San Mateo 6:1 - Tüpä Ñe'ëngagwer

¹ “Peyapoi rene mba'e avɨye va'e ava rovake tache repia anga'u yuvɨreko ndapeyei chira. Peyapose evokoi nungar, pe Ru ɨvave sekoi va'e nomboui chietera porerekosa peü.”

Tũpa Ñehengagüer

¹ “Tũpa upe mbahe peyapo potase, ‘Tache repia ava yuvɨreco’ ndapeyei chira. Esepia, ẽgüe peyese, ndapeipɨsɨi chietera pe Ru Tũpa ɨva pendar porerecosa.

San Mateo 6:1 Iomraidhean Croise

San Mateo 16:27

Esepia che ava ɨvate katu va'e Ra'ɨrɨ ayura che Ru pirätäsa porañetesa pɨpe iyavei sembigwai ɨva pendar reseve kuri, evokoiyase aikwara ñepëi-pëi ava upe sembiapokwer rupi chupe.

San Mateo 16:6

Evokoiyase Jesús aipo e'i: –Peikwa katu fariseo sui saduceo mboyape mboapeposa sui aveino.

San Mateo 23:13

“¡Peparaɨsu katu itera pe Moisés porokwaita rese oporombo'e va'e iyavei pe fariseo peiko va'e, pe inungar ava oñe'ë ñotëi va'e tekokwer rese yuvɨreko yepi!, pemombɨtaño ava Tüpä povrɨve seike rägwer sui yepi. Pe avei ete ndapeikei ipovrɨve, iyavei akoi yuvɨroike pota va'e pemombɨtaño seike rägwer sui.

San Mateo 23:5

Oyapo anga'u mba'e opakatu ava rembiepiave yuvɨreko yepi. Tayande repia yuvɨreko oyapave tëi osɨva rese oyɨva rese avei Ikwachiaprɨ turukwar ipɨ va'e iyavei ipuku va'e rese, omonde avei oturukwar ipopɨ omoarö tuprɨai katu va'e yuvɨreko.

San Mateo 25:40

Mborerekwar ɨvate katu va'e rumo omboyevɨra chupe: ‘Supiete peyapose opakatu mba'e avɨye va'e ñepëi seko mbegwemi va'e, che reroyasar pa'ü pendar upe cheu rumo egwë peye.’ ”

San Mateo 5:16

Pe egwë peye aveira, pemboyekwa ava eta upe pe rekokwer avɨye va'e, ipɨpe sui osepiara mba'e peyapo ikatuprɨ va'e, opakatu tomboetei yuvɨreko yande Ru Tüpä upe ɨva pendar sekoi va'e.”

San Mateo 5:46

Pe raɨsupar gweraño pesaɨsu katu tëise, ¿mba'e pi'ä peipɨsɨra ichui? Egwë e'i tuprɨ avei gwarepochi rerokwasar Roma ve narä yuvɨreko yepi.

San Mateo 5:48

Peikora mba'e tuprɨ pɨpe, inungar pe Ru ɨva pendar seko katuprɨ va'e.”

San Mateo 6:16

“Akoi peyekwakuse, ndapemboyekwai chira perepiaka vɨ'are'ɨ̇sa, inungar ava oñe'ë ñotëi va'e tekokwer rese yuvɨreko yepi, omboyekwa vɨ'are'ɨ̇sa tacherepia ava yuvɨreko e'i anga'u yekwakusa pɨpe. Supiete aipo a'e vɨreko itera porerekosa oyeupe narä.

San Mateo 6:9

Sese aipo peyera peyerure: ‘Ore Ru Tüpä ɨvave ereiko va'e, imboeteiprɨ nderer tasekoi.

San Marcos 8:15

Jesús aipo e'i: –Peikwa katu fariseo mboyape mboapeposa sui Herodes mboyape mboapeposa sui aveino.

San Lucas 11:35

Sese peikwa katu ko poroesapesa pereko va'e, tape rereko eme pɨ̇tümimbi va'e nungar.

San Lucas 12:1

A'e pɨpeve avei ava oñemonu'ä atɨ iteanga, oyembotɨ tuprɨ oyemombo gwasu-gwasu yuvɨreko. Jesús omboɨpɨ oñe'ë, gwemimbo'e upe rane: “Peñearö tuprɨ fariseo mboyape mboapeposa sui, ko rese aipo a'e peü, seko kwerai rese yuvɨreko.

San Lucas 12:15

Aipo e'i avei chupe: –Peñearö tuprɨ opakatu mba'e pota raisa sui; esepia ni'ä nda'ei mba'e rereko atɨ agwä perekokwer.

San Lucas 16:15

Jesús aipo e'i chupe: “Pemboyekwa tuprɨ tëi va'e ava rovake perekokwer, Tüpä rumo oikwa pe pɨ'a ñemoñetasa; iyavei ava vɨreko mba'e ɨvate katu eteprɨ va'e, Tüpä rumo ndoipotai ete.”

San Juan 12:43

Esepia a'e oipota katu ava tëi suindar yemboeteisa Tüpä suindar yemboeteisa sui yuvɨreko.

San Juan 5:44

¿Ndapeikatui ete che reroya agwä peye, esepia pe ae tëi peyemboetei; ndapesekai ete Tüpä ñepëi va'e suindar yemboeteisa?

Los Hechos 3:12

Pedro, mba'e repiare, aipo e'i ava upe: “¿Ma'erä vo peyemondɨi ko mba'e repiase, pe Israel ɨgwar? ¿Ma'erä vo ore repia atɨ peye ndoyavɨi ko ore pirätäsa pɨpe tëi iyavei Tüpä rese ore pɨ'añemoñeta tuprɨsa pɨpe tëi orombogwera va'e ko mbɨa peü viña?

Gálatas 6:12

Evokoi ava pe mbocircuncida uka pota va'e gwemimbotar rupi tëi, a'e yuvɨropɨta tuprɨ va'erä egwë e'i ava rese yuvɨreko, esepia ndoipotai oamotare'ɨ̇ ko ñe'ësa Cristo atɨka agwer mombe'u pɨpe yuvɨreko.

Hebreos 11:26

Avɨye katu ite chupe Tüpä rembiporavo upe narä mba'e tëi porara agwä, Egipto pendar mba'e eta sepɨrusu va'e rereko rägwer sui; esepia a'e oikwaño ite oyeupe narä porerekosa Tüpä ombou va'erä.

Hebreos 2:1

Sese iyakatu ko ñe'ësa yasendu va'e rese yayapɨsaka tuprɨ katu, ko tekokwer pɨasu sui yande yepepɨ e'ɨ̇ agwä.

Hebreos 6:10

Esepia Tüpä seko avɨye va'e, iyavei ndasesarai chietera pe rembiapo avɨye va'e sui pe poroaɨsusa pemboyekwa va'e peipɨtɨ̇vɨïse seroyasar, a'e ni'ä ko peyapoño vɨte peiko.

2 San Juan 1:8

Peñearö katu pe poravɨkɨ reprɨ mokañɨ tëi e'ɨ̇ agwä, tapeipɨsɨ katu Tüpä porerekosa peyeupe narä.