San Mateo 7:26 - Tüpä Ñe'ëngagwer

²⁶ Akoi osendu va'e che ñe'ë ndoyapoi va'e mba'e che remimbotar, a'e inungar ndipɨ'a ñemoñeta tuprɨi va'e omopü'a gwëtära ɨvɨ ku'i arɨve tëi.

Tũpa Ñehengagüer

²⁶ Acoi ava che ñehengagüer rese ndoyapɨsacai vahe rumo, ahe inungar ava opɨhañemoñeta tuprɨẽhɨsa pɨpe omopuha vahe ɨvɨ cuhi harɨve tẽi güẽtarã.

San Mateo 7:26 Iomraidhean Croise

San Mateo 7:24

“Akoi, osendu va'e che ñe'ë oyapo va'e avei mba'e che remimbotar, inungar ava ipɨ'a ñemoñeta tuprɨai va'e omopü'a ita arɨve gwëtära.

San Mateo 7:25

Oyepota amar ou, oyeupi ɨai öi ipare ɨvɨtuai omombaraɨsu oɨ imoi; ndovɨapi ete rumo, esepia ni'ä vɨreko ite ovɨräkwäsa ita arɨve.

San Mateo 7:27

Oyepota amar ou, oyeupi ɨai öi, ɨvɨtuai omombaraɨsu oɨ imoi, ipare oɨ ovɨapi oso. ¡Opa ite mba'e okañɨ!”

San Lucas 6:49

Akoi ava che ñe'ëngagwer rese ndoyapɨsakai va'e, a'e ndoyavɨi akoi ñepëi ava oyapo va'e gwëtära ɨvɨ arɨve tëi, nomondoi va'e ivɨräkwä agwä; ipare ouse ɨrɨgwasu oinupa pirätä a'e oɨ, opaño omonduru iyavei okañɨ tëiete.”

Santiago 2:20

Ani peikora ava nimba'ekwai va'e nungar, ereikwa vo ko nde mba'e apoe'ɨ̇sa nde yeroyasa egwë e'i tëi va'e.