San Mateo 9:4 - Tüpä Ñe'ëngagwer

⁴ Jesús rumo oikwa voi ete ipɨ'a ñemoñetasa, sese oporandu chupe: –¿Ma'erä vo pe pɨ'a ñemoñetasa mba'e tëi pɨpe pereko?

Tũpa Ñehengagüer

⁴ Jesús rumo oicua ipɨhañemoñetasa, sese aipo ehi chupe: —¡Mahera pepɨhañemoñeta rai pe yapɨsacasa rereco!

San Mateo 9:4 Iomraidhean Croise

San Mateo 12:25

Jesús rumo, oikwaño voi ete ipɨ'a ñemoñetasa, sese aipo e'i chupe: “Opakatu tekwa gwasu oyemboya'opase yuvɨreko yeamotare'ɨ̇sa pɨpe, a'e opara oñemokañɨ tëi yuvɨreko; iyavei ñepëi tekwa pɨpe ava oyemboya'o va'e oñeämotare'ɨ̇sa pɨpe, a'e ndoyuvɨreko tuprɨi chietera.

San Marcos 12:15

Jesús rumo oikwa ite ipɨ'a e'ɨ̇sa, sese aipo e'i chupe: –¿Ma'erä che moinge pota mba'e tëi pɨpe peye? Peru evokoiyase ñepëi gwarepochi cheu, asepia va'erä.

San Marcos 2:8

Jesús rumo oikwa voiño ite ipɨ'a ñemoñetasa, sese oporandu chupe: –¿Ma'erä vo pepɨ'a ñemoñetarai tëi che rese?

San Lucas 11:17

Jesús rumo oikwase ipɨ'a ñemoñetasa, aipo e'i: “Opakatu tekwa gwasu oyemboya'opase yeamotare'ɨ̇sa pɨpe, oyemokañɨra a'e ae tëi yuvɨreko iyavei opakatu sëtä oyea rɨve-rɨve va'e ondurupara.

San Lucas 5:22

Jesús rumo oikwaño ite ava pɨ'a ñemoñetasa, evokoiyase oporandu chupe: –¿Ma'erä vo pepɨ'a ñemoñetarai tëi che rese?

San Lucas 6:8

A'e rumo, oikwaño ite ipɨ'a ñemoñetasa, aipo e'i a'e mbɨa ipo novɨi va'e upe: –Epü'a iyavei eyu ko'ave e'ä ava pa'üve. A'e mbɨa evokoiyase opü'a opɨta a'eve o'ä,

San Lucas 7:40

Evokoiyase Jesús aipo e'i fariseo upe: –Simón, amombe'u pota ñepëi mba'e ndeu. A'ese fariseo omboyevɨ chupe: –Emombe'u cheu, Porombo'esar.

San Juan 16:19

Jesús rumo oikwa voi ete mba'e rese oyeupe porandu agwä, sese aipo e'i gwemimbo'e upe: –Che akoi aipo a'e peü ndache repia iri chira seta arɨ rupi peye, ipare koiye katumi rumo che repia irira peye a'e akoi peü. ¿Sese vo akoi peporandu peyeupe?

San Juan 16:30

Kurïtëi orosepia ite opakatu mba'e ereikwase iyavei ndiya iri chira revo oporandu iri va'erä mba'e rese yuvɨreko ndeu. Sese ore orovɨroya ite nde ereyuse Tüpä sui.

San Juan 21:17

Imombosapɨsa rupi oporandu iri chupe: –Simón, Juan ra'ɨrɨ, ¿che raɨsu vo eve? Pedro, ndoyembovɨ'ai tëi esepia oporandu mbosapɨ yupagwer rupi cheraɨsu ite pi'ä oyapave, a'e omboyevɨ chupe: –Che Yar, nde ni'ä opakatu ereikwa mba'e: nde avei ereikwa che oroaɨsuse nderereko. Jesús aipo e'i chupe: –Esärö tuprɨ ava che reroyasar sereko.

San Juan 6:61

Jesús rumo oikwa voi ete iñe'ë-ñe'ë tëise ko mba'e rese yuvɨreko, evokoiyase oporandu chupe: –¿Pemboasɨño tie ñe'ësa?

San Juan 6:64

Oime rumo amove pe pa'ü pendar ndovɨroya vɨtei va'e yuvɨreko. Esepia ni'ä Jesús oikwa ite yɨpɨsuive uma ndovɨroya vɨtei va'e, oikwa avei uma ava omondora yamotare'ɨ̇mbar upe.

Los Hechos 5:9

Pedro aipo e'i chupe: –¿Ma'erä vo peyemboyoya pemondo va'erä yande Yar Espíritu tekoa'äsa pɨpe? Evokoi yugweru vɨraso va'e nde mer ñotɨ̇ yuvɨreko, kurïtëi nde avei nde rerasora yuvɨreko.

Apocalipsis 2:23

Egwë e'i opakatu che reroyasar oikwara yuvɨreko che aikwa tuprɨ ite opakatu ava pɨ'a ñemoñetasa iyavei ñepëi-pëi pe yakatu amondora pe rembiapokwer reprɨ peü.