San Mateo 8:6 - Tüpä Ñe'ëngagwer

⁶ Aipo e'i chupe: –Che Yar, che rembigwai imba'easɨ gwasu ou che rëtäve, ndogwata katui, iyavei oiporara tëi omba'erasɨsa ou.

Tũpa Ñehengagüer

⁶ aipo ehi: —Che Yar, che remimboacua imbaheasɨ guasu vupave ou. Ndoguata catui, oiporara tẽi ombaherasɨsa ou —ehi.

San Mateo 8:6 Iomraidhean Croise

San Mateo 4:24

Jesús reräkwä yandusa opakatu ɨvɨ Siria rupi, a'ese gweru opakatu ava vɨreko va'e mba'erasɨsa tasɨ va'e yuvɨreko chupe, iyavei karugwar vɨreko va'e, nañakä poräi va'e ndogwatai va'e avei. A'e opa tuprɨ Jesús ombogwera.

San Mateo 8:7

Jesús aipo e'i chupe: –Asora kurïtëi imbogwera.

San Mateo 9:2

A'eve vɨraso ndogwatai va'e yuvɨreko chupe, imba'easɨ va'e rɨru pɨpe; Jesús rumo oikwase oyese yeroya vɨreko va'e, a'ese aipo e'i imba'easɨ va'e upe: –Che ra'ɨrɨ, eyemopoäse; che ñeröi nde angaipa rese ndeu.

Los Hechos 10:7

Osose mbigwai ɨva pendar akoi oñe'ë va'ekwer sese, a'ese Cornelio oñe'ë ñuvɨrïo gwembigwai upe iyavei ñepëi sundao Tüpä mboeteisar upe sese oyeroya va'e ite yepi,

Los Hechos 8:7

Iyavei seta imbogwerasa ava karugwar rerekosar, karugwar yuvɨnosë ava sui säse yuvɨreko; iyavei seta ava setekwer novɨi va'e ndogwatai va'e avei ombogwera.

Los Hechos 9:33

A'eve osepia ñepëi mbɨa serer va'e Eneas, a'e ndogwatai va'e, vupave tëi tui va'e mbosapɨ ova aravɨter rupi.

Colosenses 3:11

Nda'ei mba'e avɨye va'e peikose griego, anise judío, iyavei imbocircuncidaprɨ anise nimbocircuncidaiprɨi, iyavei yaikose ambuae tekwa pendar, iyavei ava ndovɨrekoi va'e arakwasa oyese, ava rembigwai tëi sekoi va'e, anise nda'ei va'e mbigwai, esepia Cristo ɨvate katu va'e opakatu sui iyavei oyoya gwasu opakatu yande pɨ'a pɨpe yareko.

Colosenses 4:1

Pe avei serekwar, peyapo mba'e i'ɨ̇vi va'e pe pɨ'añemoñeta tuprɨsa pɨpe pe rembigwai upe. Pe avei peyemoma'endu'ara pe Yar ɨva pendar pereko va'e rese.

1 Timoteo 6:2

Iyavei mbigwai vɨrekose gwerekwar Jesús reroyasar, sese ndiyai nomboyeroyai chira Jesús reroyasar rekosa rese yuvɨreko, iyakatu rumo omboyeroya tuprɨ katura gwerekwar yuvɨreko, esepia serekwar oipɨsɨ va'e iporavɨkɨsa, a'e Jesús reroyasar saɨsuprɨ yuvɨrekoi yepi. Eporombo'e iyavei emombe'u ko ñe'ësa eiko:

Filemón 1:16

nda'e iri chira mbigwai tëi, a'e rumo avɨye katu itera mbigwai gweko agwer sui: inungar yande rɨvrɨ yande rembiaisu. Che asaɨsu eteprɨ, nde rumo eresaɨsu katura itera, anichira rumo inungar ava tëi iyavei inungar yande rɨvrɨ yande Yar upe narä.