Romanos 1:3 - Tüpä Ñe'ëngagwer

³ A'e ñe'ësa Tüpä Ra'ɨrɨ Jesucristo resendar, a'e ava gwekosa pɨpe ite oyesu ou mborerekwar gwasu David suindar;

Tũpa Ñehengagüer

³ Ahe ñehesa Tũpa Rahɨr Jesucristo resendar. Ahe ava güecosa pɨpe ité oyesu ou mborerecuar guasu David suindar sui;

Romanos 1:3 Iomraidhean Croise

San Mateo 1:1

Ko yɨpɨndar Jesucristo renondeve yuvɨrekoi va'e araka'e Abraham suindar, mborerekwar David suindar avei:

San Mateo 1:16

Jacob ra'ɨrɨ José, María mer, María evokoiyase Jesús sɨ sekoi, a'e Poropɨsɨrösar ya'e va'e chupe.

San Mateo 1:6

Jesé ra'ɨrɨ mborerekwar gwasu David. Mborerekwar Gwasu David ra'ɨrɨ evokoiyase Salomón, Urías rembirekokwer pɨpe oyesu va'e.

San Mateo 12:23

Opakatu ava oyepɨ'a mondɨisave aipo e'i tëi yuvɨreko: “¿Ko revo aipo David Ra'ɨrɨ sekoi?”

San Mateo 15:22

Iyavei ñepëi kuña cananea, a'e ɨvɨ rese sekoi va'e oyemboya oso sese, säse puku-puku aipo e'i: –¡Che Yar David suindar, che paraɨsuerekomi tëi eve! ¡Che membrɨ vɨreko karugwar oyese a'e omombaraɨsu iteanga sereko!

San Mateo 26:63

Jesús rumo noñe'ëi ete o'ä. Pa'i eta rerekwar ɨvate katu va'e aipo e'i chupe: –Tüpä oikove va'e rer pɨpe emombe'u supiete va'e mba'e. Nde ite vo ereiko Poropɨsɨrösar, Tüpä Ra'ɨrɨ.

San Mateo 27:43

A'e oyeroya Tüpä rese: ¡Tüpä evokoiyase oipotase, toipɨsɨrö kurïtëi! ¿Esepia ni'ä che Tüpä Ra'ɨrɨ aiko e'i yandeu yepi?

San Mateo 3:17

A'ese oyeendu ñepëi ñe'ësa ɨva suindar aipo e'i va'e: “Ko che Ra'ɨrɨ che rembiaɨsu, a'e che rembiporavo sekoi.”

San Mateo 9:27

Osëse Jesús a'e ichui, ñuvɨrïo ndasesapɨsoi va'e osakɨkwei moña, säse yuvɨreko chupe: –¡Jesús David suindar, ore paraɨsuerekomi tëi eve!

San Lucas 1:35

Mbigwai ɨva pendar omboyevɨ chupe: –Espíritu Maräne'ɨ̇ ogweyɨra nde arɨve, Tüpä gweko pirätäsa pɨpe nde momembɨra. Sese a'e pitani o'a va'erä serer-ra Tüpä Ra'ɨrɨ ndaseko Maräi va'e.

San Lucas 1:69

Ombou ni'ä yandeu ñepëi seko ɨvate katu va'e Poropɨsɨrösar.

San Juan 1:14

A'e akoi Ñe'ësa oyeapo ava iyavei oikove yande pa'üve. Iyavei sepiasa ite seko porañetesa, a'e porañetesa oipɨsɨ va'e Vu sui Ta'ɨrɨ ñepëi va'e gweko pɨpe, iporoaɨsusa supi va'e ite.

San Juan 1:34

Che ni'ä asepia ite, aikwa avei Tüpä Ra'ɨrɨ sekoise.”

San Juan 1:49

Natanael aipo e'i chupe: –Porombo'esar, ¡nde ni'ä Tüpä Ra'ɨrɨ ereiko, nde avei ereiko Mborerekwar ɨvate katu va'e Israel pendar!

San Juan 10:30

Che Ru iyavei che oroiko ñepëiño ite.

