San Mateo 8:4 - Tüpä Ñe'ëngagwer

⁴ Jesús aipo e'i iri chupe: –Esendu, eremombe'ui rene ambuae ava upe. Eso eiko eyemboyekwa pa'i upe, ipare eikwave'ë nde porerekosa nde kwera agwer resendar Moisés porokwaita rupi, ipɨpe sui toikwa pa'i eta nde kwerasa yuvɨreko.

Tũpa Ñehengagüer

⁴ —Nde cuerasa eremombehu eme ambuae ava upe —ehi—. Nde poyavaño eso, eyemboyecua judío pahi upe. Ipare eicuavẽhe nde porerecosa nde cuera agüer resendar Moisés porocuaita rupi. Ipɨpe sui toicua ava nde cuerasa yuvɨreco —ehi.

San Mateo 8:4 Iomraidhean Croise

San Mateo 10:18

ichui pe reraso aveira mborerekwareta ɨvate katu va'e rovai yuvɨreko che rekokwer sui tëi; egwë peyera peñe'ë che rekokwer rese chupe ava nimba'e reroyai va'e upe avei.

San Mateo 16:20

Ipare Jesús oyokwai gwemimbo'e eta imombe'u e'ɨ̇ agwä Poropɨsɨrösar sekosa rese ambuae ava upe yuvɨreko.

San Mateo 17:9

Ogweyɨse ɨvɨtrɨ sui yuvɨreko, a'ese Jesús aipo e'i mbosapɨ gwemimbo'e upe: –Ndapemombe'ui chietera ñepëi ava upe ko mba'e pesepia va'e, akoi ava ɨvate katu va'e Ra'ɨrɨ okwerayevɨse voi ete kuri.

San Mateo 3:15

Jesús omboyevɨ chupe: –Egwë te'iño aipo, iyakatu yamboyeroyara opakatu mba'e avɨye va'e Tüpä rovai. Evokoiyase Juan oyapoñoite iporokwaita.

San Mateo 5:17

“Ndaperoyai chira rumo, esepia che ndayui Moisés porokwaita kwachiaprɨ mboye'o agwä; ndayui avei mba'e mokañɨ tëi agwä, che rumo ayu imboavɨye tuprɨ agwä ite.

San Mateo 6:1

“Peyapoi rene mba'e avɨye va'e ava rovake tache repia anga'u yuvɨreko ndapeyei chira. Peyapose evokoi nungar, pe Ru ɨvave sekoi va'e nomboui chietera porerekosa peü.”

San Mateo 9:30

Aipo i'e ramoseve osareko tuprɨ voi yuvɨreko. Ipare Jesús aipo e'i pemombe'ui rene katu: –Peikwa ukai rene ambuae ava upe.

San Marcos 13:9

“Peñearö katu peae peiko; esepia pe rerasora mborerekwar rovai yuvɨreko, iyavei pe nupära oɨ judío ñemonu'äsa rupi. Pe reraso aveira mborerekwareta rovai, iyavei mborerekwar ɨvate katu va'e rovai che rekokwer sui tëi yuvɨreko; egwë peyera peñe'ë che rekokwer rese chupe.

San Marcos 3:12

Jesús rumo oñe'ë pirätä chupe, oyekwa uka e'ɨ̇ agwä opakatu ava upe.

San Marcos 5:43

Jesús rumo oyokwai imombe'u e'ɨ̇ agwä ambuae ava upe, ipare aipo e'i, pembokaru ko kuñatäi.

San Marcos 6:11

Akoi ambuae tekwa pendar ndape pɨsɨ potaise ndosendu potaise avei peñe'ë yuvɨreko, peyepepɨñorä ichui peipɨpeteño aveira pe pɨ ɨvɨ rätächigwer sui, ipɨpe sui pemboyekwara sɨkɨyesa yuvɨreko chupe.

San Marcos 7:36

Jesús oyokwai imondo imombe'ui e'ɨ̇ agwä ambuae eta upe; a'e rumo oikwa ukaño ite ambuae ava upe yuvɨreko.

San Marcos 8:30

Jesús aipo e'i imondopa pemombe'ui rene ñepëi ava upe.

San Marcos 9:9

Ipare ogweyɨse ɨvɨtrɨ sui yuvɨreko, Jesús aipo e'i gwemimbo'e upe ndapemombe'ui chietera ñepëi ava upe ko mba'e pesepia va'e, pemombe'ura rumo akoi che ava ɨvate katu va'e Ra'ɨrɨ akwerayevɨse voi ete kuri.

San Lucas 17:14

Osepiase Jesús, aipo e'i mba'erasɨ vai rerekosar upe: –Peso, tapeyemboyekwa pa'i eta upe. Oyevɨse yuvɨraso, opa okwera tuprɨ omba'erasɨsa sui yuvɨreko.

San Lucas 21:13

Ipɨpe sui pemombe'ura che rekokwer chupe yuvɨreko.

San Lucas 4:41

Imba'easɨ va'e sui seta yuvɨnosë karugwar, säse tëi aipo e'i yuvɨreko: –¡Nde Tüpä Ra'ɨrɨ ite ereiko! Jesús rumo oñe'ëgäta karugwar upe iyavei ndoipota iri iñe'ë agwä, esepia a'e oikwa ite Poropɨsɨrösar sekoise yuvɨreko.

San Lucas 5:14

ipare Jesús aipo e'i chupe: –Eremombe'ui rene nde kwerasa ambuae ava upe; esoño eyemboyekwa pa'i upe, ipare eikwave'ë nde porerekosa nde kwerasa resendar Moisés porokwaita rupi, ipɨpe sui toikwa opakatu pa'i eta nde kwerasa yuvɨreko.

San Lucas 8:56

A'ese iyesupa ndoyembovɨ'ai tëi yuvɨreko; evokoiyase Jesús aipo e'i ndapemombe'ui chira ñepëi ambuae ava upe mba'e pesepia va'e.

San Lucas 9:21

Jesús rumo aipo e'i gwemimbo'e upe pemombe'ui rene katu ko mba'e ava upe.

San Juan 5:41

“Ndaipɨsɨi ete ava che mboeteisa tëi.

San Juan 7:18

Akoi oñe'ë va'e oyesui tëi, a'e oseka mboeteisa oyeupe narä tëi; oseka va'e rumo che mbousar sui mboeteisa gwasu, a'e supiete mba'e omombe'u; ndipoi ete porombopasa iporombo'esa rese.

San Juan 8:50

Iyavei che ndasekai ava che mboetei agwä. Oime rumo ñepëi oipota va'e. A'e ni'ä omondora ava rembiapo reprɨ chupe.