Romanos 10:2 - Tüpä Ñe'ëngagwer

² Supiete ikere'ɨ̇ Tüpä upe mboravɨkɨ apo agwä yuvɨreko viña; okere'ɨ̇sa sui rumo oyavɨ sendukwa e'ɨ̇sa pɨpe yuvɨreko.

Tũpa Ñehengagüer

² Supi eté iquerẽhɨ ité Tũpa upe mboravɨquɨ apo ãgua yuvɨreco viña. Oquerẽhɨsa sui rumo oyavɨ senducuaẽhɨsa pɨpe yuvɨreco.

Romanos 10:2 Iomraidhean Croise

Los Hechos 21:20

Osenduse, omboetei gwasu Tüpä yuvɨreko. Aipo e'i Pablo upe yuvɨreko: –Che mu, nde ereikwa ite, seta iteanga judío vɨroya va'e yuvɨreko, iyavei opakatu evokoi ava ikere'ɨ̇ va'e Moisés porokwaita araka'endar mboavɨye agwä yuvɨreko.

Filipenses 3:6

ipɨpe sui tëiete aseka-seka katu ayapo va'erä mba'e opakatu ava Jesucristo reroyasar upe vichiko; ko porokwaita reroyasa rese rumo, ndipoi ete ava marä e'i va'e yuvɨreko cheu.

Filipenses 1:9

Che aporandu vɨte Tüpä upe che yeruresa pɨpe, toikwa tuprɨ oarakwasa pɨpe oyeaɨsu katu-katu iri agwä yuvɨreko a'e peü,

Romanos 10:3

Esepia ndoikwa potai yuvɨreko marä e'i Tüpä ava reko mo'ɨ̇vi, iyavei oyesui tëi oyeeko mo'ɨ̇vi pota yuvɨreko viña; ipɨpe sui nomboyeroyai ete Tüpä remimbotar gweko mbokatuprɨ agwä yuvɨreko.

Gálatas 1:14

Egwë a'e che ayemboɨvateai katu che mboetasa eta sui judío yembo'esa pɨpe, ayapo ite opakatu che rekokwer pɨpe yɨpɨndar che ramoi eta yembo'e agwer rupi ete vichiko.

2 Corintios 4:4

Esepia a'e ndovɨroyai ete yuvɨreko, karugwar rerekwar ko ɨvɨ pɨpendar opa oyarakwa mokañɨ, ndosepiai va'erä tesapesa porañete va'e Cristo resendar yuvɨreko, esepia a'e Tüpä rekokwer mboyekwasar sekoi.

2 Corintios 4:6

Esepia Tüpä teite ombou tesapesa pɨ̇tümimbi va'e resape agwä, a'e avei osesape uka yande pɨ'a pɨpe, ichui yaikatura ambuae ava resape, iyavei yamboyekwara Tüpä porañetesa osesape va'erä Jesucristo rekokwer rese yaiko.

Los Hechos 22:3

“Che judío aiko. A'a Tarso ve Cilicia ɨvɨ pɨpe, ko'ave rumo akwakwa Jerusalén pɨpe iyavei Gamaliel che mbo'e oyerokɨsave, a'eve ayembo'e tuprɨ yande ramoi porokwaita rese. A'e che mbo'esa pɨpe avei ayembo'e Tüpä mboetei agwä rese vichiko, inungar peiko kurïtëi.

2 Corintios 8:3

Che ni'ä asepia ite omondose oporerekosa okatugwer rupi yuvɨreko, ipare omondo iri ete oporerekosa gwemimbotar rupi yuvɨreko

Los Hechos 21:28

a'ese säse yuvɨreko: “¡Israel pendar, ore pɨtɨ̇vɨï peye! Ko mbɨa opakatu rupi ombo'e ava oiko tekwa reroɨrösave, oñe'ë tëi Moisés porokwaita rese, yande tüpäro rese avei. Vɨroike avei ava griego tüpäro pɨpe, omongɨ'a tëi yande tüpäro maräne'ɨ̇ yuvɨreko.”

Gálatas 4:15

¿Marä peye pevɨ'aretesa rereko kurïtëi? Ndacheremiräi chietera aipo peü, esepia supiete penosera revo pembou va'erä peresa cheu viña.

Colosenses 4:13

Che aikwa ite Epafras rekokwer, a'e oyemboakɨ oyeruresa pɨpe pe rekokwer rese, Laodicea pendar rekokwer rese, Hierápolis pendar rekokwer rese avei.

Los Hechos 22:22

Aipo rupi osendu iñe'ë yuvɨreko; a'ese omboɨpɨ gwasë yuvɨreko chupe: “¡Evokoi mbɨa ndiyai oikove vɨte va'erä! ¡Tomano ko ɨvɨ pɨpe sui!”

San Juan 16:2

A'ese pe mombora oɨ judío ñemonu'äsa sui yuvɨreko, iyavei osupitɨse arɨ peyuka agwä yuvɨreko a'e rumo Tüpä upe narä ite egwë yae yaiko e'i yuvɨreko viña.

Romanos 10:1

Che rɨvrɨ eta, che aipota che pɨ'a pɨpe ite iyavei ayerure Tüpä upe Israel ɨgwar rese iñepɨsɨrö agwä yuvɨreko.