San Juan 10:36

Iyavei Tüpä ni'ä che reropove'ë che mbou ko ɨvɨ pɨpe, ¿ma'erä vo evokoiyase nde ereñe'ë rai tëi peye cheu esepia ni'ä Tüpä Ra'ɨrɨ aiko a'ese tëi?

San Juan 20:28

Tomás evokoiyase aipo e'i chupe: –¡Nde ereiko che Yar che Tüpä avei!

San Juan 20:31

Ko ikwachiasa peroya va'erä Jesús sekoise Poropɨsɨrösar, Tüpä Ra'ɨrɨ iyavei seroyar vɨrekora tekovesa apɨre'ɨ̇ yuvɨreko sese.

San Juan 5:25

Supiete aikwa uka peü oura arɨ imombe'uprɨ, iyavei kurïtëiete ko arɨ oyepota, omano va'ekwer osendura Tüpä Ra'ɨrɨ ñe'ë yuvɨreko; iyavei osendu va'e yuvɨrekove ñoitera.

San Juan 7:42

Ikwachiaprɨ pɨpe aipo e'i Poropɨsɨrösar oura mborerekwar ɨvate katu va'e David sui, iyavei a'e osëra Belén sui, a'e David rekwa avei araka'e.

Los Hechos 2:30

David rumo Tüpä ñe'ë mombe'usar, oikwa avei Tüpä omombe'use chupe ombou va'erä mborerekwar ɨvate katu va'e ichuindar.

Los Hechos 3:13

Tüpä, a'e akoi Abraham, Isaac iyavei Jacob vɨroya yuvɨreko araka'e opakatu yande ramoi eta aveino, a'e ni'ä omondo gweko pirätäsa tuvicha katu va'e Gwa'ɨrɨ Jesús upe, pe rumo akoi pemondoño mborerekwar povrɨve, akoi omose potase, pe evokoiyase ndapeipotaiño imose agwä chupe.

Los Hechos 8:36

Koiye katu, oyepotase ɨ oimesave yuvɨreko, a'ese gwarepochi rese ñangarekwar aipo e'i: –Esepia ko'ave oime ɨ; ¿Ndiyai vo che apirämomi tëi eve viña?

Los Hechos 9:20

Ipare Saulo omboɨpɨ imombe'u Jesús rekokwer oɨ judío ñemonu'äsave Tüpä Ra'ɨrɨ sekoise.

Romanos 1:9

Iyavei Tüpä oikwa pe rese arɨ rupi che yeruresa, chupe ite ni'ä mba'e ayapo opakatu che pɨ'a pɨpe, amombe'u Ta'ɨrɨ resendar ñe'ësa avɨye va'e vichiko,

Romanos 4:1

Evokoiyase, ¿Yande ramoi Abraham, mba'e pi'ä oipɨsɨ araka'e?

Romanos 9:3

supiete che aikopota mba'e naporäi va'e pɨpe, ayepepɨ pota avei Cristo sui, a'ese tie revo aipɨtɨ̇vɨïra che rɨvrɨ eta, opakatu che mu eta che rekwa pendar.

Romanos 9:5

A'e avei yuvɨrekoi yande ramoi araka'endar sui; ichui ou va'e, a'e Poropɨsɨrösar, a'e Tüpä sekoi opakatu mba'e ɨvɨ pendar yar, imboeteiprɨ katu tasekoi yepi. Amén.

1 Corintios 1:9

Tüpä omboavɨye va'e ite oñe'ëngagwer yepi, ipɨpe sui yande yaiko sembiporavo Ta'ɨrɨ yande Yar Jesucristo rupi yagwata va'erä.

1 Corintios 10:18

Peyapɨsaka akoi ava araka'endar Israel rekokwer rese: esepia akoi yuvɨro'u va'e Tüpä upendar mba'e seropove'ëprɨ, a'e evokoiyase chupendar ite yuvɨrekoi.

