San Mateo 7:6 - Tüpä Ñe'ëngagwer

⁶ Pemondoi rene mba'e avɨye va'e kave upe, avɨyeteramo oyemboyerera peü opara pembo'i-mbo'ira yuvɨreko. Iyavei ndapemondoi chira mba'e porañete va'e kuchi upe, avɨyeteramo oyemboyerera mba'e-mba'e tëi apo yuvɨreko peü.”

Tũpa Ñehengagüer

⁶ “Pemondo eme mbahe maranehɨ ava cave nungar tẽi upe, iyavei ndapemondoi chira mbahe porañete vahe ava cuchi nungar tẽi upe. Avɨyeteramo oyemboyerera mbahe-mbahe tẽi apo yuvɨreco pẽu” ehi.

San Mateo 7:6 Iomraidhean Croise

San Mateo 15:26

Jesús omboyevɨ chupe: –Naporäi rumo yarokwa mboyape ava ra'ɨrɨ sui iyavei yamondo va'erä kave to'u.

San Mateo 24:10

A'e arɨ rupi evokoiyase seta iteangara ava ndachereroyai va'e, iyavei oyeamotare'ɨ̇ra ipare omondora ambuae omboetasa yamotare'ɨ̇mbar povrɨve yuvɨreko.

San Mateo 7:5

¡Pe inungar ava oñe'ë ñotëi va'e tekokwer rese yuvɨreko yepi!, pemoigätu uka rane mba'e pe rembiavɨ tuvicha katu va'e peyesui, a'ese ramo ambuae perɨvrɨ rembiavɨ peikatura imoigätu.

2 Corintios 11:26

Seta rupi agwata, iyavei ɨai rupi mba'e-mba'e tëi oime cheu, aiko avei imondarai va'e pa'üve; che mu judío mba'e tëi va'e pa'üve avei aiko iyavei nda'ei va'e che mu pa'üve no. Aiko avei tekwa gwasu pɨpe mba'e tëisave, amombrɨ va'esa rupi iyavei paragwasu pɨpe, iyavei aiko mba'e-mba'e tëisave nda'ei va'e Jesús reroyasar pa'üve.

Filipenses 3:2

Peñearö akoi ava sekokwerai va'e sui, evokoi mboravɨkɨ naporäi va'e aposar iyavei ava retekwer momaräsar yuvɨrekoi va'e sui;

Hebreos 10:29

Ndapeikwai vo ¿akoi Tüpä Ra'ɨrɨ marä-marä tëi rerekosar suvɨ reroɨrösar avei a'e oipɨsɨra ñemoɨrösa tuvicha katu va'e yuvɨreko, Tüpä Espíritu raɨsusar reroɨrösar avei? Evokoi tuvɨ pɨpe ni'ä imboavɨyesa ñe'ësa yepi, ipɨpe avei ni'ä a'e ava Tüpä rembipe'a yuvɨrekoi.

Hebreos 6:6

oyepepɨse rumo ichui, ndayaikatu iri seko reroyevɨ iri agwä Tüpä upe, esepia yatɨkaprɨ nungar iri ete vɨreko Tüpä Ra'ɨrɨ iyavei ambuae ava omoñe'ë-ñe'ë tëi iri sese.

2 San Pedro 2:22

Supiete yavɨye ñe'ësa imombe'uprɨ sesendar: “Kave rumo o'u iri ogwë'e”, iyavei aipo e'i “Kuchi oyasu pare oyevɨ iri tuyusave oyemboavaete agwä.”

Apocalipsis 22:15

Ava re'ɨi ndiporeroyai va'e rumo opɨtapara okarve tëi yuvɨreko, iyavei ava ipaye serai va'e, oyemboagwasa-gwasa tëi va'e, oporoyuka va'e, mba'e ra'anga upe tëi oyerure va'e, iyavei opakatu ava oipotarai va'e oporombopa-mbopa tëi agwä yepi.”