San Mateo 7:14 - Tüpä Ñe'ëngagwer

¹⁴ teko apɨre'ɨ̇save oso va'e rumo okendɨpɨ perɨ reseve ikä'imi supi gwata agwä yavai ete, movɨrömi tëi ava oseka yuvɨreko.”

Tũpa Ñehengagüer

¹⁴ teco apɨrẽhɨsave oso vahe rumo oquendɨpɨ, perɨ reseve icãhimi. Supi guata ãgua yavai eté; movɨromi tẽi ava oseca yuvɨreco” ehi.

San Mateo 7:14 Iomraidhean Croise

San Mateo 20:16

“Egwë e'i aveira ava yuvɨrekoi va'e kurïtëi ipa tëi, a'e yuvɨrekoira tenonde; iyavei yuvɨrekoi va'e kurïtëi tenonde, a'e yuvɨrekoira ipa tëi.”

San Mateo 22:14

Esepia seta tëi icho'oprɨ, movɨrö tëi rumo iporavoprɨ.”

San Mateo 7:13

“Peike okendɨpɨ ikä'imi va'e rupi. Evokoi okendɨpɨ iyavei perɨ gwasu vɨraso kañɨ tëi va'e save, iyavei seta yuvɨroike katu ava supi;

San Mateo 7:15

“Peñearö ava semirañeteai va'e sui oñe'ë tuprɨ tëi va'e Tüpä rese. A'e yugwerura peü ndoyavɨi chira ovesa ndaseko maräi va'e yuvɨreko, ipɨ'a pɨpe rumo sekokwer avɨye ma'embiar oñaröai va'e.

San Marcos 8:34

Ipare Jesús, oñe'ë gwemimbo'e eta upe iyavei ambuae ava upe aipo e'i: –Akoi ava ogwata pota va'e che rupi, topoi mba'e gwemimbotar tëi aposa sui, iyavei inungar-ra kurusu rese ovosɨira viña, toyemoigätu voi che rekokwer rese oparaɨsu agwä iyavei togwata tuprɨ che rupi.

San Lucas 12:32

“Ani pesɨkɨye, ovesa che rembiaɨsu; yepe pe movɨrömi tëi peiko viña, pe Ru Tüpä rumo, omondo pota peü mba'e oporoaɨsusa pɨpe.

San Juan 16:2

A'ese pe mombora oɨ judío ñemonu'äsa sui yuvɨreko, iyavei osupitɨse arɨ peyuka agwä yuvɨreko a'e rumo Tüpä upe narä ite egwë yae yaiko e'i yuvɨreko viña.

San Juan 16:33

Amombe'u ko opakatu mba'e peü, peiko va'erä che rese mba'e tuprɨ pɨpe pe reko agwä. Ko ɨvɨ pɨpe, pe paraɨsura peiko, peyemongere'ɨ̇ño katu: esepia che opa ite asekopɨ mba'e-mba'e tëi ko ɨvɨ pɨpe.

Los Hechos 14:22

A'e tekwa rupi omongere'ɨ̇ katu Jesús reroyasar, iyavei peikora poreroyasa sɨkɨye e'ɨ̇sa pɨpe, aipo e'i yuvɨreko chupe yande reike agwä Tüpä mborerekwasave oime rane itera paraɨsusa tuvicha va'e.

Romanos 12:2

Peiko iri eme ko ɨvɨ pɨpendar pɨ'añemoñetasa tëi rupi; iyakatu rumo, pesekuñarö pe pɨ'añemoñetasa ipɨpe sui opakatu pe rekokwer oñekuñaröra, egwë peyese peikwara Tüpä remimbotar a'e mba'e avɨye va'e, semimbotar supi tuprɨ va'e ite.

Romanos 9:32

¿Ma'erä pi'ä? Ndoyuvɨrekoi poreroyasa pɨpe, esepia a'e yuvɨrekoi pota gwemimbotar rupi tëi. Sese oyepɨapi yuvɨreko “ita yepɨapisa rese”