San Mateo 6:13 - Tüpä Ñe'ëngagwer

¹³ Ore mboangaipa ukai rene eve, eipe'a mba'e naporäi va'e ore sui.’

Tũpa Ñehengagüer

¹³ Ore mboangaipa ucai rene eve; eipeha mbahe naporai vahe ore sui’ peyera.

San Mateo 6:13 Iomraidhean Croise

San Mateo 26:41

Pema'emo'ä pekeirene, peyerure katu mba'e tëi pɨpe pevɨapi e'ɨ̇ agwä. Pe ni'ä pekere'ɨ̇ ite viña, pe retekwer rumo nipirätäi peü.

San Mateo 28:20

iyavei pembo'era seko tuprɨ agwä opakatu amombe'u va'e rese peü. Che aikora perese arɨ yakatu rupi, opɨtu'use voi ete tekokwer ɨvɨ pɨpendar kuri.

San Mateo 5:37

Sese ni'ä peñe'ëse ñepëi reseve, ‘avɨye peyera’ anise ‘ani peye aveira’. Akoi oyepepɨ va'e ko sui, a'e mba'e tëiete sekoi.”

San Mateo 6:10

Tou nde mburuvicha etesa oreu. Tayaposa nde remimbotar ko ɨvɨ pɨpe, inungar ɨvave yaposa va'e yepi.

San Juan 17:15

Ndaporandui rumo ndeu erenose va'erä ko ɨvɨ pɨpe sui, che aipota eresäröra opakatu mba'e-mba'e tëi sui.

1 Corintios 10:13

Pe rumo kurïtëi ndapeiko vɨtei ete tekoa'äsa yavai va'e pɨpe. Sese peyeroyaño itera Tüpä rese, a'e ni'ä oikwa pe yemovɨräkwäsa, noñokwai chira tekoa'äsa imbou peü. Akoi mba'e tëi oimese pe rekoa'äse, Tüpä ombou voiñora pirätäsa evokoi mba'e tëi sui pe së agwä, chupe pe ñemosa agwä.

1 Corintios 14:16

Esepia akoi nde eremboeteise Tüpä pɨ'a ñemoñetasa avɨye va'e pɨpe tëi, iyavei ñepëi ava osenduse nde ñe'ë, ndosendukwaise rumo nde yeruresa ndasekoi chietera nde rupi, esepia ni'ä ndosendukwai ete nde ñe'ë yuvɨreko.

2 Corintios 1:20

esepia opakatu Tüpä remimombe'ugwer imboavɨyesa ite. Sese akoi yamboeteise Tüpä, aipo ya'e “Amén” Cristo Jesús rer pɨpe.

Gálatas 1:4

Jesucristo oyemondo mano pɨpe yande angaipa repɨrä, egwë e'i kurïtëi yande renose ko ɨvɨ pɨpe mba'e-mba'e tëi sui yande Ru Tüpä remimbotar rupi.

1 Tesalonicenses 1:10

omombe'u avei pesärö va'e Tüpä Ra'ɨrɨ Jesús iyevɨ agwä ɨva sui yuvɨreko oreu, a'e akoi Tüpä ombogwerayevɨ va'e Jesús omano va'e pa'ü sui, a'e ni'ä yande pɨsɨröra ñemoɨrösa ipirätä va'e sui.

2 Tesalonicenses 3:3

Yande Yar rumo seko ɨ̇vi va'e, a'e pe rekokwer movɨräkwära iyavei peräröra mba'e tëi sui.

1 Timoteo 1:17

¡Sese yamondo imboeteisa apɨre'ɨ̇ yande Rerekwar ɨvate katu ndopai va'e upe a'e nomanoi va'e, ndayasepiai va'e, a'e ñepëi va'e Tüpä! Amén.

Hebreos 11:36

Ambuae iparaɨsu katu ava upe oñeroɨrösa pɨpe, onupasa pɨpe, oapɨ̇chi-pɨ̇chisa pɨpe, vokendasa pɨpe avei yuvɨreko.

