Romanos 2:3 - Tüpä Ñe'ëngagwer

³ Pe opase ava rekokwer pesenoi, pe avei rumo egwë peye tuprɨ peiko. Pe avei ete evokoiyase ndapeñemi chietera Tüpä ñemoɨrösa sui.

Tũpa Ñehengagüer

³ Pe opase ava recocuer pesenoi, pe avei rumo ẽgüe peye tuprɨ peico. Pe avei eté evocoiyase ndapeñemi chietera Tũpa ñemoɨrosa sui.

Romanos 2:3 Iomraidhean Croise

San Mateo 23:33

“¡Pe mboi nungar tëi peiko! ¿Ndapesoyepei chira rumo Tüpä ñemoɨrösa tata gwasu sui?

San Mateo 26:53

¿Ndereikwai vo che aporanduse che Ru upe che pɨtɨ̇vɨï agwä rese viña, a'e kurïtëi omboura doce mil sui seta katu va'e gwembigwai che repɨ agwä viña?

San Lucas 12:14

Jesús omboyevɨ chupe: –Che mborɨpar, ¿ava vo che mondo pepa'üve che mborerekwasa ɨvate katu va'e pe mba'e mboya'o-ya'o agwä rese peü?

San Lucas 22:58

Iparemi tëi koiye katu ambuae osepiase aipo e'i chupe no: –Nde avei akoi ereiko supindar. Pedro omboyevɨ chupe: –Ani mbɨa, nda'ei ete che supindar aiko.

San Lucas 22:60

Pedro aipo e'i: –Mbɨa, ndaikwai mba'e rese vo katu aipo peñe'ë. Pedro ñe'ë vɨte seve, ñepëi takura oñe'ë.

Romanos 1:32

Oikwa tëi yuvɨreko Tüpä omondose porokwaita evokoi nungar aposar mokañɨ agwä; ipare rumo, oyapo vɨteño ite mba'e tëi, iyavei ambuae ava oyapose mba'e tëi ovɨ'areteño sepiase yuvɨreko.

Romanos 2:1

Oimese pe pa'ü pendar ko oyapo mba'e tëi; tokañi o'esave ambuae upe, a'ese a'e ae oyemokañɨ tëi uka, esepia a'e inungar tuprɨ avei.

Romanos 2:2

Yaikwa rumo Tüpä omokañɨse evokoi nungar mba'e tëi aposar rekokwer, a'e evokoiyase oyapo mba'e supi tuprɨ va'e.

Romanos 9:20

Iyavei nde mbɨa, ¿uma nde ereiko ereporandu va'erä mba'e rese Tüpä upe? ¿Oporandura pi'ä ñaɨ'u apoprɨ mba'emoinda oaposar upe: “Ma'erä vo na'ere che apo eve?

1 Tesalonicenses 5:3

Akoi ava aipo e'ise yuvɨreko: “Opakatu avɨye ite yaiko, iyavei ndipo iri mba'e-mba'e tëi yandeu”, a'ese inungar akoi kuña imembɨrasɨ avɨyeteramo tëi, egwë e'i aveira avɨyeteramo tëi ikañɨ oura i'arɨve, a'ese ndoikatui chira oñemi yuvɨreko.

Hebreos 12:25

Sese peikwa katu, ndorovɨroyai peye va'erä akoi peü oñe'ë va'e upe. Esepia Tüpä reroya e'ɨ̇sar noñemi ete iñemoɨrösa sui yuvɨreko ko ɨvɨ pɨpe. Egwë ya'e aveira yande, ndayaroyaise ɨva sui oñe'ëse yandeu.

Hebreos 2:3

¿Marä ya'era pi'ä evokoiyase yande yañemi Tüpä ñemoɨrösa sui viña akoi ndayandema'emo'ä tuprɨise ko yande pɨsɨrösa avɨye va'e rese? Esepia yande Yar a'e rane ite omombe'u yɨpɨndar ko ñe'ësa ñepɨsɨrösa resendar, ipare ramo oikwa yande pa'ü pendar sendusar yuvɨreko.