San Mateo 7:21 - Tüpä Ñe'ëngagwer

²¹ “Nda'ei opakatu aipo e'i yuvɨreko cheu: ‘Che Yar, Che Yar’, yuvɨroikera Tüpä mborerekwasave, oyapo va'eño tuprɨ Che Ru ɨva pendar remimbotar yuvɨroikera a'eve.

Tũpa Ñehengagüer

²¹ “Ndahei opacatu ava ‘che Yar, che Yar’ ehi vahe yuvɨreco cheu yuvɨroiquera che Ru Tũpa mborerecuasave. Che Ru ɨva pendar remimbotar aposar año tuprɨ rumo yuvɨroiquera aheve.

San Mateo 7:21 Iomraidhean Croise

San Mateo 12:50

Esepia akoi che Ru ɨva pendar remimbotar oyapo va'e, a'e che rɨvrɨ, che reindrɨ iyavei che sɨ yuvɨrekoi.

San Mateo 16:17

Evokoiyase Jesús aipo e'i chupe: –Nde sovasaprɨ ereiko, Simón, Jonás ra'ɨrɨ, esepia nda'ei ava tëi omboyekwa ko mba'e ndeu, che Ru ɨva pendar teiete omboyekwa ndeu.

San Mateo 18:10

“Peroɨröi rene katu ñepëi chi'ïvä'emi. Supiete aipo a'e ɨvave mbigwai ɨva pendar osepiaño ite che Ru pirätäsa yuvɨreko yepi.

San Mateo 18:19

Ko amombe'u pota peü: Ñuvɨrïo pe pa'ü pendar oyoya tuprɨse ipɨ'a ñemoñetasa ko ɨvɨ pɨpe oporandu agwä mba'e rese yeruresa pɨpe, che Ru ɨva pendar evokoiyase omondora peü.

San Mateo 18:3

ipare aipo e'i chupe: –Supiete, akoi ndapeñekuñaröise iyavei ndapeikoise chi'ïvä'emi nungar, a'ese ndapeikei chira Tüpä mborerekwasa pɨpe.

San Mateo 18:35

Jesús aipo e'i iri: –Egwë e'i aveira che Ru ɨva pendar peü, ndapeñeröise ñepëi-pëi pe pɨ'a pɨpe pe rɨvrɨ upe.

San Mateo 19:24

Amombe'u irira aipo peü ndayavai katu camello upe yukwar rupi seike agwä, ava mba'e yar sui reike agwä Tüpä mborerekwasave.

San Mateo 25:10

Evokoiyase poyandepo kuñatäi yuvɨraso vɨteseve yandɨ rerokwa, a'ese tuprɨ oyepota kuña mevɨ ou, kuñatäi oyemoigätu va'eño tuprɨ yuvɨroike supi mendasave, ipare rumo okenda rärösar omboya okenda.

San Mateo 25:21

Serekwar rumo aipo e'i chupe: ‘Avɨye ite, nde mbigwai seko avɨye va'e, eremboavɨye tuprɨ va'e nde kwaita ko movɨrö tëi gwarepochi ndeu amondo va'e pɨpe. Sese tuvicha katu amondora nde kwaitarä. Eike che pɨri eyembovɨ'a katu che rese.’

San Mateo 26:39

Koiye Jesús oso tenonde katumi, a'eve oyaɨvɨ ɨvɨ rese oso, aipo e'i oyerure: “Che Ru, iyase ndeu che renose mba'e-mba'e tëi sui eve; tayapo eme ru che remimbotar tëi, nde remimbotar rupi katu tayaposa mba'e”

San Mateo 26:42

Imoñuvɨrïosa rupi oso iri, oyerure aipo e'i: “Che Ru, ereipotase che reike agwä ko mba'e tëi pɨpe, eyapo nde remimbotar che rese.”

