San Mateo 9:13 - Tüpä Ñe'ëngagwer

¹³ Peso iyavei peyembo'e ikwa agwä ko ñe'ësa resendar: ‘Aipota che peikora poroparaɨsu rekosa pɨpe, anichira mba'e peropove'ë tuprɨ tëi.’ Esepia che ndayui ava seko katuprɨ va'e reka, ayu angaipa viyar reka.

Tũpa Ñehengagüer

¹³ Peyapɨsaca icuachiaprɨ aracahendar aipo ehi vahe rese: ‘Poroparaɨsuerecosa aipota; ndaipotai mbahe cheu serocuavẽheprɨ tẽi’ ehi. Esepia, ndayui ava seco catuprɨ vahe reca, ẽgüe ehi rumo ayu ava angaipa viyar reca —ehi Jesús ava eta upe.

San Mateo 9:13 Iomraidhean Croise

San Mateo 12:3

A'e rumo omboyevɨ chupe: –¿Ndapeyerokɨi vo ikwachiaprɨ araka'endar rese mborerekwar gwasu David rembiapokwer ondugwer reseve vɨepore'ɨ̇se yuvɨreko?

San Mateo 12:5

¿Ndapeyerokɨi vo Moisés porokwaita resendar pɨpe esepia ni'ä pa'i tüpäro rese añekosar ndopɨtu'ui ete mbɨtu'usa arɨ pɨpe nda'ei rumo oyemboangaipa ipɨpe yuvɨreko?

San Mateo 12:7

Pe evokoiyase ndapesendukwai ete ko ñe'ësa: ‘Che aipota perekokwer sekoira mba'e tuprɨ pɨpe, iyavei anichira peropove'ë porerekosa mba'e yukaprɨ tëi cheu.’ Pesendukwase rumo ko ñe'ësa viña, ndape mbo'a ukai chira mba'e aposare'ɨ̇ mba'e sembiapo e'ɨ̇ pɨpe viña.

San Mateo 19:4

Jesús omboyevɨ fariseo upe: –¿Ndapeyerokɨi vo pe Ikwachiaprɨ araka'endar oyapo va'e yɨpɨndar pɨpe, ‘a'e Tüpä oyapo kuimba'e iyavei kuña’?

San Mateo 21:42

Jesús evokoiyase aipo e'i chupe: –¿Ndapeyerokɨi ete vo ko Ikwachiaprɨ araka'endar pɨpe? Aipo e'i va'e: ‘Ko ita oɨ aposar opaño omombo yuvɨreko a'e ita oyeapo ovɨräkwä katu tuprɨ va'e ite. Egwë e'i ni'ä ko yande Yar yapo, iyavei kurïtëi yavɨ'arete ite yaiko.’

San Mateo 3:2

Oñe'ësave aipo e'i: “¡Peyevɨ Tüpä upe, esepia ko Tüpä mborerekwasa köimi ete sekoi!”

San Mateo 3:8

Yɨpɨndar toyekwa tuprɨ rane Tüpä upe peyevɨsa pe angaipa mboasɨsa pɨpe,

San Mateo 4:17

Ichuive tuprɨ Jesús omboɨpɨ oporombo'e aipo e'i: “Peyevɨ Tüpä upe, esepia köimi ete Tüpä mborerekwasa sekoi.”

San Marcos 12:26

Iyavei amombe'ura ko omano va'e kwerayevɨsa resendar peü, ¿ndapeyerokɨi ete vo Moisés rembikwachiagwer pɨpe akoi ka'a rese sendɨ gwasu va'e avɨterve? Tüpä aipo e'i Moisés upe: ‘Che aiko Abraham, Isaac, iyavei Jacob Tüpä.’

