San Mateo 6:7 - Tüpä Ñe'ëngagwer

⁷ Iyavei peyerurese ndapemboyevɨ-yevɨi chira peñe'ë pe poranduse mba'e rese, inungar ava iporombopaserai va'e aipo e'i yuvɨreko ko rupi ombou katura mba'e Tüpä yandeu e'i yuvɨreko viña.

Tũpa Ñehengagüer

⁷ “Iyavei peyeroquɨse, ndapemboyevɨ-yevɨi chira pe ñehe pe poranduse mbahe rese Tũpa upe inungar ava Tũpa ndoicuai vahe. Ahe omboyevɨ-yevɨ oyeruresa ‘Tũpa revo co rupi yande mboyeroya voira’ ohesave yuvɨreco viña.

San Mateo 6:7 Iomraidhean Croise

San Mateo 18:17

Akoi ndovɨroyaise ite rumo ambuae iñe'ë, emombe'u opakatu tekwa pendar upe; iyavei ndovɨroyaise ite a'e tekwa pendar, evokoiyase pepoiño itera ichui esepia ndiporeroyai va'e nungar ite sekoi inungar ava gwarepochi rerokwasar Roma pendar upe narä.”

San Mateo 26:39

Koiye Jesús oso tenonde katumi, a'eve oyaɨvɨ ɨvɨ rese oso, aipo e'i oyerure: “Che Ru, iyase ndeu che renose mba'e-mba'e tëi sui eve; tayapo eme ru che remimbotar tëi, nde remimbotar rupi katu tayaposa mba'e”

San Mateo 26:42

Imoñuvɨrïosa rupi oso iri, oyerure aipo e'i: “Che Ru, ereipotase che reike agwä ko mba'e tëi pɨpe, eyapo nde remimbotar che rese.”

San Mateo 26:44

Oseyapa iri oso oyerure agwä imombosapɨsa rupi, aipo e'i tuprɨño avei oyerure.

San Mateo 6:32

Opakatu ko mba'e rese ombopɨ'a ñemoñeta gwasuai ava ndiporeroyai va'e yuvɨreko, pe rumo pereko ñepëi ete pe Ru ɨvate katu va'e, a'e rumo oikwa mba'e peipota va'e.

Los Hechos 19:34

Ava rumo oikwase judío sekoise, opakatu gwasu säse pirätä yuvɨreko. “¡Imboeteprɨ katu Artemisa yande rekwa pendar tasekoi!” e'i puku-puku yuvɨreko. Egwë e'i a'e säse puku raimi tëi yuvɨreko.