San Marcos 3:35

Esepia akoi Tüpä remimbotar oyapo va'e, a'e che rɨvrɨ, che reindrɨ che sɨ avei yuvɨrekoi.

San Marcos 9:47

Pe resa avei pe mboangaipa ukase, penose ite peyesui; esepia avɨye katu peike ñepëi pe resa rese Tüpä mborerekwasave ñuvɨrïo pe resa rese tata gwasu apɨre'ɨ̇save pe reike rägwer sui.

San Lucas 11:28

A'e omboyevɨ chupe: –¡Sovasaprɨra akoi osendu va'e che Ru Tüpä ñe'ëngagwer iyavei vɨroya va'e sereko!

San Lucas 13:25

Ipare oɨ yar opü'ase okenda mboya, peiko va'e okarɨve, peñe'ë tëira aipo peyera: ‘Ore yar, emboimi tëi oreu.’ A'e rumo aipo e'iñorä imboyevɨ chupe: ‘Che ndopokwai va'e kesui vo peyu.’

San Lucas 18:25

Ndayavaimi katu camello upe yukwar rupi seike agwä, ava imba'e eta va'e upe rumo yavai katu che Ru mborerekwasave seike agwä.

San Lucas 6:46

“¿Ma'erä vo peñe'ë cheu, ‘Che Yar, che Yar’, ipare rumo ndapeyapoi ete mba'e che remimombe'u?

San Juan 14:7

Supiete akoi pe chekwase peye, egwë peye aveira che Ru kwa agwä koiye; kurïtëi suive rumo peikwa ite sereko, iyavei pesepia ni'ä ko'ave sereko yepi no.

San Juan 15:23

akoi ndache ambotai va'e, che Ru avei oyamotare'ɨ̇ yuvɨreko.

San Juan 3:5

Jesús omboyevɨ chupe: –Supiete aipo a'e ndeu akoi ava ɨ pɨpe iyavei Espíritu pɨpe ndoyesui va'e, a'e ndoikatui chietera oike va'erä Tüpä mborerekwasave.

San Juan 5:17

Jesús rumo aipo e'i chupe: –Che Ru ni'ä oporavɨkɨño va'e ite, che egwë a'e tuprɨ avei aporavɨkɨ.

San Juan 6:40

Esepia che Ru remimbotar oipota opakatu ava oma'e va'erä Tüpä Ra'ɨrɨ rese iyavei vɨroya itera, vɨreko va'erä tekovesa apɨre'ɨ̇ yuvɨreko; supiete ambogwerayevɨra arɨ ipa va'e pɨpe kuri.

San Juan 7:17

Akoi ñepëi ikere'ɨ̇ va'e oyapo va'erä Tüpä remimbotar, oikwara che porombo'esa nda'ei va'e che suindar a'e Tüpä suindar ite anise añe'ë cheyesui tëi vichiko.

Los Hechos 14:22

A'e tekwa rupi omongere'ɨ̇ katu Jesús reroyasar, iyavei peikora poreroyasa sɨkɨye e'ɨ̇sa pɨpe, aipo e'i yuvɨreko chupe yande reike agwä Tüpä mborerekwasave oime rane itera paraɨsusa tuvicha va'e.

Romanos 12:2

Peiko iri eme ko ɨvɨ pɨpendar pɨ'añemoñetasa tëi rupi; iyakatu rumo, pesekuñarö pe pɨ'añemoñetasa ipɨpe sui opakatu pe rekokwer oñekuñaröra, egwë peyese peikwara Tüpä remimbotar a'e mba'e avɨye va'e, semimbotar supi tuprɨ va'e ite.

Romanos 2:13

Esepia osenduño tëi va'e porokwaita nda'ei seko katuprɨ va'e Tüpä rovai yuvɨreko, vɨroya va'e ite rumo porokwaita a'e seko katuprɨ va'e yuvɨrekoi.

