San Mateo 8:12 - Tüpä Ñe'ëngagwer

¹² a'e yuvɨrekoi va'erä viña Tüpä mborerekwasave, a'e imondosara pɨ̇tümimbisave okañɨ tëi va'erä. A'eve oyase'o tëira iyavei oñeaimbotere-tere tëira mba'erasɨkwer rereko yuvɨreko.

Tũpa Ñehengagüer

¹² Judío eta rumo, oyeupe ñehesa reroyaẽhɨ pɨpe setá pɨ̃tumimbisave ocañɨ tẽira yuvɨreco. Aheve oyaseho tẽira yuvɨreco iyavei oñeaimbotere-tere tẽira mbaherasɨcuer rereco yuvɨreco —ehi oñehe.

San Mateo 8:12 Iomraidhean Croise

San Mateo 13:38

iyavei mba'e mitɨ̇ rupa a'e ava ko ɨvɨ pɨpendar. Mba'e rä'ɨi avɨye va'e, a'e ava Tüpä povrɨ pendar, iyavei ka'a naporäi va'e, a'e ava karugwar suindar yuvɨrekoi va'e,

San Mateo 13:42

Omondopara karugwar ratave ndopai va'esave, a'eve oyase'o tëira iyavei oñeäi mbotere-tere tëira yuvɨreko.

San Mateo 13:50

Iyavei imondosara ava ndasekoporäi va'e karugwar ratave ndopai va'esave. A'eve oimerä yase'osa iyavei sɨkeyesa mba'e-mba'e tëi sui.”

San Mateo 21:43

Sese aipo a'e peü serokwasara mborerekwasa ɨva pendar ichui, a'e imondosara ñepëi tekwa iporeroya va'e upe.

San Mateo 24:51

ipare rumo omombaraɨsu katura, tinupasa inungar ava oñe'ë ñotëi va'e tekokwer rese yuvɨreko yepi. A'ese oyase'o tëira oyemoaitere-tere tëi aveira.

San Mateo 25:30

Iyavei ko mbigwai yangaipavai va'e, pemose okarve pɨ̇tümimbisave. A'eve toyase'o, tasäitere-tere tëi öi.’ ”

San Lucas 13:28

Evokoiyase oura yase'osa tekoasɨsa avei, pesepiase rumo Abraham, Isaac, Jacob iyavei opakatu Tüpä ñe'ë mombe'usareta yuvɨrekoise Tüpä mborerekwasave, pe evokoiyase imomboprɨ tëi peikora.

Los Hechos 3:25

Peü kurïtëi omboavɨye ite omombe'u va'ekwer Tüpä oñe'ë mombe'usar rupi, iyavei kurïtëi oyapo va'e pe ramoi eta upe oiko, Tüpä rumo aipo e'i Abraham upe: ‘Opakatu tekwa ɨvɨ pɨpendar sovasaprɨ itera ndesuindar yuvɨreko.’

Romanos 9:4

A'e Israel suindar yuvɨrekoi, iyavei Tüpä oiporavo va'e gwa'ɨrɨ nungar sereko. Tüpä sekoi ipa'üve gwendɨgwer porañetesa pɨpe, omondo avei oñe'ë teko tuprɨsa resendar chupe, iyavei Moisés porokwaita, yeruresa iyavei mba'e seropove'ëpɨ̇ra chupe.

2 San Pedro 2:17

Ko ava oporombo'e va'e inungar ɨvɨkwar ipiru va'e, ɨva kɨ'a ɨvɨtu remimombo nungar tëi avei; apɨre'ɨ̇ va'e ite imombopɨrä yuvɨreko pɨ̇tümimbi katu va'esave narä.

2 San Pedro 2:4

Esepia araka'e Tüpä niñeröi ete gwembigwai oyemboangaipa va'e upe, a'e opa ite omondo mba'e tëisave, egwë e'i seyapa pɨ̇tümimbisave inungar ñapɨ̇chimbrɨ karena pɨpe yapokatuprɨ yuvɨreko kañɨsave narä.

San Judas 1:13

Inungar avei akoi ɨtu paragwasu pɨpe, omombo tɨyui va'e oyesui yepi. Egwë e'i avei sembiapo poromochisa. Inungar yasɨtata amove omokañɨ va'e gwaper sui a'e okañɨ tëi va'erä koiye pɨ̇tümimbisave apɨre'ɨ̇ yuvɨreko.

Apocalipsis 22:15

Ava re'ɨi ndiporeroyai va'e rumo opɨtapara okarve tëi yuvɨreko, iyavei ava ipaye serai va'e, oyemboagwasa-gwasa tëi va'e, oporoyuka va'e, mba'e ra'anga upe tëi oyerure va'e, iyavei opakatu ava oipotarai va'e oporombopa-mbopa tëi agwä yepi.”