1 San Pedro 5:8

Pearakwa kañɨi rene peyesui, pema'emo'ä arɨ rupi peyese, esepia pe amotare'ɨ̇mbar Karugwar pe reko momarä pota yepi inungar yagwar oñarö va'e ogwata tëi oporoeka tamomarä ava oyapave.

2 San Pedro 2:9

Esepia yande Yar oikwa vɨroyasar renose agwä mba'e tëi sui, oikwa avei mba'e tëi pɨpe yuvɨrekoi va'e rereko imombaraɨsu agwä arɨ kañɨse kuri.

1 San Juan 3:8

akoi oyapo va'e angaipa a'e karugwar suindar, esepia karugwar yɨpɨsuive ite oyapo angaipa. Sese ou Tüpä Ra'ɨrɨ: karugwar rembiapo mokañɨpa agwä.

Apocalipsis 1:18

iyavei aikove vɨte va'e. Yepe amano viña, kurïtëi rumo aikove iri ndopai va'erä ite che rekokwer. Che areko che mborerekwasa ava rekokwer mokañɨ agwä.

Apocalipsis 19:1

Ko ipare, asendu ava re'ɨi ñe'ë pirätä ɨvave aipo e'i va'e: “¡Imboeteiprɨ yande Yar tasekoi! Poropɨsɨrösa, teko porañetesa iyavei ipirätäsa a'e yande Ru Tüpä suindar,

Apocalipsis 19:4

Evokoiyase veinticuatro tuprɨ ɨva pendar ikwaiprɨ yuvɨrekoi va'e iyavei irugätu ɨva pendar yuvɨrekove va'e, a'e Tüpä mboeteisa pɨpe oyeaɨvɨ ɨvɨ rese, aipo e'i yuvɨreko: “¡Egwë te'i! ¡Imboeteiprɨ yande Yar tasekoi!”

Apocalipsis 2:10

Ndapesɨkɨyei chira pe paraɨsu agwä sui, esepia karugwar osokenda ukara amove pe pa'ü pendar sekoa'ä agwä; pe paraɨsu rane itera ni'ä opayandepo yovaive arɨ rupi peiko. Akoi peyemovɨräkwä tuprɨse sese, a'ese che amondora porerekosa tekovesa apɨre'ɨ̇ ndopai va'e peü.

Apocalipsis 21:4

A'e ni'ä omombɨtu'ura opakatu ava resaɨ, iyavei ndipo iri chietera manosa; yase'osa, vɨ'are'ɨ̇sa, tekoasɨsa avei; esepia ni'ä opakatu mba'e oime va'ekwer yɨpɨndar, ndipo iri chietera kurïtëi.”

Apocalipsis 3:10

Esepia peroya ite che porokwaita, peyemovɨräkwä ite evokoi mba'e tëi upe peiko, evokoiyase che opoepɨra akoi arɨ tekoa'äsa ouse opakatu ɨvɨ rupindar upe kuri.

Apocalipsis 3:14

“Eikwachia avei mbigwai ɨva pendar che reroyasar rärösar Laodicea pendar upe: ‘Ko aipo e'i ñe'ësa supiete va'e mombe'u seko katuprɨ va'e, esepia ichui ni'ä Tüpä oyapo opakatu mba'e ɨvɨ pɨpendar:

Apocalipsis 5:13

A'ese asendu avei opakatu Tüpä rembiapo ɨvave yuvɨrekoi va'e, ɨvɨ pɨpendar, ɨvɨvrɨ rupindar iyavei paragwasu pɨpendar, aipo e'i yuvɨreko: “¡Akoi ogwapɨ va'e tenda porañetesave iyavei Ovesami a'e Cristo sekoi va'e rendave, a'e timboeteisa, toipɨsɨ avei teko porañetesa iyavei pirätäsa, opakatu apɨre'ɨ̇ va'erä yepi!”