ë judío eta upe imboavɨye agwä.

Tũpa Ñehengagüer

² Supi eté. Esepia, yɨpɨndar Tũpa omondo oñehe judío eta upe imboavɨye ãgua.

Romanos 3:2 Iomraidhean Croise

San Juan 5:39

Peyembo'e tuprɨ ite Ikwachiaprɨ rese, ipɨpe sui revo tekovesa apɨre'ɨ̇ yarekora peye viña; ko rumo Ikwachiaprɨ che mombe'u va'e,

Los Hechos 7:38

A'e avei akoi ɨvɨ iporupɨre'ɨ̇sa rupi ava pa'ü rupi sekoi, chupe avei oñe'ë mbigwai ɨva pendar ɨvɨtrɨ Sinaí ve yande ramoi rese; a'e avei oipɨsɨ ñe'ësa tekovesa resendar yandeu imbou agwä.”

Romanos 1:2

Tüpä ni'ä yɨpɨsuive omombe'u uka ko ñe'ësa ava oñe'ë mombe'usar upe Ikwachiaprɨ maräne'ɨ̇ pɨpe araka'e.

Romanos 2:18

Peikwa semimbotar, a'e porokwaita pe mbo'e avei mba'e avɨye katu va'e poravo agwä.

Romanos 3:1

Evokoiyase, ¿mba'e vo ko avɨye judío yande reko agwä anise yande yembocircuncidasa pɨpe pi'ä avɨyera?

Romanos 3:3

¿Mba'e evokoiyase avɨyera? ¿Tüpä pi'ä opoira gweko tuprɨsa sui, ambuae ava ndaseko tuprɨi va'e rekokwer sui tëi tie?

Romanos 9:4

A'e Israel suindar yuvɨrekoi, iyavei Tüpä oiporavo va'e gwa'ɨrɨ nungar sereko. Tüpä sekoi ipa'üve gwendɨgwer porañetesa pɨpe, omondo avei oñe'ë teko tuprɨsa resendar chupe, iyavei Moisés porokwaita, yeruresa iyavei mba'e seropove'ëpɨ̇ra chupe.

1 Corintios 9:17

Tüpä ndache kwaise oñe'ë mombe'u agwä viña, che rumo che kere'ɨ̇sa pɨpe amombe'use; a'ese aipɨsɨra ichuindar porerekosa, egwë nda'ei rumo, esepia che amboavɨye ite Tüpä porokwaita vichiko.

2 Corintios 5:19

Aipo oyapave aipo e'i, Tüpä ombou Gwa'ɨrɨ Cristo ko ɨvɨ pɨpe ava rekokwer moigätu agwä toyevɨ cheu oya; ipɨpe sui avei a'e ava angaipagwer omokañɨ yuvɨreko ichui, ore evokoiyase orekwai a'e ñe'ësa ava rekokwer moigätusa resendar mombe'u agwä ava upe.

Gálatas 2:7

A'e rumo oikwa yuvɨreko Tüpä che kwai oñe'ëngagwer poropɨsɨrösa resendar mombe'u agwä nda'ei va'e ava judío yuvɨrekoi va'e upe, inungar omondo Pedro oñe'ëngagwer poropɨsɨrösa resendar mombe'u agwä judío upe.

1 Timoteo 6:20

Timoteo, esärö tuprɨ ko porombo'esa supi tuprɨ va'e. Ereyapɨsakai rene ava tëi pɨ'a ñemoñetasa egwë e'i tëi va'e rese, porombo'esa kokotɨ tëi va'e rese avei; esepia amove ava aipo e'i ko porombo'esa rese, ko ite yande mboarakwara e'i tuprɨ tëi va'e yuvɨreko chupe.

Hebreos 5:12

Araka'e suive peporombo'era viña; peipota vɨte rumo peü mba'e ndayavaimi va'e imombe'u iri agwä yembo'esa Tüpä suindar. Ndapeyemovɨräkwäi rumo, peɨ'u iri pota kambɨ mba'e säta va'e u rägwer sui.

1 San Pedro 4:11

Akoi ava oñe'ë tuprɨai va'e, a'e tomombe'u Tüpä ñe'ë ite. Akoi peporopɨtɨ̇vɨï potase, peyapoño Tüpä ombou va'e pirätäsa pɨpe peü. Opakatu mba'e peyapo va'e, peyapo katu Jesucristo rer pɨpe Tüpä mboetei agwä, esepia chupendar ite imboeteisa iyavei imborerekwasa apɨre'ɨ̇ va'erä ite. Amén.

Apocalipsis 19:10

Ipare añenopɨ'ä mbigwai ɨva pendar rovai imboetei agwä, a'e rumo aipo e'iño cheu: “Egwë erei rene, esepia che mbigwai ɨva pendar Tüpä suindar aiko, nde nungar iyavei nde rɨvrɨ eta nungar ogwata va'e Jesús ñe'ëngagwer rupi. Emboetei katu Tüpä eiko.” Esepia ni'ä evokoi Jesús ñe'ëngagwer omogere'ɨ̇ katu ite Tüpä ñe'ë mombe'usar sereko.

Apocalipsis 22:6

Ipare mbigwai ɨva pendar aipo e'i cheu: “Ko ñe'ësa supi tuprɨ va'e ite, sese iya ite peyeroya, iyavei yande Yar Tüpä akoi omboyekwa tuprɨ va'e mba'e oyesuindar oñe'ë mombe'usar upe, a'e ombou gwembigwai ɨva pendar mba'e omboavɨye poyava voi va'erä mboyekwa agwä vɨroyasareta upe.”