San Mateo 6:2 - Tüpä Ñe'ëngagwer

² “Evokoiyase, peipɨtɨ̇vɨïse iparaɨsu va'e, ndapemombe'ui chira opakatu ava upe, inungar ava oñe'ë ñotëi va'e tekokwer rese yuvɨreko yepi oɨ judío ñemonu'äsave iyavei okar rupi tëi tayanderepia anga'u ava o'esave tëi. Supiete aipo a'e evokoi vɨreko ite porerekosa oyeupe narä.

Tũpa Ñehengagüer

² Evocoiyase iparaɨsu vahe rese peporerecose, ‘Tamombehupa ava upe vichico’ ndapeyei chira inungar ava Tũpa reroyasar angahu tẽi yuvɨreco yepi. Tũparove iyavei ocar rupi mimbɨ omoñehe yuvɨreco ‘Co ava avɨye ité yuvɨrecoi, tehi angahu yuvɨreco yandeu’ oya tẽi. Supi eté aipo ahe pẽu: Ẽgüe ehi vahe rumo opa voi oipɨsɨ porerecosa co ɨvɨ pɨpe tẽi yuvɨreco.

San Mateo 6:2 Iomraidhean Croise

San Mateo 15:7

¡Pe inungar ava oñe'ë ñotëi va'e tekokwer rese yuvɨreko yepi! Supi tuprɨ ite Tüpä ñe'ë mombe'usar Isaías omombe'u pe rekokwer, aipo e'i:

San Mateo 16:3

iyavei añi'ïvëi aipo peye: ‘Ko pɨpe arɨ naporäi chira, esepia ɨva rese pirä iteanga pɨ̇tü-pɨ̇tü avei.’ Pe ni'ä peikwa ite mba'e ɨva resendar oyekwa va'e mombe'u, ¿marä vo evokoiyase ndapeikwai poromondɨisa kurïtëindar mombe'u?

San Mateo 22:18

Jesús oikwa voi ete ipɨ'a ñemoñeta raisa, sese aipo e'i chupe: –Pe inungar ava oñe'ë ñotëi va'e tekokwer rese yuvɨreko yepi, ¿ma'erä vo che mbo'a uka pota mba'e tëi pɨpe peye?

San Mateo 23:5

Oyapo anga'u mba'e opakatu ava rembiepiave yuvɨreko yepi. Tayande repia yuvɨreko oyapave tëi osɨva rese oyɨva rese avei Ikwachiaprɨ turukwar ipɨ va'e iyavei ipuku va'e rese, omonde avei oturukwar ipopɨ omoarö tuprɨai katu va'e yuvɨreko.

San Mateo 23:6

Oipota karusa rupi gwenarä avɨye katu va'e, oseka avei tenda porañete katu va'e gwenarä judío ñemo'üsa pɨpe yuvɨreko no,

San Mateo 24:51

ipare rumo omombaraɨsu katura, tinupasa inungar ava oñe'ë ñotëi va'e tekokwer rese yuvɨreko yepi. A'ese oyase'o tëira oyemoaitere-tere tëi aveira.

San Mateo 5:18

Supiete ko ɨva ɨvɨ avei yandeu oime vɨtemiseve, ndipoi chietera ñepëi yepe Moisés porokwaita rembikwachiagwer okañɨ tëi va'erä, opakatu tuprɨ rane itera imombe'uprɨ yavɨye.

San Mateo 6:16

“Akoi peyekwakuse, ndapemboyekwai chira perepiaka vɨ'are'ɨ̇sa, inungar ava oñe'ë ñotëi va'e tekokwer rese yuvɨreko yepi, omboyekwa vɨ'are'ɨ̇sa tacherepia ava yuvɨreko e'i anga'u yekwakusa pɨpe. Supiete aipo a'e vɨreko itera porerekosa oyeupe narä.

San Mateo 6:3

Akoi nde ereipɨtɨ̇vɨïse iparaɨsu va'e, nde remombe'ui chira nde mborɨpar upe ambuae nde mborɨpar katu upe avei;

San Mateo 6:5

“Akoi peyerurese, ndapeikoi chira inungar ava oñe'ë ñotëi va'e tekokwer rese yuvɨreko yepi, a'e akoi oyerure potarai va'e oɨ judío ñemonu'äsave iyavei okarusu popɨve tacherepia ava yuvɨreko oyapave. Supiete aipo a'e evokoi rese vɨrekora porerekosa oyeupe narä.

San Mateo 7:5

¡Pe inungar ava oñe'ë ñotëi va'e tekokwer rese yuvɨreko yepi!, pemoigätu uka rane mba'e pe rembiavɨ tuvicha katu va'e peyesui, a'ese ramo ambuae perɨvrɨ rembiavɨ peikatura imoigätu.

