San Mateo 5:8 - Tüpä Ñe'ëngagwer

⁸ Sorɨvete katura akoi ava ipɨ'a ñemoñeta tuprɨ va'e, esepia ni'ä a'e osepiara Tüpä yuvɨreko kuri.

Tũpa Ñehengagüer

⁸ “Sorɨvete catura acoi ava ipɨhañemoñeta tuprɨ vahe. Esepia niha, ahe osepiara Tũpa yuvɨreco curi.

San Mateo 5:8 Iomraidhean Croise

Los Hechos 15:9

Tüpä rumo nomboyoavɨi ete yande raɨsu oiko, esepia omoatɨrö ipɨ'a ñemoñetarai sui oyese yeroyasa pɨpe.

1 Corintios 13:12

Kurïtëi yande ndayasendukwa tuprɨi Tüpä resendar mba'e, inungar akoi yepiasa pɨpe yasepia ävomi tëi mba'e; osupitɨra rumo arɨ yayeepia va'erä ñepëi-pëi ete kuri. Kurïtëi rumo che mba'ekwasa nda'ei supi tuprɨ va'e, koiye rumo aikwa tuprɨ katu itera Tüpä, inungar a'e oikwa tuprɨ che rekokwer oiko.

2 Corintios 7:1

Che rɨvrɨ eta, che rembiaɨsu, ko Tüpä remimombe'u imboavɨyepɨrä yandeu. Sese yande yamoigätu tuprɨra yande rekokwer chupe yareko e'ɨ̇ agwä yande retekwer angaipa pɨpe, inungar yande rete iyavei yande rekokwer pɨpe; iyavei Tüpä mboeteisa pɨpe yasekara yande reko katuprɨ agwä chupe narä gweraño ite.

Tito 1:15

Akoi ndaseko maräi va'e upe opakatu mba'e nimaräi; ndiporeroyai va'e ipɨ'a ñemoñeta rai tëi va'e upe rumo, ndipoi ete mba'e avɨye va'e, esepia ipɨ'a ñemoñeta yarakwasa avei naporäi ete.

Hebreos 10:22

Sese yayemboya katura Tüpä rese yande pɨ'añemoñeta tuprɨsa pɨpe iyavei yande yeroyasa ipa voi va'e pɨpe, supiete a'e opa yande reko mbokatuprɨ yande pɨ'añemoñeta raisa sui iyavei omoatɨrö yande rete ɨ maräne'ɨ̇ pɨpe.

Hebreos 12:14

Peiko katu ava upe mba'e tuprɨ pɨpe, peiko avei pe reko maräne'ɨ̇ pɨpe; esepia ava ndovɨrekoi va'e gweko maräne'ɨ̇, ndosepiai chietera yande Yar.

Hebreos 9:14

¡Cristo ruvɨ rumo vɨreko katu pirätäsa! Esepia Cristo Espíritu apɨre'ɨ̇ va'e pɨpe, oyemondo a'e ae Tüpä upe inungar mba'e seropove'ëprɨ nimaräi va'e, iyavei suvɨ yande pɨ'a ñemoñetasa moatɨrö opakatu yande rembiapoai manosave yande rereko va'e sui, a'ese yaikatura Tüpä oikove va'e upe mba'e apo uka agwä.

Santiago 3:17

akoi vɨreko va'e rumo Tüpä suindar arakwasa, a'e vɨreko itera opakatu ava rovake gweko maräne'ɨ̇sa iyavei sekoira gweko mbegwesa pɨpe; a'e ndaseko asɨi chiaveira. Iyavei oyemoigätu voi va'e, a'e oporoparaɨsuereko va'e, nomboyoavɨratɨi va'e gwekokwer, a'e ipɨ'a ñemoñetasa ñepëi reseve va'e iyavei oyapo tuprɨ va'e mba'e.

Santiago 4:8

Peyemboya Tüpä rese, a'e evokoiyase oyemboyara pe rese. ¡Peñemoatɨrö mba'e peyapo va'e sui! ¡Iyavei pemoatɨrö pe pɨ'a ñemoñetasa, pesaɨsu pota va'e Tüpä a'e pɨpe avei pesaɨsu mba'e ko ɨvɨ pɨpendar!

1 San Pedro 1:22

Kurïtëi Tüpä ñe'ëngagwer supi tuprɨ va'e mboyeroyasa pɨpe imoatɨrösa pe rekokwer pesaɨsu va'erä ambuae Jesús reroyasareta. Evokoiyase egwë peyera peyeaɨsu opakatu pe pɨ'añemoñeta tuprɨsa pɨpe, iyavei opakatu pe pirätäsa pɨpe.

Apocalipsis 22:4

Osepiara sova iyavei vɨrekora serer osɨva rese yuvɨreko.