Efesios 6:6

Peporavɨkɨ tuprɨ katu chupe narä, nda'ei chira rumo pe repiaseño imbovɨ'a agwä tëi, peporavɨkɨra rumo pe kere'ɨ̇sa pɨpe Cristo rembigwai pe rekosa pɨpe, peyapora opakatu mba'e Tüpä remimbotar rupi ete.

Colosenses 4:12

Epafras avei omondo oma'endu'asa peü, a'e pe rekwa pendar ite, Cristo Jesús rembigwai; a'e oyerure va'e pe rese yepi toyemovɨräkwä tuprɨ iyavei toyuvɨrekoi Tüpä remimbotar rupi yuvɨreko oyapave.

1 Tesalonicenses 4:3

Esepia Tüpä oipota pe reko maräne'ɨ̇ agwä oyeupe, tipo eme ñepëi ava oyemboagwasa tëi va'e

1 Tesalonicenses 5:18

Avɨye ndeu peyera Tüpä upe opakatu mba'e rese, esepia a'e ni'ä oipota peü ko Cristo Jesús reroyasa pɨpe.

Tito 1:16

Aikwa Tüpä e'i tuprɨ tëi yuvɨreko, mba'e sembiapo rese rumo ikwasa seroya e'ɨ̇sa; a'e ni'ä ava ndosepia potai va'e, ndiporeroyai va'e ndoikatui mba'e avɨye va'e apo yuvɨreko yepi.

Hebreos 13:21

tombou pe reko mo'ɨ̇visa iyavei pe reko avɨyesa opakatu pe semimbotar apo agwä; iyavei a'e toyapo mba'e opakatu gwemimbotar yande rese Jesucristo rembiapo sui. ¡Egwë te'i imboeteiprɨ apɨre'ɨ̇ tasekoi Cristo yepi! Amén.

Hebreos 4:6

Ipane vɨte rumo amove ava yuvɨroike va'erä a'e pɨtu'usave, akoi yɨpɨndar osendu tëi va'e rumo ñe'ësa poropɨsɨrösa resendar, ndoyuvɨroikei ete seroya e'ɨ̇sa pɨpe yuvɨreko.

Santiago 1:22

Nda'ei pesenduño tëira ko ñe'ësa avɨye va'e; iya rumo peyapora mba'e ko ñe'ësa remimbotar rupi ete, esepia egwë peyese pe ae tëi peyembopara peiko.

1 San Pedro 2:15

Esepia Tüpä oipota peyapora mba'e avɨye va'e ava mba'e ndoikwai va'e upe, ndayarakwai va'e upe iyavei pe rese iñe'ë-ñe'ë tëi e'ɨ̇ agwä.

1 San Pedro 4:2

ipɨpe sui ndoyuvɨreko iri chira arɨ rupi ava tëi pɨ'a ñemoñetasa pɨpe, Tüpä remimbotar rupi ete rumo oyapo pota mba'e ko ɨvɨ pɨpe yuvɨrekoi vɨtese.

Apocalipsis 2:27

inungar che Ru ombou che mborerekwarä cheu; egwë e'i aveira oporokwai opakatu tekwa rupi inungar akoi mbokoka gwarepochi apoprɨ pɨpe, mba'e rɨapɨipa uka agwä, avɨyera akoi mba'emoinda ñaɨ'u apoprɨ viña.

Apocalipsis 22:14

“Sorɨvete katura akoi ava omoatɨrö va'e gwekokwer, esepia oipɨsɨra ɨvɨra a tekovesa apɨre'ɨ̇ va'e resendar, ipɨpe sui oikera tekwa gwasu pɨpe.

Apocalipsis 3:5

Akoi ava oyemovɨräkwä va'e mba'e-mba'e tëi apoe'ɨ̇ agwä, a'e sese imondesara turukwar morochi va'e, a'e serer namboye'oi chira kwachiar tekovesa resendar pɨpe sui, asenoira rumo che Ru rovai iyavei sembigwai ɨva pendareta rovake avei kuri.