Romanos 2:9 - Tüpä Ñe'ëngagwer

⁹ Judío opakatu mba'e-mba'e tëi aposar ranegätu oiporarara mba'e rasɨkwer yuvɨreko, iparera nda'ei va'e avei judío.

Tũpa Ñehengagüer

⁹ Judío opacatu mbahe-mbahe tẽi aposar ranengatu oiporarara mbahe rasɨcuer yuvɨreco, iparera ndahei vahe avei judío.

Romanos 2:9 Iomraidhean Croise

San Mateo 16:26

¿Ma'erä anga'u vo ava upe avɨyeai oipɨsɨ va'erä opakatu mba'e ko ɨvɨ pɨpendar, a'e rumo omokañɨ tëira gwekokwer yuvɨreko? ¿Mbovɨ pi'ä omondora ava gwekokwer repɨrä?

San Lucas 24:47

iyavei serer pɨpe opakatu ɨvɨ yakatu rupi imombe'usara ava yevɨ agwä Tüpä upe, iñeröi agwä avei peangaipagwer rese peü. Omboɨpɨra rumo Jerusalén sui tuprɨ,

Los Hechos 11:18

Osenduse rumo ñe'ësa Jesús reroyasar Jerusalén pendar yuvɨreko, noñe'ëi tuprɨ iyavei omboetei Tüpä, aipo e'i yuvɨreko: –¡Evokoiyase ko Tüpä omondo avei nda'ei va'e judío upe sekokwer rekuñarö agwä, iyavei tekovesa apɨre'ɨ̇ vɨreko va'erä yuvɨreko!

Los Hechos 13:26

“Che mu eta pe Abraham suindar iyavei nda'ei va'e Abraham suindar Tüpä mboeteisar: opakatu yandeu narä ombou ko ñe'ësa pɨsɨrösa resendar.

Los Hechos 20:21

Amombe'u ñe'ësa judío eta upe, ava nda'ei va'e judío upe avei aipo a'e peyevɨ Tüpä upe, iyavei peroya yande Yar Jesús.

Los Hechos 26:20

sese yɨpɨndar amombe'u ñe'ësa avɨye va'e Damasco pendar upe, ipare Jerusalén pendar upe avei opakatu ɨvɨ Judea rupi, koiye katu ava nda'ei va'e judío upe avei, oyevɨ va'erä Tüpä upe yuvɨreko, iyavei oyapo tuprɨ va'erä mba'e oñekuñarösa pɨpe yuvɨreko.

Los Hechos 28:17

Mbosapɨ arɨ pare Pablo omonu'ä opakatu judío rerekwar Roma pendar. Oñemonu'äpase, aipo e'i: –Che mu eta, ndayapoi mba'e tëi judío Jerusalén pendar upe, naroɨröi avei yande ramoi rekokwer viña. Che rokendasa rumo iyavei imondoprɨ aiko Roma pendar sundao rerekwar povrɨve,

Los Hechos 28:28

Sese tapeikwa, ko pɨpe suive Tüpä omboyekwa ukara poropɨsɨrösa ava nda'ei va'e judío upe, a'e ni'ä oyapɨsakara imombe'usa rese yuvɨreko.

Los Hechos 3:26

Akoi Tüpä Gwa'ɨrɨ ombogwerayevɨse, peü rane ombou, pe rovasa agwä, toseyapa ñepëi-pëi gwekokwerai yuvɨreko oyapave.”

Romanos 1:16

Che nachi ete ko ñe'ësa pɨsɨrösa resendar avɨye va'e sui, esepia a'e Tüpä pirätäsa opakatu seroyasar pɨsɨrö agwä, judío rane yɨpɨndar, ipare opakatu ambuae ava-ava tëi avei.

Romanos 10:12

Judío rekokwer oyoya tuprɨ ava nda'ei va'e judío rekokwer rese; esepia yande Yar opakatu Yar sekoi ɨvɨ pɨpendar upe, iyavei omondo mba'e tuvicha va'e opakatu gwenoisar upe.

Romanos 2:10

Tüpä rumo, opakatu seko katuprɨ va'e upe omondora imboetei agwä, toipɨsɨ teko orɨ iyavei toyuvɨrekoi mba'e tuprɨsa pɨpe oyapave, yɨpɨndar rumo judío eta upe rane omondora, iparera nda'ei va'e judío upe.

Romanos 8:35

¿Uma pi'ä oikatura yande mboyepepɨ Cristo yande raɨsusa sui? ¿Ke yande paraɨsusa, mba'e yavai va'e yandeu, yande momarä-marä tëisa, tɨepore'ɨ̇, anise yande turukwarä ndipoise, mba'e tëise yandeu, yande yuka potase tie yuvɨreko?

Romanos 9:24

Yande avei yande renoi oyeupe, judío anise nda'ei va'e judío yande rekose.”

Gálatas 3:28

Iyavei ndipoi ete yemboya'osa Jesucristo rese yaikose, yepera judío viña, nda'ei va'e judío, anise mbigwai, nda'ei va'e mbigwai, kuimba'e anise kuña; esepia opakatu ñepëi va'e nungar ite peiko Cristo rese.

Colosenses 3:11

Nda'ei mba'e avɨye va'e peikose griego, anise judío, iyavei imbocircuncidaprɨ anise nimbocircuncidaiprɨi, iyavei yaikose ambuae tekwa pendar, iyavei ava ndovɨrekoi va'e arakwasa oyese, ava rembigwai tëi sekoi va'e, anise nda'ei va'e mbigwai, esepia Cristo ɨvate katu va'e opakatu sui iyavei oyoya gwasu opakatu yande pɨ'a pɨpe yareko.

2 Tesalonicenses 1:6

Tüpä omombaraɨsura akoi pe mombaraɨsusarer, iya ite egwë e'i va'erä chupe,

1 San Pedro 4:17

Supiete kurïtëi oyepota arɨ Tüpä oporandu agwä opakatu ava gwekwa pendar rekokwer rese. Iyavei yandeu rane omboɨpɨse porandusa, ¿marä e'ira pi'ä evokoiyase Tüpä ñe'ëngagwer reroyasare'ɨ̇ yuvɨreko kuri?