San Marcos 12:39

Oseka avei tenda porañete katu va'e gwenarä judío ñemonu'äsave, iyavei karusave tenda avɨye katu va'e ogwapɨ agwä yuvɨreko yepi;

San Marcos 7:6

Jesús rumo omboyevɨ chupe: –Pe inungar ava oñe'ë ñotëi va'e tekokwer rese yuvɨreko yepi, supi tuprɨ ite Tüpä ñe'ë mombe'usar Isaías rembikwachia araka'endar aipo e'i: ‘Ko tekwa pendar oyuru pɨpe tëi che mboetei yuvɨreko, ipɨ'a ñemoñetasa rumo amombrɨ ite che sui.

San Lucas 11:41

Pemondo pe porerekosa rekate'ɨ̇ e'ɨ̇sa pɨpe. Evokoiyase ipɨpe sui opakatu imoatɨröprɨ peikora.

San Lucas 11:43

“¡Peparaɨsu pe, fariseo! esepia peipota pe renda porañete katu va'e pe gwapɨ agwä oɨ judío ñemonu'äsave, iyavei peipota peü opakatu avɨrave oyapora ava pe mboeteisave okar rupi yuvɨreko.

San Lucas 12:33

Pemondopa mba'e pereko va'e, pemondo avei ava iparaɨsu va'e upe; iyavei peikora mba'e rɨru ndopai va'e nungar, a'eve ɨvave peyapokatura ndopai va'e mba'e serekoprɨ, iyavei ava imondarai va'e ndoikatui chietera oike agwä mba'e rasoi avei ndoikatui chietera oike imomarä agwä.

San Lucas 12:56

¡Pe inungar ava oñe'ë ñotëi va'e tekokwer rese yuvɨreko yepi! Peikwa ni'ä mba'e ɨva rese oyekwa va'e mombe'u, ɨvɨ rese mba'e oyekwa va'e mombe'u avei, ¿ma'erä ru evokoiyase ndapeikwai chira kurïtëindar aravɨter pɨpendar oime va'e mombe'u peiko viña?”

San Lucas 13:15

Yande Yar evokoiyase omboyevɨ chupe: –Pe inungar ava oñe'ë ñotëi va'e tekokwer rese yuvɨreko yepi, ¿ndoyorai vo pe pa'ü pendar akoi gweimba tɨvi iyavei gwariku mbɨtu'usa arɨ pɨpe yuvɨreko imboɨ'u agwä yepi?

San Lucas 20:46

“Peikwa katu ko Moisés porokwaita rese oporombo'e va'e sui, a'e oipota ogwata turukwar puku va'e rese yuvɨreko, iyavei oipota oyeupe avɨrave apo agwä okar rupi omboeteisa pɨpe yuvɨreko. Oseka avei gwapɨsa porañete katu va'e gwenarä oɨ judío ñemonu'äsa pɨpe iyavei oseka karusa rendave porañete katu va'e yuvɨreko yepi;

San Lucas 6:24

Pe ¡mba'e yar peiko va'e peparaɨsu katu ite kurïtëi, esepia ni'ä pemboavɨye pe rorɨvetesa peiko!

San Lucas 6:42

Iyavei mba'e nderembiavɨ tuvicha va'e nderesepiai vo nderesa pɨpe, ¿marä erera evokoiyase nde rɨvrɨ upe: ‘Che rɨvrɨ, eseya cheu amoigätu va'erä mba'e nderembiapo erereko va'e’? ¡Pe inungar ava oñe'ë ñotëi va'e tekokwer rese yuvɨreko yepi! Penose uka rane pe rembiavɨ tuvicha katu va'e peyesui, a'ese ramo ambuae ava rembiavɨ ta'ɨmi va'e moigätu peikatura.”

San Juan 13:29

Esepia Judas sekoi gwarepochi rɨru rärösar ite yepi, oime rumo ipɨ'añemoñeta va'e Jesús oyokwai revo mba'e rerokwa agwä Pascua pietase narä e'i yuvɨreko chupe, anise omondora revo ava iparaɨsu va'e upe mba'e e'i yuvɨreko viña.

San Juan 5:41

“Ndaipɨsɨi ete ava che mboeteisa tëi.

San Juan 5:44

¿Ndapeikatui ete che reroya agwä peye, esepia pe ae tëi peyemboetei; ndapesekai ete Tüpä ñepëi va'e suindar yemboeteisa?

San Juan 7:18

Akoi oñe'ë va'e oyesui tëi, a'e oseka mboeteisa oyeupe narä tëi; oseka va'e rumo che mbousar sui mboeteisa gwasu, a'e supiete mba'e omombe'u; ndipoi ete porombopasa iporombo'esa rese.

