San Mateo 9:8 - Tüpä Ñe'ëngagwer

⁸ Osepiase rumo ava Jesús rembiapo, a'ese osɨkɨye tëi ipare omboetei Tüpä yuvɨreko esepia ni'ä omondo pirätäsa ava upe

Tũpa Ñehengagüer

⁸ “¡Too! ¿Mara ehi rutei vo?” ehi ava rehɨi yuvɨreco imboeteisave. “Esepia, ahe niha ombou opĩratasa ava upe” ehi yuvɨreco chupe.

San Mateo 9:8 Iomraidhean Croise

San Mateo 12:23

Opakatu ava oyepɨ'a mondɨisave aipo e'i tëi yuvɨreko: “¿Ko revo aipo David Ra'ɨrɨ sekoi?”

San Mateo 15:31

Ava re'ɨi oyepɨ'amondɨi sepiase yuvɨreko ava niñe'ëgätui va'e opa iñe'ëgätu, ipäri-päri va'e okwera tuprɨ, ndogwatai va'e ogwatapa avei ndasesapɨsoi va'e osareko. Ipare omboɨpɨ Israel Tüpä mboetei yuvɨreko.

San Mateo 28:18

Jesús oyemboya oso sese aipo e'i chupe: –Tüpä che mbou mborerekwar ɨvate katu va'e che reko agwä ɨvave, ɨvɨve narä aveino.

San Mateo 5:16

Pe egwë peye aveira, pemboyekwa ava eta upe pe rekokwer avɨye va'e, ipɨpe sui osepiara mba'e peyapo ikatuprɨ va'e, opakatu tomboetei yuvɨreko yande Ru Tüpä upe ɨva pendar sekoi va'e.”

San Mateo 9:7

Ndogwatai va'e opü'a ipare oso gwëtäve.

San Marcos 2:12

Imba'easɨ va'e aipo i'e ramoseve oñarapü'a, osupi vupagwer osë oso ichui, opakatu ava rembiepiave. Sese opakatu oyepɨ'amondɨi ipɨpe sui omboetei Tüpä aipo e'i yuvɨreko: –Yɨpɨsuive ndayasepiai va'e ite ko nungar mba'e e'i tëi yuvɨreko.

San Marcos 7:37

Evokoiyase ava oyembovɨ'a gwasusave, aipo e'i yuvɨreko: “Avɨye ite rumo mba'e sembiapo. ¡Esepia ndayapɨsai va'e omboapɨsa iñe'ë ɨpɨtɨ-pɨtɨ va'e avei omoñe'ëgätu tuprɨ!”

San Lucas 13:13

Evokoiyase omondo opo i'arɨve, a'eseve voi kuña oyemo'ɨ̇vi tuprɨ ipare omboɨpɨ Tüpä mboetei oiko.

San Lucas 17:15

Ñepëi ipa'ü pendar, okwera tuprɨse, oyevɨ chupe osapukai pirätä Tüpä upe imboeteisave,

San Lucas 17:18

¿Ko gweraño ite ambuae ɨvɨ pendar oyevɨ ou avɨye ndeu oya Tüpä upe?

San Lucas 18:43

A'e ramoseve ndasesapɨsoi va'e osareko tuprɨ ite, osoño Jesús rupi Tüpä mboeteisave. Opakatu ava osepia va'e omboetei Tüpä yuvɨreko.

San Lucas 2:20

Oyevɨse ovesa rärösar yuvɨraso, omboetei iyavei osapukai Tüpä upe yuvɨreko, esepia ni'ä opakatu mba'e osendu va'e, osepia va'ekwer yuvɨreko imombe'uprɨ rupi tuprɨ ite.

San Lucas 23:47

Evokoiyase Roma ɨgwar sundao rerekwar osepiase ko mba'e poromondɨisa, Tüpä mboeteisa pɨpe, aipo e'i: –Supiete ko mbɨa ndaseko maräi va'e.

San Lucas 7:16

Osepiase ko mba'e, opakatu tuprɨ ava oyembosɨkɨye ipare omboɨpɨ Tüpä mboetei aipo e'i yuvɨreko: –Ñepëi Tüpä ñe'ë mombe'usar gwasu oyemboyekwa yande pa'üve. Aipo e'i avei yuvɨreko: –Tüpä ni'ä ou gwekwa pɨtɨ̇vɨï agwä oiko.

San Juan 15:8

Ko rese oyemboyekwa ite che Ru mboeteisa, esepia peyapo ite mba'e avɨye va'e iyavei peikora che remimbo'e supi tuprɨ va'e yepi.

Los Hechos 11:18

Osenduse rumo ñe'ësa Jesús reroyasar Jerusalén pendar yuvɨreko, noñe'ëi tuprɨ iyavei omboetei Tüpä, aipo e'i yuvɨreko: –¡Evokoiyase ko Tüpä omondo avei nda'ei va'e judío upe sekokwer rekuñarö agwä, iyavei tekovesa apɨre'ɨ̇ vɨreko va'erä yuvɨreko!

Los Hechos 21:20

Osenduse, omboetei gwasu Tüpä yuvɨreko. Aipo e'i Pablo upe yuvɨreko: –Che mu, nde ereikwa ite, seta iteanga judío vɨroya va'e yuvɨreko, iyavei opakatu evokoi ava ikere'ɨ̇ va'e Moisés porokwaita araka'endar mboavɨye agwä yuvɨreko.

Los Hechos 4:21

Aipo i'ese mborerekwar ombosɨkɨye katu tëi yuvɨreko. Ichui rumo omose tuprɨño esepia ava omboetei gwasu Tüpä yuvɨreko ko imba'easɨ va'e mbogwera repiase, sese ndoikatui ete mba'e apo yuvɨreko chupe.

2 Corintios 9:13

A'e evokoiyase omboeteira Tüpä yuvɨreko, esepia ko pe poropɨtɨ̇vɨïsa pɨpe pemboyekwa itera pe Cristo ñe'ë reroyasa peiko, a'e avei omboeteira Tüpä yuvɨreko. Esepia pemondoño itera mba'e pe porerekosa chupe, iyavei opakatu ambuae ava upe.

Gálatas 1:24

Iyavei omboetei Tüpä che rer pɨpe yuvɨreko.

1 San Pedro 2:12

Pereko tuprɨ pe rekokwer avɨye va'e ava Tüpä ndoikwa vɨtei va'e rovake. Yepe ava remieroɨrö peiko inungar-ra mba'e tëi aposar viña, osepiase rumo pe rembiapo katuprɨ, omboeteira Tüpä yuvɨreko a'e arɨ pɨpe akoi yande Yar oporanduse opakatu ava rekokwer rese kuri.