San Mateo 8:8 - Tüpä Ñe'ëngagwer

⁸ Sundao rerekwar omboyevɨ chupe: –Ani che Yar, ndiyai ete che rëtä pɨpe nde reike agwä; iyakatu ni'ä ko'apeve ereñe'ëño tëi ikwera agwä, evokoiyase nde ñe'ë pɨpe tëi che rembigwai okwerara.

Tũpa Ñehengagüer

⁸ —Aní, che Yar, ndiyai eté che rẽta pɨpe nde reique ãgua; iyacatu niha cohapeve ereñeheño tẽi icuera ãgua. Evocoiyase nde ñehe pɨpe tẽi che remimboacua ocuerara.

San Mateo 8:8 Iomraidhean Croise

San Mateo 3:11

Che supiete, ɨ pɨpe tëi opoapirämo Tüpä upe pe yevɨ agwä; ou va'e rumo ambuae che rakɨkwei peapirämora Espíritu Maräne'ɨ̇ tata nungar pɨpe. A'e seko pirätä katu va'e che sui, sese cheu ndiyai ete ipɨtaki yora agwä ichui.

San Mateo 3:14

Yɨpɨndar rumo Juan noñapirämo potai ete aipo e'iño chupe: –Nde rumo iya che apirämora eve viña, ¿nde evokoiyase ereyu cheu?

San Mateo 8:3

Jesús opoko sese, aipo e'i chupe: –Aipota. ¡Erekwerara kurïtëi! Aipo i'e ramoseve, mba'erasɨ vai rerekosar okwera voi ete omba'erasɨsa sui.

San Mateo 8:7

Jesús aipo e'i chupe: –Asora kurïtëi imbogwera.

San Mateo 8:9

Esepia che ni'ä serekwa va'e aveino, areko avei sundao che povrɨve. A'e chupe eso peve a'ese, kurïtëi oso; ambuae upe erio ave, a'ese ou voi avei cheu; iyavei che rembigwai upe a'e mba'e eyapo a'ese, che reroya ite.

San Lucas 15:19

nda'e iri chira nde raɨrɨ nungar aiko; iyakatu revo ndeu oporavɨkɨ va'e nungar tëi che rerekoñora eve.’

San Lucas 15:21

Ta'ɨrɨ aipo e'i chupe: ‘Che ru, ayemboangaipa Tüpä rese nde rese avei; ndiya iri nde ra'ɨrɨ che reko agwä.’

San Lucas 5:8

Ko mba'e repiase, Simón Pedro oñenopɨ'ä Jesús rovai oso aipo e'i chupe: –¡Eyepepɨ che sui che Yar, esepia che angaipa viyar tëi aiko!

San Juan 1:27

a'e akoi ou va'erä che rakɨkwei. Cheu ndiyai ete ipɨtakisä yora agwä ichui.