Los Hechos 10:2

A'e mbɨa omboetei Tüpä opakatu gwa'ɨrɨ, gwembireko reseve yepi, iyavei omondoño ite judío pɨtɨ̇vɨï agwä gwarepochi, oyerure avei Tüpä upe yuvɨreko yepi.

Los Hechos 10:31

A'e aipo e'i cheu: ‘Cornelio, Tüpä osendu nde yeruresa oikwa avei nde ereipɨtɨ̇vɨïse ava iparaɨsu va'e eiko.

Los Hechos 10:4

Cornelio oma'egätuño ou mbigwai ɨva pendar rese, ipare osɨkɨye pɨpe tëi oporandu chupe: “¿Mba'e vo ereipota eiko, che Yar?” Mbigwai ɨva pendar aipo e'i chupe: “Tüpä oipɨsɨ nde yeruresa; osepia avei nde poroparaɨsuerekosa.

Los Hechos 11:29

Evokoiyase Jesús reroyasar Antioquía pendar omondo pota voi okatugwer rupi Jesús reroyasar Judea pendar pɨtɨ̇vɨï agwä yuvɨreko.

Los Hechos 24:17

“Seta aravɨter pare ayevɨ che rekwa Jerusalén ve, ava iparaɨsu va'e upe porerekosa mondo agwä, iyavei Tüpä upe seropove'ë pɨrä.

Los Hechos 9:36

A'e aravɨter pɨpe Jope ve kuña serer va'e Tabitá sekoi, griego ñe'ë pɨpe rumo Dorcas serer. A'e Jesucristo reroyasar sekoi a'e sekokwer avɨye va'e oporopɨtɨ̇vɨï yepi.

Romanos 12:8

iyavei akoi oipɨsɨ va'e porombo'esa arakwasa resendar ambuae ava mongere'ɨ̇ katu agwä, tasekoi katu ava mongere'ɨ̇ agwä. Akoi iporereko va'e, toyapo gweko mbegwemisa pɨpe; akoi oipɨsɨ va'e mboravɨkɨ, toyapoño okere'ɨ̇sa pɨpe; iyavei akoi iparaɨsu va'e pɨtɨ̇vɨïsar, toipɨtɨ̇vɨïño avei vorɨvetesa pɨpe.

1 Corintios 13:3

Iyavei mba'e opakatu areko va'e amboya'o-ya'o tuprɨ tëise ava iparaɨsu va'e upe viña, iyavei ayoapɨpa uka tuprɨ tëise viña, ndasaɨsuise rumo ava ipɨpe, che evokoiyase egwë a'e tuprɨ tëira vichiko.

Gálatas 2:10

A'e rumo oporandu yuvɨreko oreu, oroyemoma'endu'a va'erä ava iparaɨsu va'e pɨtɨ̇vɨï agwä rese, che rumo egwë a'e pota ite yɨpɨsuive vichiko yepi.

Efesios 4:28

Akoi imondarai va'e, timonda iri eme, toyapo mboravɨkɨ avɨye va'e ava iparaɨsu va'e pɨtɨ̇vɨï agwä.

1 Tesalonicenses 2:6

Ore ndorosekai ete ava ore mboetei katu agwä yuvɨreko: ndorosekai avei pesui ambuae ava sui aveino.

1 Timoteo 6:18

Eyokwai avei evokoi ava, toyuvɨrekoi mba'e yar nungar mba'e avɨye va'e aposa pɨpe, iyavei toyemoigätuño akoi mba'e vɨreko va'e mboya'o agwä ambuae ava upe yuvɨreko.

Filemón 1:7

Cherorɨvete ayemongere'ɨ̇ katu avei nde poroaɨsusa rese, nde evokoiyase che rɨvrɨ, eremongere'ɨ̇ katu ava pɨ'a ñemoñetasa avɨye va'e ko tekwa pɨpe yuvɨreko.

Hebreos 13:16

Peresarai eme katu ambuae ava upe mba'e tuprɨ aposa sui, iyavei pemondoño ite mba'e pereko va'e ambuae ava upe. Esepia evokoi nungar mba'e seropove'ëprɨ Tüpä oipota.

1 San Pedro 4:11

Akoi ava oñe'ë tuprɨai va'e, a'e tomombe'u Tüpä ñe'ë ite. Akoi peporopɨtɨ̇vɨï potase, peyapoño Tüpä ombou va'e pirätäsa pɨpe peü. Opakatu mba'e peyapo va'e, peyapo katu Jesucristo rer pɨpe Tüpä mboetei agwä, esepia chupendar ite imboeteisa iyavei imborerekwasa apɨre'ɨ̇ va'erä ite. Amén.