San Marcos 12:33

Iyavei yasaɨsura Tüpä opakatu yande pɨ'a pɨpe, opakatu yande yapɨsakasa pɨpe iyavei opakatu yande pirätäsa pɨpe, iyavei yasaɨsura ava yande yeaɨsu nungar, a'e ite avɨye katu mba'e seropove'ëprɨ sui iyavei opakatu porerekosa sapɨprɨ tëi sui.

San Marcos 2:17

Jesús osenduse, aipo e'i chupe: –Ava nimaräi va'e ndosekai ete oporoposano va'e, imba'easɨ va'eño ni'ä oseka yuvɨreko. Che ndayui ava seko tuprɨ va'e reka, che rumo ayu ava yangaipa va'e reka.

San Lucas 10:26

Jesús omboyevɨ chupe: –¿Marä e'i vo Moisés porokwaita ikwachiaprɨ pɨpe? ¿Marä e'i vo ereyerokɨse ipɨpe?

San Lucas 19:10

Esepia ava ɨvate katu va'e Ra'ɨrɨ ou ko ɨvɨ pɨpe ava okañɨ tëi va'e pɨsɨrö agwä.

San Lucas 24:47

iyavei serer pɨpe opakatu ɨvɨ yakatu rupi imombe'usara ava yevɨ agwä Tüpä upe, iñeröi agwä avei peangaipagwer rese peü. Omboɨpɨra rumo Jerusalén sui tuprɨ,

San Lucas 5:31

Jesús omboyevɨ aipo e'i chupe: –Ava nimaräi va'e ndosekai ete oporoposano va'e; imba'easɨ va'eño ite rumo osekara yuvɨreko.

San Lucas 5:32

Che ndayui ava seko katuprɨ va'e reka, che rumo ayu ava yangaipa va'e reka Tüpä uve iyevɨ agwä.

San Juan 10:34

Jesús aipo e'i a'e ava upe: –Peündar mborokwaita ikwachiaprɨ pɨpe aipo e'i: ‘Che aipo a'e peü pe tüpä päve ite peiko.’

Los Hechos 11:18

Osenduse rumo ñe'ësa Jesús reroyasar Jerusalén pendar yuvɨreko, noñe'ëi tuprɨ iyavei omboetei Tüpä, aipo e'i yuvɨreko: –¡Evokoiyase ko Tüpä omondo avei nda'ei va'e judío upe sekokwer rekuñarö agwä, iyavei tekovesa apɨre'ɨ̇ vɨreko va'erä yuvɨreko!

Los Hechos 2:38

Evokoiyase aipo e'i a'e ava upe: –Pemboasɨ pe angaipa peyevɨ Tüpä upe, iyavei peñeapirämo opakatu Jesucristo rer pɨpe, evokoiyase Tüpä iñeröira pe angaipa rese. Iyavei omondora Espíritu Maräne'ɨ̇ peü.

Los Hechos 20:21

Amombe'u ñe'ësa judío eta upe, ava nda'ei va'e judío upe avei aipo a'e peyevɨ Tüpä upe, iyavei peroya yande Yar Jesús.

Los Hechos 3:19

Sese, peyevɨ pe Tüpä upe iyavei peñekuñarö, ipɨpe sui a'e omokañɨra pe angaipagwer pe sui

Los Hechos 5:31

Ipare oseko mboɨvate ɨvave oakato kotɨ imbogwapɨ imoi, a'e ni'ä Mborerekwar iyavei Poropɨsɨrösar, tomboasɨ oangaipa, toyevɨ cheu, toipɨsɨ angaipa resendar ñeröisa yuvɨreko oya Tüpä Israel suindar upe.

2 San Pedro 3:9

Esepia yande Yar ndiaraka'ei ete oñe'ë mboavɨye agwä, inungar amove ava, aipo e'i yuvɨreko viña, a'e rumo avɨye eteprɨ gweko mbegwesa pɨpe yandeu, esepia ndoipotai ñepëi yepe yande kañɨ tëi agwä; a'e rumo oipota opakatu tuprɨ ite yande rekokwer ñekuñarö agwä.