Gálatas 4:4

Oyepotase rumo arɨ imombe'uprɨ, a'ese Tüpä ombou Gwa'ɨrɨ, a'e o'a ñepëi kuña sui, evokoiyase imondosa Moisés porokwaita povrɨve,

1 Tesalonicenses 1:10

omombe'u avei pesärö va'e Tüpä Ra'ɨrɨ Jesús iyevɨ agwä ɨva sui yuvɨreko oreu, a'e akoi Tüpä ombogwerayevɨ va'e Jesús omano va'e pa'ü sui, a'e ni'ä yande pɨsɨröra ñemoɨrösa ipirätä va'e sui.

1 Timoteo 2:5

Esepia ñepëiño ite Tüpä, ñepëiño avei ava oikatu va'e yande reraso Tüpä upe; a'e Cristo Jesús sekoi.

1 Timoteo 3:16

Supiete tuvicha eteprɨ Tüpä reko oyekwa ramo va'e reroya tuprɨsa: Cristo oyemopore'ɨ̇ yande reko nungar pɨpe yandeu, ipare Espíritu pɨpe imboyekwasa sekokwer supi tuprɨ va'e, sekoi mbigwai ɨva pendar rembiepiave. Ichui imombe'usa opakatu ɨvɨ rupi, opakatu ɨvɨ rupi avei seroyasa iyavei ipɨsɨprɨ sekoi ɨvave narä.

2 Timoteo 2:8

Iyavei nde ma'endu'ara Jesucristo rese, a'e ni'ä okwerayevɨ va'e, iyavei araka'endar mborerekwar David suindar sekoi, ko ni'ä ñe'ësa ñepɨsɨrösa resendar amombe'u va'e vichiko.

1 San Juan 1:3

Oromombe'u ñe'ësa orosepia va'e orosendu va'e avei peü, ipɨpe sui peiko va'erä orerese, inungar ore oroiko yande Ru Tüpä rese, Ta'ɨrɨ Jesucristo rese avei.

1 San Juan 3:23

Ko iporokwaita pɨpe omombe'u yaroya va'erä Ta'ɨrɨ Jesucristo, iyavei yayeaɨsura ñepëi-pëi Tüpä yande kwaisa rupi.

1 San Juan 3:8

akoi oyapo va'e angaipa a'e karugwar suindar, esepia karugwar yɨpɨsuive ite oyapo angaipa. Sese ou Tüpä Ra'ɨrɨ: karugwar rembiapo mokañɨpa agwä.

1 San Juan 4:15

Akoi ava oikwa va'e Jesús Tüpä Ra'ɨrɨ sekoise, Tüpä rese ite sekoi, Tüpä evokoiyase sekoi sese.

1 San Juan 5:1

Opakatu vɨroya va'e Jesús Poropɨsɨrösar seko rese, a'e Tüpä ra'ɨrɨ ite yuvɨrekoi; iyavei osaɨsu va'e ava, osaɨsu avei ta'ɨrɨ yuvɨreko.

1 San Juan 5:20

Yaikwa avei ni'ä Tüpä Ra'ɨrɨ ouse ko ɨvɨ pɨpe, ombou arakwasa yandeu yaikwa va'erä Tüpä supiete va'e. Yaiko avei Ta'ɨrɨ Jesucristo rese, a'e avei Tüpä supiete va'e iyavei tekovesa apɨre'ɨ̇ va'e.

1 San Juan 5:5

Akoi oyeroya va'e Jesucristo Tüpä Ra'ɨrɨ sekosa rese, a'e oikatu ko ɨvɨ pɨpendar mba'e-mba'e tëi rekopɨ agwä yuvɨreko.

2 San Juan 1:7

Setavai ogwata ɨvɨ yakatu rupi oporombopa tëi va'e yuvɨreko, ndoikwai ete Jesucristo ouse ko ɨvɨ pɨpe ava supiete va'e nungar yuvɨreko. Akoi egwë e'i va'e, a'e oporombopa tëi va'e Jesucristo amotare'ɨ̇mbar yuvɨrekoi.

Apocalipsis 2:18

“Eikwachia avei mbigwai ɨva pendar che reroyasar rärösar Tiatira pendar upe: ‘Tüpä Ra'ɨrɨ akoi vɨreko va'e gwesa inungar tata rendɨgwer, ipɨ inungar akoi bronce rapɨprɨ aipo e'i imombe'u: